ປະເທດໃດສັ່ງຈອງຢາເມັດຕ້ານໂຄວິດຈາກ Merck ແລະ Pfizer ແດ່ ?
ນີ້ຄືພາບລວມຂອງປະຊາຄົມໂລກທີ່ເລີ່ມທະຍອຍສັ່ງຈອງຢາປິ່ນປົວໂຄວິດຊະນິດເມັດຄືໂມລນູພິຣາເວຍ (Molnupiravir) ຈາກ Merck ແລະ ແພກໂລວິດ (Paxlovid) ຈາກ Pfizer ອີກໜຶ່ງທາງເລືອກໃນການຮັບມືການແຜ່ລະບາດຂອງພະຍາດໂຄວິດທີ່ແຜ່ລະບາດມາເກືອບ 2 ປີແລ້ວ.
ໂດຍອັງກິດເປັນປະເທດທຳອິດທີ່ຮັບຮອງການໃຊ້ຢາປິ່ນປົວໂຄວິດຊະນິດເມັດຄືໂມລນູພິຣາເວຍ ທີ່ມີປະສິດທິພາບ (ປ້ອງກັນອາການຮຸນແຮງ) ໃນຂັ້ນທົດລອງຫລ້າສຸດຢູ່ທີ່ 50% ພ້ອມສັ່ງຈອງຢາເມັດຊະນິດນີ້ແລ້ວ 480.000 ຄອສ ກ່ອນຈະສັ່ງຈອງແພກໂລວິດອີກ 250.000 ຄອສ ທີ່ມີປະສິດທິພາບ (ປ້ອງກັນການຮຸນແຮງ) ໃນຂັ້ນທົດລອງຫລ້າສຸດຢູ່ທີ່ 89%.
ອົດສະຕຣາລີ ໂມລນູພິຣາເວຍ 300.000 ໂດສ, ແພກໂລວິດ 500.000 ໂດສ; ສະຫະພາບເອີຣົບ ຍັງຢູ່ລະຫວ່າງເຈລະຈາທັງສອງຊະນິດຢາ; ຝຣັ່ງ ໂມລນູພິຣາເວຍ 50.000 ໂດສ; ອິນໂດເນເຊຍ ໂມລນູພິຣາເວຍ 600.000-1.000.000 ໂດສ; ມາເລເຊຍ ໂມລນູພິຣາເວຍ 150.000 ຄອສ; ຟີລິບປິນ ໂມລນູພິຣາເວຍ 300.000 ຄອສ; ສ.ເກົາຫລີ ໂມລນູພິຣາເວຍ 200.000 ຄອສ, ແພກໂລວິດ 70.000 ຄອສ; ໄທ ໂມລນູພິຣາເວຍ 200.000 ຄອສ; ອັງກິດ ໂມລນູພິຣາເວຍ 480.000 ຄອສ, ແພກໂລວິດ 250.000 ຄອສ ແລະ ອັງກິດ ໂມລນູພິຣາເວຍ 1.700.000 ຄອສ, ແພກໂລວິດອີກຫລາຍລ້ານໂດສ. 1 ຄອສ ເທົ່າກັບ 10 ໂດສ.
ອ້າງອີງ:
- https://www.reuters.com/business/healthcare-pharmaceuticals/countries-rush-buy-merck-experimental-covid-19-pill-2021-11-03/
- https://www.reuters.com/business/healthcare-pharmaceuticals/merck-ahead-pfizer-eu-talks-covid-19-pills-eu-source-2021-11-08/
- https://www.bbc.com/news/health-59163899
