ເປີດສະຖິຕິ-ຜົນງານປີ 2021 ເມສຊີ-ເລວານດອບສະກີ ກ່ອນປະກາດຜົນລາງວັນບັນລົງດໍ

ທຽບສະຖິຕິສ່ວນຕົວ ແລະ ຜົນງານໃນປີ 2021 ຂອງ 2 ນັກເຕະທີ່ຍາດຊີງລາງວັນບານຄຳປະຈຳປີ 2021 ຫລັງຈາກມີຂໍ້ຖົກຖຽງກັນວ່າ ໃຜສົມຄວນໄດ້ລາງວັນ.

ວັນທີ 30 ພະຈິກຜ່ານມາ ຄວັນຫລົງງານປະກາດລາງວັນບານຄຳ ຫລື ຟີຟາ ບັນລົງ ດໍ 2021 ສຳລັບນັກເຕະບານດີເດ່ັນແຫ່ງປີ ເຊິ່ງຈັດຂຶ້ນໂດຍວາລະສານ ຟຣອງ ຟຸດບອລ ທີ່ນະຄອນຫລວງ ປາຣີສ ປະເທດຝຣັ່ງ. ເຊິ່ງ ລີໂອເນລ ເມສຊີ ຍອດດາວຍິງທີມຊາດອາເຈນຕີ ຈາກສະໂມສອນ ປາຣີສ ແຊັງແຊັກແມງ ຄວ້າໄປຄອງເປັນສະໄຫມທີ 7 ຫລາຍທີ່ສຸດເຫນືອກວ່າຜູ້ນັກເຕະທຸກຄົນ ເພີ່ມຈຳນວນຫ່າງ ຄຣິສຕຽນໂນ ໂຣນັລໂດ ຍອດດາວຍິງທີມຊາດໂປຣຕຸເກສ ທີ່ເຄີຍໄດ້ 5 ສະໄຫມໄປອີກ.

ແຕ່ຫລັງຈາກການປະກາດຜົນ ກໍມີການຖົກຖຽງກັນວ່າ  ໂຣເບີດ ເລວານດອບສະກີ ດາວຍິງທີມຊາດໂປແລນສົມຄວນໄດ້ລາງວັນຫລາຍກວ່າ ເມສຊີ ຫລັງສ້າງຜົນງານອັນໂດດເດ່ັນຕໍ່ເນື່ອງ ຕັ້ງແຕ່ປີທີ່ຜ່ານ ເຊິ່ງລາວຄວ້າ 3 ແຊ໊ມກັບ ບາເຢິນ ມິວນິກ ທັງ ບຸນເດສລີກາ ເຢຍລະມັນ, ເດເອຟເບ ໂພຄາລ ແລະ ຢູຟາ ແຊ໊ມປຽນລີກ ແຕ່ເນື່ອງຈາກສະຖານະການໂຄວິດ-19ຈຶ່ງງົດຈັດງານມອບລາງວັນບັນລົງດໍ 2020 ສ່ວນປີນີ້ ກໍໄດ້ພຽງລາງວັນປສູນຫນ້າດີເດ່ັນແຫ່ງປີເປັນການປອບໃຈ.

ຫລ້າສຸດ Transfermark ເວັບໄຊຖານຂໍ້ມູນສະຖິຕິນັກເຕະບານຊື່ດັງ ໄດ້ເປີດເຜີຍສະຖິຕິ ແລະ ຜົນງານໃນປີ 2021 ຂອງ ເມສຊີ ທຽບກັບ ເລວານດອບສະກີ ກ່ອນການປະກາດລາງວັນບັນລົງດໍ 2021 ດ່ັງນີ້ :

• ລົງສະຫນາມ : ເມສຊີ 56 ນັດ / ເລວານດອບສະກີ 54 ນັດ
• ຈຳນວນປະຕູ : ເມສຊີ 41 ປະຕູ / ເລວານດອບສະກີ 64 ປະຕູ
• ຈ່າຍໃຫ້ຫມູ່ຍິງເຂົ້າປະຕູ : ເມສຊີ 17 ຄັ້ງ / ເລວານດອບສະກີ 10 ຄັ້ງ.
• ຄວ້າແຊ໊ມ : ເມສຊີ 2 ລາຍການ ( ໂຄປາ ອາເມລິກາ, ໂກປາ ເດລ ເຣ ) / ເລວອນດອບສະກີ 3 ລາຍການ ( ບຸນເດສລີກາ ເຢຍລະມັນ, ເຢຍລະມັນ ຊຸບເປີ ຄັບ, ແຊ໊ມສະໂມສອນໂລກ )

ຄະແນນສຽງບັນລົງດໍ 2021 : ເມສເຊີ 613 ຄະແນນ ( ອັນດັບ 1) / ເລວານດອບສະກີ 580 ຄະແນນ (ອັນດັບ 2).