ຄັ້ງປະຫວັດການຕິດເຊື້ອສູງກວ່າໝູ່ຂອງ ສປປ ລາວ+858 ຄົນ ແມ່ນພົ້ນເດັ່ນໃນກຸ່ມຄົນຂັບລົດຂົນສົ່ງສິນຄ້າທາງໄກໄປຈຸດຊາຍແດນ ແລະ ໄປແຕ່ລະເມືອງ
October 30, 2021 - 2:24 PM
ທ່ານ ດຣ ນາງບົວຜັນ ຄໍາພາພົງຜ່ານ ຮອງຫົວໜ້າສູນວິເຄາະ ແລະ ລະບາດວິທະຍາ ລາຍງານວັນທີ 30 ຕຸລາ 2021 ນີ້ວ່າ: ມື້ວານນີ້ ວັນທີ 29 ຕຸລາ ແມ່ນມື້ໜຶ່ງທີ່ໄດ້ເກັບຕົວຢ່າງມາກວດຫລາຍທີ່ສຸດ ເກືອບ 7.200 ຕົວຢ່າງ ນັບແຕ່ມີການຕິດເຊື້ອໃນປະເທດເຮົາ ແລະ ພົບວ່າມີການຕິດເຊື້ອສູງກວ່າໝູ່ໃນປະຫວັດການຕິດເຊື້ອຂອງປະຊາຊົນລາວ ຊຶ່ງມີເຖິງ 858 ຄົນໃນວັນດຽວ.
ເຊິ່ງສະພາບການຕິດເຊື້ອ ບໍ່ໄດ້ມີສະເພາະແຕ່ຢູ່ເຂດເມືອງ ຫລື ເຂດທີ່ມີປະຊາຊົນຫລາຍ, ພວກເຮົາພົບວ່າ ເຂດຊານເມືອງ ຫລື ເມືອງຫ່າງໄກ ກໍມີລາຍງານຕິດເຊື້ອແລ້ວ. ການຕິດເຊື້ອສ່ວນໃຫຍ່ ຍັງແມ່ນກຸ່ມ ກໍາມະກອນໂຮງງານ, ແມ່ຄ້າຕະຫລາດ, ພະນັກງານ, ຄູ, ນັກຮຽນ ແລະ ປະຊາຊົນທົ່ວໄປ ທີ່ມີການລາຍງານຕໍ່ເນື່ອງທຸກວັນ. ພິເສດການຕິດເຊື້ອໃນກຸ່ມຄົນຂັບລົດຂົນສົ່ງສິນຄ້າທາງໄກໄປຈຸດຊາຍແດນ ແລະ ໄປແຕ່ລະເມືອງ ແມ່ນພົ້ນເດັ່ນທີ່ສຸດ ສໍາລັບຕົວເລກຕິດເຊື້ອຂອງມື້ວານນີ້.
