8 ສະໂມສອນ ກຽມເປີດເສິກ ຊີງ ຮາແລນ ເດືອນມັງກອນນີ້
ຕອນນີ້ຕະຫລາດນັກເຕະຮອບສອງໃກ້ຈະເປີດແລ້ວ ແລະ ນັກເຕະຊັ້ນນຳຫລາຍຄົນທີ່ຖືກຫມາຍຕາຈາກສະໂມສອນໃຫຍ່ ຄົງກຽມຕັ້ງໂຕະຖ້າຮັບຂໍ້ສະເຫນີໃຫ້ພິຈາລະນາ ຫນຶ່ງໃນນັ້ນກໍຄື ເອີຣິງ ຮາແລນ ເຊິ່ງໄດ້ເປັນກອງຫນ້າດາວຮຸ່ງທີ່ສະເຫນ່ຫອມທີ່ສຸດໃນໂລກບານເຕະໃນເວລານີ້.
ຮາແລນ ຈາກຜົນງານອັນໂດດເດ່ັນກັບທີມ ເຣດ ບູລ ຊັລບວກ ກ່ອນຈະມາສະແດງຜົນງານອັນໂດດເດ່ັນກັບ ໂບລຸສເຊຍ ດອດມຸນ ເຊິ່ງລາວຍິງໄປ 70 ປະຕູຈາກການລົງຫລິ້ນ 69 ເກມ ໃນການແຂ່ງຂັນທຸກລາຍການ.
ສຳລັບຕອນນີ້ ຮາແລນ ຕົກເປັນທີ່ສົນໃຈຈາກສື່ຢ່າງຫລວງງຫລາຍ ສຳລັບໄລຍະຕະຫລາດນັກເຕະລະດູໃຫມ່ນີ້ ເນື່ອງຈາກນັກເຕະມີຄ່າຈີກສັນຍາກັບຕົ້ນສັງກັດພຽງ 69 ລ້ານປອນເທົ່ານັ້ນຫລັງຈາກລະດູການນີ້ ເຊິ່ງຈາກຜົນງານໃນປັດຈຸບັນມູນຄ່າຂອງລາວກໍຫນ້າຈະຫລາຍກວ່າໂຕເລກດັ່ງກ່າວຢ່າງແນ່ນອນ.
ທີ່ສຳຄັນ ການທີ່ດອດມຸນ ຕົກຮອບບແບ່ງກຸ່ມ ຢູຟາ ແຊ໊ມປຽນລີກ ຍິ່ງເຮັດໃຫ້ດາວຍິງຊາວນັອກແວ ບໍ່ຢາກຢູ່ກັບສະໂມສອນອີກຕໍ່ໄປ ສະນັ້ນ ມີຄວາມເປັນໄປໄດ້ຫລາຍທີ່ ດອດມຸນ ຈະເລືອກປ່ອຍນັກເຕະອອກໄປໃນເດືອນມັງກອນທີ່ຈະມາເຖິງນີ້ ຫາກໄດ້ເງິນຄ່າໂຕທີ່ສູງກວ່າຄ່າຈີກສັນຍາ.
ຕອນນີ້ ມີ 8 ສະໂມສອນຊັ້ນນຳຂອງເອີຣົບ ທີ່ພ້ອມເປີດສົງຄາມຍາດ ຮາແລນ ໄປຮ່ວມທີມ ເຊັ່ນ : ແມນເຊສເຕີ ຢູໄນເຕັດ, ແມນເຊສເຕີ ຊິຕີ, ເຊວຊີ, ລີເວີພູລ, ເຣອັນ ມາດຣິດ, ບາເຊໂລນາ, ບາເຢິນ ມິວນິກ ແລະ ສຸດທ້າຍແມ່ນ ປາຣີສ ແຊງ ແຊັກແມັງ,
