ຈິນດາມະນີ ຄວ້າຫຼຽນຄຳ ລາຍການເຍົາວະຊົນຊີງແຊ໊ມນາໆຊາດ ທີ່ຮົງກົງ

ນາງ ຈິນດາມະນີ ໄຊຍະວົງ ສາວນ້ອຍນັກກິລາຢູໂດເຍົາວະ ຊົນທີມຊາດລາວ ປະກາດສັກ ດາຊະນະນັກກິລາຈາກ 3 ປະ ເທດ ຄວ້າຫຼຽນຄຳ ຮຸ່ນນ້ຳໜັກ 57 ກິໂລກຣາມ ໃນການແຂ່ງ ຂັນຢູໂດເຍົາວະຊົນ ລາຍການ ຊີງແຊ໊ມນາໆຊາດ ທີ່ຮົງກົງ ເປັນ ເຈົ້າພາບ ເພື່ອເປັນການເກັບຄະ ແນນ ກຽມຮ່ວມງານມະຫະ ກຳກິລາຊາວໜຸ່ມ ໂອແລມປິກສາ ກົນ ທີ່ປະເທດອາເຈນຕີນາ. ຂະ ນະທີ່ ທ້າວ ວິນລ່ຽມ ບຣິນ ໄດ້ອັນ ດັບທີ 5 ໃນຮຸ່ນນ້ຳໜັກ 66 ກິໂລ ກຣາມ.
ຕາມການລາຍງານຂອງ ທ່ານ ນາງ ມາຍຸລີ ພານຸວົງ ຮອງເລຂາທິການ ສະຫະພັນຢູ ໂດແຫ່ງຊາດລາວ ແຈ້ງໃຫ້ຮູ້ວ່າ: ສະຫະພັນກິລາຢູໂດແຫ່ງຊາດ ໄດ້ສົ່ງນັກກິລາຢູໂດຮຸ່ນເຍົາວະ ຊົນທີມຊາດລາວ 2 ຄົນ ຄື: ຍິງ 1 ຊາຍ 1 ໄປແຂ່ງຂັນເພື່ອເກັບຄະ ແນນ 2 ລາຍການຊິ່ງເປັນລາຍ ການລະດັບຊີງແຊ໊ມນາໆຊາດ ກໍຄື: ທີ່ ຮົງກົງ Hong Kong ມາເກົາ Macao. ລາຍການ JUA Cadet & Junior Judo Championships ເຊິ່ງສະໜາມ ທຳອິດຈັດຂຶ້ນທີ່ ຮົງກົງ ລະ ຫວ່າງວັນທີ 22-23 ກໍລະກົດ ຜ່ານມາ ນັກກິລາຢູໂດທີມຊາດ ລາວຮຸ່ນເຍົາວະຊົນ ກໍບໍ່ເຮັດໃຫ້ ຜິດຫວັງໃນຮອບຄັດເລືອກ ປະ ເພດຕໍ່ສູ້ຍິງ ມີນັກກິລາເຂົ້າ 6 ຄົນຈາກ 6 ປະເທດ ກໍຄື ນາງ ຈິນ ດາມະນີ ໄຊຍະວົງສາ ສາມາດ ເອົາຊະນະນັກກິລາຈາກ ມາເກົາ ແລະ ນັກກິລາ ມົງໂກເລຍ ຜ່ານ ເຂົ້າຮອບຊີງຊະນະເລີດ ຊະນະ ນັກກິລາເຈົ້າພາບ ຮົງກົງ ຍາດໄດ້ ຫຼຽນຄຳມາຄອງໃນຮຸ່ນນ້ຳໜັກ 57 ກິໂລກຣາມ ສ່ວນນັກກິລາ ຊາຍໃນຮຸ່ນນ້ຳໜັກ 66 ກິໂລ ກຣາມ ກໍມີນັກກິລາເຂົ້າຮອວມ 9 ຄົນ ຈາກ 9 ປະເທດ ນັກກິລາ ລາວກໍສູ້ສຸດຄວາມສາມາດແລ້ວ ເຖິງຈະບໍ່ໄດ້ຫຼຽນ ແຕ່ສາມາດ ຄວ້າອັນດັບທີ 5 ຈາກ ທ້າວ ວິນ ລ່ຽມ ບຣິນ.
ຫຼັງຈາກນັ້ນ ນັກກິລາທັງ 2 ຄົນ ກໍໄດ້ເກັບໂຕເຝິກຊ້ອມທີ່ ຮົງ ກົງ ອີກ 3 ມື້ ຈົນຮອດວັນທີ 2 ກໍລະກົດ 2017 ກ່ອນກຽມອອກ ເດີນທາງເຂົ້າຮ່ວມແຂ່ງຂັນລາຍການທີ 2 ຈັດຂຶ້ນທີ່ ມາເກົາ ໃນ ລະຫວ່າງວັນທີ 29-30 ກໍລະກົດ 2017 ລາຍການ JUA Cadet & Junior judo Championships ສ່ວນຜົນຈະເປັນແນວໃດ ນັ້ນ ຈະຂໍລາຍງານໃຫ້ຮູ້ຕື່ມອີກ. ສຳລັບ 2 ລາຍການດັ່ງກ່າວແມ່ນ ກິດຈະກຳສະເພາະປີນີ້ ເຊິ່ງ ສະ ຫະພັນຢູໂດລາວ ມີເປົ້າໝາຍ ໄດ້ສົ່ງກິລາເຍົາວະຊົນລາວ ເຂົ້າ ຮ່ວມແຊ່ງຊັນເພື່ອເກັບຄະແນນ ແລະ ໃນເມື່ອ 2 ນັກກິລາສາ ມາດເກັບຄະແນນໄດ້ອັນດັບທີ 35 ລົງໄປ ກໍຈະມີໂອກາດຄວ້າ ສິດເຂົ້າຮ່ວມແຂ່ງຂັນງານມະຫະກຳກິລາຊາວໜຸ່ມ ໂອແລມປິກ ທີ່ປະເທດ ອາເຈນຕີນາ ຮັບກຽດ ເປັນເຈົ້າພາບ ໃນປີ 2018.
ຂ່າວຈາກ:laosportnews.com.