ລວມຄຳສັບການເງິນດິຈີຕອນ ຄຳທີ່ທຸກຄົນຄວນຮູ້ໃນໂລກອະນາຄົດ

ໃນຊ່ວງເວລາຜ່ານມາ ຫລາຍຄົນຈະພົບເຫັນຄຳສັບແປກໆໃໝ່ໆຫລວງຫລາຍໃນໂລກອອນລາຍ ໂດຍສະເພາະຄຳສັບທີ່ກ່ຽວຂ້ອງກັບເຕັກໂນໂລຊີດິຈີຕອນ ເຊິ່ງຫລາຍຄຳເປັນຄຳສະເພາະຕົວ ແລະ ບໍ່ລຶ້ງຫູເທົ່າໃດ.

ແຕ່ເຊື່ອວ່າ ອີກບໍ່ດົນ ຈະໄດ້ຍິນຄຳສັບດິຈີຕອນເຫລົ່ານີ້ຫລາຍຂຶ້ນ ແລະ ຈຳເປັນຕ້ອງສຶກສາຄວາມໝາຍວ່າ ຄຳນີ້ແປວ່າຫຍັງ ເພາະເຮົາຈະຕ້ອງຢູ່ກັບຄຳເຫລົ່ານີ້ ເຊິ່ງຢູ່ໃນຊີວິດປະຈຳວັນເຮົາໄປໃນໂລກອະນາຄົດ.

• Metaverse ຄື ເຕັກໂນໂລຊີດິຈີຕອນຄືຕົວແທ້ທີ່ປະສົມປະສານໂລກແຫ່ງຄວາມຈິງ ແລະ ເຕັກໂນໂລຊີເຂົ້ານຳກັນເຊັ່ນ: ໄປເຮັດທຸລະກຳຢູ່ທະນາຄານໃນໂລກຄືຕົວແທ້ ແຕ່ຕົວນັ່ງຢູ່ເຮືອນ.
• DeFi (Decentralized Finance) ຄື ລະບົບການເງິນແບບບໍ່ມີສູນກາງໃນການເຮັດທຸລະກຳທາງການເງິນຕ່າງໆຜ່ານລະບົບ Blockchain ບໍ່ຕ້ອງຜ່ານຕົວກາງທີ່ເປັນທະນາຄານ.
• NFT (Non-Fungible Token) ຄື ສິນຊັບດິຈີຕອນປະເພດໜຶ່ງຢູ່ໃນເຕັກໂນໂລຊີ Blockchain ໃຊ້ສະແດງຄວາມເປັນເຈົ້າຂອງ ຂອງສິນຊັບດິຈີຕອນນັ້ນມີພຽງອັນດຽວ ບໍ່ສາມາດເຮັດຊ້ຳ ຫລື ທົດແທນກັນໄດ້.
• API Standard (Application Programming Interface) ຄື ການເຊື່ອມຕໍ່ຮັບສົ່ງຂໍ້ມູນຈາກລະບົບໜຶ່ງໄປສູ່ອີກລະບົບໜຶ່ງ ໂດຍມີມາດຕະຖານກາງຮ່ວມກັນ ເຊິ່ງທະນາຄານຫລາຍແຫ່ງກຳລັງພັດທະນາເຊັ່ນ: bank statement ຮູບແບບດິຈີຕອນເພື່ອໃຊ້ຂໍສິນເຊື່ອ.
• CBDC (Central Bank Digital Currency) ຄື ສະກຸນເງິນດິຈີຕອນທີ່ອອກໂດຍທະນາຄານກາງ ຫລື ທະນະບັດໃນຮູບແບບດິຈີຕອນ ມີມູນຄ່າຄົງທີ່ສາມາດໃຊ້ຊຳລະໜີ້ໄດ້ຕາມກົດໝາຍ ຊ່ວຍຫລຸດຄ່າທຳນຽມທີ່ບໍ່ຈຳເປັນ ປອດໄພ ແລະ ມີຄວາມໜ້າເຊື່ອຖືສູງ.
• BIN attack ຄື ການຕັດເງິນຜ່ານບັດເດບິດ ແລະ ບັດເຄຣດິດໂດຍທີ່ເຈົ້າຂອງບັດບໍ່ໄດ້ເຮັດລາຍການເອງ ໂດຍໃຊ້ວິທີຫລອກຂໍຂໍ້ມູນສຸ່ມເລກບັດ ຫລື ຮົ່ວໄຫລຈາກແພກຟອມສຽງ.
• Open Banking ຄື ຜູ້ໃຫ້ບໍລິການທາງການເງິນ ສາມາດໃຊ້ຂໍ້ມູນການເງິນຂອງລູກຄ້າຈາກສະຖາບັນການເງິນຕ່າງໆໄດ້ຢ່າງສະດວກມີ API ເປັນຊ່ອງທາງເຊື່ອມໂຍງຂໍ້ມູນລະຫວ່າງກັນ ເຮັດໃຫ້ລູກຄ້າສາມາດເຂົ້າເຖິງບໍລິການຂ້າມທະນາຄານໄດ້ສະດວກຂຶ້ນ.
• e-KYC (Electronic Know Your Customer) ຄື ການສ້າງຄວາມຮູ້ຈັກກັບລູກຄ້າຜ່ານທາງເອເລັກໂຕຣນິກໃນການລະບຸຕົວຕົນ ແລະ ພິສູດຕົວຕົນລູກຄ້າໃຫ້ປອດໄພ ປ້ອງກັນການສວມຮອຍ ໂດຍເຮັດໄດ້ຫລາຍຮູບແບບເຊັ່ນ: NDID ການຈົດຈຳໃບໜ້າ ສະແກນລາຍນິ້ວມື.
• NDID (Nationnal Digital ID) ຄື ການບໍລິການຢືນຢັນຕົວຕົນຮູບແບບດິຈີຕອນ ເພື່ອຂໍສະໝັກ ຫລື ໃຊ້ບໍລິການຕ່າງໆຜ່ານຊ່ອງທາງອອນລາຍເຊັ່ນ: ການເປີດບັນຊີເງິນຝາກ ສະດວກ ວ່ອງໄວ ບໍ່ຕ້ອງເດີນທາງໄປສະແດງຕົວຕົນທີ່ສາຂາ ແລະ ປອດໄພຕາມມາດຕະຖານສາກົນ.
• OTP (One Time Password) ຄື ລະຫັດຜ່ານທີ່ສາມາດໃຊ້ໄດ້ພຽງຄັ້ງດຽວຕໍ່ການເຂົ້າສູ່ລະບົບໜຶ່ງຄັ້ງ ພາຍໃນໄລຍະເວລາທີ່ກຳນົດ ມັກໃຊ້ເພື່ອຢືນຢັນຕົວຕົນກ່ອນເຮັດທຸລະກຳທາງການເງິນອອນລາຍ.
• SLA (Service Level Agreement) ຄື ຂໍ້ຕົກລົງກ່ຽວກັບໄລຍະເວລາການໃຫ້ບໍລິການທາງການເງິນໃນດ້ານຕ່າງໆເຊັ່ນ: ການໃຫ້ບໍລິການການແກ້ໄຂເຫດຂັດຂ້ອງ ຕິດຕໍ່ທະນາຄານແລ້ວ ຈະໄດ້ຮັບການຕິດຕໍ່ກັບ ຫລື ໄດ້ຮັບການຊ່ວຍເຫລືອຈະຕ້ອງຢູ່ພາຍໃນໄລຍະເວລາທີ່ກຳນົດ.
• Digital factoring ຄື ໃບແຈ້ງໜີ້ດິຈີຕອນ ໃຊ້ເປັນຫລັກປະກັນເພື່ອຂໍສິນເຊື່ອ ຫລຸດບັນຫາການຂໍສິນເຊື່ອຊ້ຳຊ້ອນ ໂດຍໃຊ້ໃບແຈ້ງໜີ້ໃບດຽວກັນ ແລະ ການປອມແປງເອກະສານ.

ທີ່ມາ: ທະນາຄານແຫ່ງປະເທດໄທ.