ເປີດຄ່າຈີກສັນຍາ “ໂປເຊດຕິໂນ”າ ທີ່ ແມນເຊສເຕີ ຢູໄນເຕັດ ຕ້ອງຈ່າຍໃຫ້ກັບ PSG ລວມທັງຄ່າຊົດເຊີຍຂອງ ໂຊລ ຊາ
ແມນເຊສເຕີ ຢູໄນເຕັດ ຕ້ອງໃຊ້ເງິນມະຫາສານ ຖ້າຫາກຢາກໄດ້ ເມົາຣິຊິໂອ ໂປເຊດຕິໂນ ຈາກ PSG ມາເປັນຄູຝຶກຄົນໃໝ່. ຫຼັງຈາກທີ່ໄດ້ຈ່າຍຄ່າຊົດເຊີຍໃນການປົດ ໂອເລ ກຸນນາ ໂຊລຊາ ໄປແລ້ວ.
ເມື່ອວັນທີ 23 ພະຈິກ 64 ທີ່ຜ່ານມາ “ອິບນິງ ແມນເຊັສເຕີ ຢູໄນເຕັດ” ສື່ຊື່ດັງຂອງເມືອງ ເປີດເຜີຍວ່າ ແມນເຊສເຕີ ຢູໄນເຕັດ ຕ້ອງຈ່າຍເງິນສູງເຖິງ 10 ລ້ານປອນ ໃຫ້ກັບ ປາຣີ ແຊັງ-ແຊັກແມັງ ຖ້າຫາກຢາກໄດ້ ເມົາຣິຊິໂອ ໂປເຊດຕິໂນ ມາເປັນຜູ້ຈັດການຄົນໃໝ່ ຫຼັງຈາກທີ່ຖືກປົດ ໂຊລຊາ ອອກຈາກຕຳແຫນ່ງຜູ້ຈັດການທີມ.
ສື່ຫຼາຍສຳນັກໄດ້ເຜີຍແຜ່ຂ່າວວ່າ ໂປເຊດຕິໂນ ຄືໂຕເລືອກອັນດັບ 1 ຂອງ “ຜີສາດແດງ ທາງເລືອກໜຶ່ງ” ເຖິງວ່າກ່ອນໜ້ານີ້ລະບຸວ່າກຳລັງຊອກຫາຜູ້ຈັດການທີທີ່ຈະມາເຮັດຫນ້າທີ່ຊົ່ວຄາວຈົນຈົບລະດູການ. ແຕ່ລາຍງານຫລ້າສຸດກ່າວວ່າ ຜູ້ຈັດການຊາວອາກຊັງຕິນ ມີຄວາມສົນໃຈທີ່ຈະຮັບງານກັບທີມດັງໃນພຣີເມຍລີກອັງກິດທັນທີ ໂດຍບໍ່ຕ້ອງລໍຖ້າຮອດໃນລະດູຮ້ອນຫນ້າ.
ແນວໃດກໍຕາມ, ໂປເຊດຕິໂນ ຍັງມີສັນຍາກັບ PSG ຈົນຮອດເດືອນມິຖຸນາ 2023, ເຮັດໃຫ້ ແມນ ຢູໄນເຕັດ ຕ້ອງຈ່າຍຄ່າຈີກສັນຍາຈຳນວນມະຫາສານໃຫ້ກັບ ສະໂມສອນຍັກໃຫຍ່ໃນລີກ ຝຣັ່ງ ແລະ ຖ້າລວມເງິນຊົດເຊີຍອີກ 8 ລ້ານປອນ ເຊິ່ງຫາກໍຈ່າຍເງິນໃຫ້ກັບ ໂຊລຊາ ໃນການຍົກເລີກສັນຍາສ່ວນທີ່ເຫຼືອຮອດປີ 2024 ນັ້ນໝາຍຄວາມວ່າ “ຜີສາດແດງ” ຕ້ອງໃຊ້ເງິນເຖິງ 18 ລ້ານປອນ ໃນການປ່ຽນຜູ້ຈັດການທີມເພື່ອກູ້ວິກິດສັດທາຈາກຜົນງານທີ່ຫນ້າຜິດຫວັງໃນໄລຍະຜ່ານມາ.
ເວລານີ້ ແມນເຊສເຕີ ຢູໄນເຕັດ ຕົກໄປຢູ່ອັນດັບ 8 ໃນຕາຕະລາງພຣີເມຍລີກ ອັງກິດ ມີ 17 ຄະແນນ ຕາມຫລັງທີມນຳ ເຊລຊີ 12 ຄະແນນ ແລະ ຍັງຕົກຮອບ 3 ຄາຣາບາວ ຄັບ (ລີກ ຄັບ) ເຫຼືອພຽງ ຢູຟາ ແຊັມປຽນລີກເທົ່ານັ້ນ. ທີ່ຍັງມີໂອກາດເຂົ້າຮອບເລິກໆຢູ່.
