ການາດາ ອະນຸຍາດໃຫ້ຜູ້ສັກວັກຊีນ ຊີໂນຟາມ-ຊີໂນແວກ-ໂຄວາຊີນ ເຂົ້າປະເທດ
November 22, 2021 - 5:47 PM
ອີງຕາມແຫລ່ງຂ່າວ Xinhua ຂອງ ຈີນ ລາຍງານ ວັນທີ 20 ພະຈິກ 2021 ນີ້ວ່າ: ລັດຖະບານ ການາດາ ປະກາດເປີດຮັບນັກເດີນທາງທີ່ໄດ້ຮັບວັກຊີນ ປ້ອງກັນພະຍາດ ໂຄວິດ-19 ຂອງຊີໂນຟາມ, ຊີໂນແວກ ແລະ ໂຄວາຊິນ ລວມເຖິງການປະກາດຍົກເລີກຂໍ້ກຳນົດສະແດງຜົນກວດ ພະຍາດເປັນລົບ ເພື່ອເຂົ້າໄປການາດາຂອງນັກເດີນທາງຂາອອກທາງບົກ ຫລື ທາງອາກາດ ບໍ່ເຖິງ 27 ຊົ່ວໂມງ ນັບຕັ້ງແຕ່ ວັນທີ 30 ພະຈິກ ເປັນຕົ້ນໄປ .
ປັດຈຸບັນ ການາດາ ເປີດຮັບສະເພາະນັກເດີນທາງທີ່ສັກວັກຊີນປ້ອງກັນ ພະຍາດໂຄວິດ-19ຂອງ ໄຟເຊີຣ, ໂມເດີຣນາ, ແອສຕຣາເຊເນກາ ແລະ ຈອນສັນແອນຈອນສັນ, ສ່ວນການປ່ຽນແປງ ເບື້ອງຕົ້ນ ມີຜົນກັບພົນລະເມືອງ ການາດາ.
