ຫລາຍວິທີຊ່ວຍທ່ານປ້ອງກັນອາການຮ້ອນໃນ

  ທ່ານຮູ້ຫລືບໍ່ວ່າການອົດນອນຈະນຳພາພະຍາດພາຍໃນຜົ້ງປາກ ດັ່ງອາການຮ້ອນໃນມາສູ່ທ່ານໄດ້ ເຊິ່ງອາການຮ້ອນໃນສາມາດເກີດຂຶ້ນໄດ້ກັບທຸກເພດໄວ ໂດຍອາການຮ້ອນໃນຈະເກີດຂຶ້ນໃນຜົ້ງປາກ ເລີ່ມທຳອິດຈະມີຕຸ່ມແດງຂຶ້ນມາ ແລ້ວຈາກນັ້ນກໍຈະຄ່ອຍໆກາຍເປັນເມັດສີຂາວທີ່ມີຂອບສີແດງໂນນອອກມາ ເຮັດໃຫ້ເຈັບບໍລິເວນທີ່ເປັນບາດແຜ. ອາການຮ້ອນໃນມີສາເຫດມາຈາກການນອນເດິກ, ຮ່າງກາຍອ່ອນເພຍ, ຄວາມເຄັ່ງຄຽດ, ການປ່ຽນແປງຂອງຮໍໂມນ, ການເປັນປະຈຳເດືອນ, ການແພ້ອາຫານ ຫລື ອາດເກີດຈາກການຂາດວິຕາມິນເບ 12, ທາດເຫລັກ ແລະ ກົດໂຟລິກ, ແຕ່ກໍຢ່າກັງວົນຫລາຍເກີນໄປ ພຽງແຕ່ທ່ານລອງປະຕິບັດຕາມຄຳແນະນຳຕໍ່ໄປນີ້ :

1. ຄວນຫລີກເວັ້ນການຕາກແດດຮ້ອນໆ ເພາະຈະເຮັດໃຫ້ອຸນຫະພູມຂອງຮ່າງກາຍສູງຂຶ້ນ.
2. ຄວນກິນວິຕາມິນເຊ ເພື່ອໃຫ້ລະບົບພູມຕ້ານທານຂອງຮ່າງກາຍແຂງແຮງຢູ່ສະເໝີ.
3. ບໍ່ຄວນກິນອາຫານປະເພດຈືນມັນໆ ເພາະຈະເພີ່ມຄວາມຮ້ອນໃຫ້ຮ່າງກາຍ.
4. ຄວນເລືອກກິນອາຫານທີ່ມີລັກສະນະເຢັນໆ ເຊັ່ນ : ໝາກກ້ຽງ, ໝາກແຕງ, ໝາກໂມ, ໝາກມັນເພົາ ເປັນຕົ້ນ.