ກຳປູເຈຍ ໃຊ້ງົບປ້ອງກັນໂຄວິດ-19 ຈຳນວນ 2 ຕື້ກ່ວາ ໂດລາ ສຫະລັດ.

ອ້າງຕາມແຫລ່ງຂ່າວ ຊິນຮວາຂອງ ຈີນ ໃນວັນທີ 24 ພະຈິກ 2021 ຜ່ານມາ, ໃຫ້ຮູ້ວ່າ: ທ່ານ ຮຸນເຊນ ນາຍົກລັດຖະມົນຕີ ກຳປູເຈຍ ເປີດເຜີຍ ໃນລະຫວ່າງ ເຂົ້າຮ່ວມພິທີ ເປີດຂົວມິດຕະພາບ ຈີນ-ກຳປູເຈຍ ສະຕຶງຕັງ-ໂກຣຈາຊາມາ ທ່ານໄດ້ກ່າວວ່າ ກຳປູເຈຍ ໄດ້ນຳໃຊ້ ງົບປະມານ ໃນການ ຮັບມືປ້ອງກັນພະຍາດ ໂຄວິດ-19 ປະມານ 2,3 ຕື້ໂດລາ ສະຫະລັດ. ໃນນັ້ນ ງົບປະມານ ບາງສ່ວນ ໄດ້ນໍາໃຊ້ ເຂົ້າໃນ ການຈັດຊື້ ວັກຊີນ ປ້ອງກັນ ພະຍາດ ໂຄວິດ-19 ພ້ອມທັງ ສະແດງ ຄວາມພາກພູມໃຈ ໃນຄວາມສຳເລັດ ຂອງ ລັດຖະບານ ກຳປູເຈຍ ໃນໂຄງການ ສັກວັກຊິນ ທົ່ວປະເທດ.

ທ່ານລັດຖະມົນຕີ ກະຊວງ ສາທາ ລະນະສຸກ ກຳປູເຈຍ ເປີດເຜີຍວ່າ: ກຳປູເຈຍ ໄດ້ສັກວັກຊິນຕ້ານພະຍາດໂຄວິດ-19 ໃຫ້ປະຊາຊົນແລ້ວ ຢ່າງໜ້ອຍ 1 ໂດສ ຈຳນວນ 14,1 ລ້ານຄົນ.