ຮ່າງກາຍຂອງແມ່ຍິງມີຄວາມພິເສດຫລາຍສິ່ງທີ່ທ່ານອາດບໍ່ຮູ້
March 24, 2017 - 11:40 AM
-
ແມ່ຍິງດັງໄວ ສາມາດຮັບຮູ້ກິ່ນໄດ້ດີຫລາຍ : ແມ່ຍິງໃນໄວຈະເລີນພັນຈະມີຄວາມສາມາດໃນການຮັບຮູ້ກິ່ນໄດ້ດີກ່ວາຜູ້ຊາຍ ແລະ ແມ່ຍິງໃນໄວອື່ນໆ ເຊິ່ງອາດຈະມີຜົນມາຈາກຮໍໂມນທີ່ເກີດຂຶ້ນ ແລະ ປ່ຽນແປງໃນຮ່າງກາຍ ຈຶ່ງເຮັດໃຫ້ແມ່ຍິງໃນໄວຈະເລີນພັນຈັບກິ່ນຫອມ ແລະ ໄຈ້ແຍກກິ່ນຕ່າງໆໄດ້ດີ ໂດຍສະເພາະກິ່ນຂອງຄົນທີ່ລຶ້ງເຄີຍ. - ແມ່ຍິງດື່ມສິ່ງມຶນເມົາບໍ່ເກັ່ງເທົ່າຜູ້ຊາຍ : ເຖິງວ່າແມ່ຍິງຫລາຍຄົນອາດຈະຖຽງ ແຕ່ກໍຕ້ອງຍອມຮັບໂດຍດີວ່າຮ່າງກາຍຂອງຕົນເອງບໍ່ມີເອັນໄຊສຳລັັບຍ່ອຍອານກໍຮໍຄືກັບຮ່າງກາຍຂອງຜູ້ຊາຍມີ ທັງນີ້ ຮ່າງກາຍຂອງແມ່ຍິງຍັງມີຄວາມສາມາດໃນການລະບາຍອານກໍຮໍໄດ້ຕໍ່າກ່ວາ ດັ່ງນັ້ນຫາກທ່ານທ້າດື່ມສິ່ງມຶນເມົາແຂ່ງກັບຜູ້ຊາຍໃນປະລິມານອານກໍຮໍທີ່ເທົ່າໆກັນ ກໍຄົງຕ້ອງແພ້ເຂົາຢ່າງແນ່ນອນ ເພາະລະດັບອານກໍຮໍໃນກະແສເລືອດຂອງແມ່ຍິງຈະສູງກ່ວາ.
- ແມ່ຍິງຈະຮູ້ຊຶ້ງເຖິງຄວາມເຈັບປວດໄດ້ຫລາຍກ່ວາຜູ້ຊາຍ : ການສຶກສາຈາກມະຫາວິທະຍາໄລສະແຕນຟອດ ເປີດເຜີຍວ່າ : ຫາກແມ່ຍິງ ແລະ ຜູ້ຊາຍເຈັບປ່ວຍດ້ວຍພະຍາດດຽວກັນ ແມ່ຍິງຈະມີທ່າອ່ຽງຮູ້ສຶກເຈັບປວດຫລາຍກ່ວາຜູ້ຊາຍ ອັນເນື່ອງມາຈາກລະດັບຮໍໂມນເອສໂຕຣເຈັນໃນເພດຍິງທີ່ມີສ່ວນກະຕຸ້ນຄວາມເຈັບປວດລະດັບຂີດສຸດໃນເພດຍິງ ໂດຍສະເພາະຫາກເປັນໄລຍະທີ່ລະດັບເອສໂຕຣເຈັນໃນຮ່າງກາຍສູງຂຶ້ນ ຄວາມເຈັບປວດນັ້ນກໍຈະທະວີຄວາມຮຸນແຮງຂຶ້ນເປັນເງົາຕາມໂຕເລີຍ.
- ຕ່ອມນ້ຳຕາຂອງແມ່ຍິງໃຫຍ່ກ່ວາຜູ້ຊາຍ : ຈາກຜົນສຳຫວດຈະເຫັັນໄດ້ວ່າແມ່ຍິງຮ້ອງໄຫ້ຄິດເປັນອັດຕາສ່ວນ 5,3 ເທື່ອ ຕໍ່ເດືອນ, ແຕ່ຜູ້ຊາຍຈະຮ້ອງໄຫ້ພຽງແຕ່ 1,4 ເທື່ອຕໍ່ເດືອນເທົ່ານັ້ນ ເຊິ່ງເປັນຄວາມຖີ່ທີ່ແຕກຕ່າງກັນຫລາຍ, ແຕ່ນອກຈາກເຫດຜົນດ້ານສະຖານະພາບທາງສັງຄົມທີ່ທຸກຄົນລຶ້ງເຄີຍ ແພດຜູ້ຊ່ຽວຊານກໍຍັງເປີດເຜີຍວ່າ : ຕ່ອມນ້ຳຕາຂອງແມ່ຍິງມີຄວາມແຕກຕ່າງຈາກຕ່ອມນ້ຳຕາຂອງຜູ້ຊາຍ ທັງຮໍໂມນໂປຣແລກຕິນ ເຊິ່ງເປັນຮໍໂມນສຳຄັນໃນການສ້າງນ້ຳນົມໃນແມ່ຍິງກໍຍັງເປັນໜ່ວຍເສີມສ້າງນ້ຳຕາໃຫ້ແມ່ຍິງຕື່ມອີກ ແມ່ຍິງໃນໄວຈະເລີນພັນ ນັບແຕ່ອາຍຸ 18 ປີຂຶ້ນໄປຈຶ່ງມີທ່າອ່ຽງຈະຫລັ່ງນ້ຳຕາໄດ້ຫລາຍກ່ວາຜູ້ຊາຍເຖິງ 50 – 60% ແລ້ວ.
- ແມ່ຍິງໃຊ້ສະໝອງທັງສອງເບື້ອງໃນການຟັງ : ນັກວິໄຈຈາກມະຫາວິທະຍາໄລອິນເດຍນ່າໃຊ້ເຄື່ອງ MRI ກວດສອບການເຮັດວຽກຂອງສະໝອງໃນຂະນະທີ່ຜູ້ຊາຍ ແລະ ແມ່ຍິງໄດ້ຟັງທາງການບັນລະຍາຍຈາກວິທະຍາກອນທ່ານໜຶ່ງ ແລະ ພົບວ່າ : ຜູ້ຊາຍສ່ວນຫລາຍຈະຕອບສະໜອງໂດຍການໃຊ້ສະໝອງເບື້ອງຊ້າຍ ເຊິ່ງເປັນເບື້ອງທີ່ກ່ຽວຂ້ອງກັບການຟັງ ແລະ ການເວົ້າ. ໃນຂະນະທີ່ແມ່ຍິງຕອບສະໜອງຕໍ່ຂໍ້ຄວາມທີ່ໄດ້ຍິນດ້ວຍສອງເບື້ອງ ເຊິ່ງເປັນພາກສ່ວນທີ່ກ່ຽວຂ້ອງກັບຄວາມຄິດສ້າາງສັນ ແລະ ການສະແດງອອກນຳອີກ. ດັ່ງນັ້ນ, ຈຶ່ງບໍ່ໜ້າແປກໃຈຫາກແມ່ຍິງຈະສາມາດໂຕ້ຕອບກັບຝ່າຍກົງກັນຂ້າມໄດ້ດີ ແລະ ມີສີສັນຫລາຍກ່ວາຜູ້ຊາຍ.
