ເບນເຊມາ ຖືກໂທດຈຳຄຸກ-ປັບໄຫມ ຄະດີດັງຮຽກຄ່າໄຖ່ວີດີໂອອານາຈານ

ດາວຍິງ ເຣອັນ ມາດຣິດ ໄດ້ຮັບໂທດຈຳຄຸກພ້ອມປັບໃຫມເປັນເງິນຈຳນວນຫລາຍ ຂໍ້ຫາສົມຮູ້ຮ່ວມຄິດໃນຄະດີຮຽກຄ່າໄຖ່ວີດີໂອ ອານາຈານ ອະດີດຫມູ່ຮ່ວມຊາດຝຣັ່ງ

ວັນທີ 24 ພະຈິກຜ່ານມາ ຄາຣິມ ເບນເຊມາ ກອງຫນ້າທີມຊາດຝຣັ່ງ ແລະ ສະໂມສອນ ເຣອັນ ມາດຣິດ ຖືກຕັດ ສິນວ່າມີຄວາມຜິດ ຖານສົມຮູ້ຮ່ວມຄິດເພື່ອຮຽກຄ່າໄຖ່ ມາດເຍິ ວັລບູເອນາ ອະດີດຫມູ່ຮ່ວມທີມຊາດຝຣັ່ງດ້ວຍ ວີດີໂອ ອານາຈານ ໂດຍຜູ້ພິພາກສາຕັດສິນໃຫ້ ເບນເຊມາ ຮັບໂທດຈຳຄຸກ 1 ປີ ແຕ່ໃຫ້ຖ້າລົງອາຍາ ແລະ ສັ່ງໃຫ້ຈ່າຍຄ່າປັບ 75,000 ເອີໂຣ.

ໄອຍະການລະບຸວ່າ : ເບນເຊມາ ອາຍຸ 33 ປີ ເປັນ 1 ໃນ 5 ຄົນທີ່ຖືກສອບສວນເມື່ອເດືອນກ່ອນ ຈາກການພະຍາຍາມຮຽກຄ່າໄຖ ວັລບູເອາ ໃນເຫດການເມື່ອເດືອນມິຖຸນາ ປີ 2015 ລະຫວ່າງທີ່ທັງຄູ່ຢູ່ໃນສູນພັກທີມຊາດຝຣັ່ງ ໂດຍກົດດັນໃຫ້ ວັລບູເອນາ ຈ່າຍເງິນໃຫ້ກັບຜູ້ທີ່ນຳວີດີໂອອານາຈານຂອງລາວມາຮຽກຄ່າໄຖ່ ເຊິ່ງ ເບນເຊມາ ມີ ສ່ວນຮູ້ເຫັນໃນຖານະຄົນກາງ.

ເຫດການດັ່ງກ່າວເຮັດໃຫ້ທັງຄູ່ເຊິ່ງເຄີຍເປັນໝູ່ສະນິດກັນເບິ່ງຫນ້າກັນບໍ່ໄດ້ ແລະ ຕ້ອງຫລຸດຈາກທີມຊາດຝຣັ່ງໃນ ທີ່ສຸດ ແຕ່  ເບນເຊມາ ປະຕິເສດຂໍ້ກ່າວຫາມາໂດຍຕະຫລອດ ແລະ ຢືນຢັນວ່າລາວພຽງພະຍາຍາມຊ່ວຍ ວັລບູເອນາ ກຳຈັດວີດີໂອດັ່ງກ່າວ.

ທັງນີ້ ເບນເຊມາ ບໍ່ໄດ້ໄປຂຶ້ນສານທີ່ຝຣັ່ງໃນລະຫວ່າງປະກາດຄຳຕັດສິນ ເນື່ອງຈາກຕິດພາລະກິດກັບ ເຣອັນ ມາດຣິດ ໃນຢູຟາແຊ໊ມປຽນລີກ ຮອບແບ່ງກຸ່ມ ນັດທີ 5 ກຸ່ມ E ເຊິ່ງໄປຢາມເຊີຣິຟ ຕິຣາສໂພລ ແຊ໊ມລີກ ມອລໂດວາ ເຊັ່ນດຽວກັບ ວັລບູເອນາ ທີ່ມີຄິວຊ່ວຍທີມ ໂອລິມເປຍກອສ ແຊ໊ມລີກ ເກຣັກ ໃນການແຂ່ງຂັນ ຢູໂຣປາ ລີກ ຮັບແບ່ງກຸ່ມ ນັດທີ 5 ກຸ່ມ D ເປີດບ້ານພົບກັບ ເຟເນບາເຊ.