ອາຫານຕ້ອງຫ້າມ – ຕ້ອງກິນ ເມື່ອມີອາການປວດປະຈຳເດືອນ

ເຈັບທ້ອງນ້ອຍ ປວດປະຈຳເດືອນ ແມ່ນຄວາມທໍລະມານລາຍເດືອນທີ່ແມ່ຍິງຫລາຍຄົນຕ້ອງພະເຊີນ ໃຜໂຊກດີແດ່ກໍເຈັບ ໜ້ອຍ ພໍແຕ່ໃຫ້ຮູ້ສຶກ, ແຕ່ສຳລັບຄົນທີ່ເຈັບຫລາຍ ປວດລະດັບຮຸນແຮງນັ້ນ ກໍເກືອບຈະນອນດິ້ນໄປດິ້ນມາກໍມີ. ອາຫານທີ່ທ່ານກິນ ເຂົ້າໄປກໍເປັນສ່ວນໜຶ່ງທີ່ສົ່ງຜົນໄດ້ວ່າ ທ່ານຈະເຈັບທ້ອງນ້ອຍປວດປະຈຳເດືອນຫລາຍຂຶ້ນ ຫລື ໜ້ອຍລົງ. ມື້ນີ້ມາເບິ່ງນຳກັນວ່າ ອາຫານຊະນິດໃດທີ່ກິນແລ້ວຊ່ວຍຫລຸດອາການປວດປະຈຳເດືອນໄດ້ ແລະ ອັນໃດທີ່ກິນແລ້ວເຮັດໃຫ້ປວດປະຈຳເດືອນຫລາຍຂຶ້ນ ກ່ວາເກົ່າ.

ປະຈຳເດືອນ (Menstruation ຫລື Period) ແມ່ນຫຍັງ ? ມາເຮັດຄວາມຮູ້ຈັກໃນເບື້ອງຕົ້ນກັນກ່ອນຈະເລີ່ມເຂົ້າເຖິງ ເລື່ອງອາຫານ …. ປະຈຳເດືອນແມ່ນອາການທີ່ເນື້ອເຍື່ອພາຍໃນມົດລູກຫລຸດລອກອອກມາພ້ອມກັບເລືອດບາງສ່ວນ ເປັນຜົນ ຈາກການປ່ຽນແປງຂອງລະດັບຮໍໂມນເພດຍິງ (ໂດຍເປັນຜົນມາຈາກການກຽມພ້ອມສຳລັບການຖືພາໃນທຸກໆຮອບເດືອນຂອງ ຮ່າງກາຍ ເມື່ອບໍ່ມີການຖືພາເກີດຂຶ້ນ ຮ່າງກາຍຈຶ່ງປັບສະພາບກັບເຂົ້າສູ່ຄວາມປົກກະຕິ) ສະພາບດັ່ງກ່າວເກີດຂຶ້ນທຸກເດືອນ ຈຶ່ງຖືກເອີ້ນວ່າ ປະຈຳເດືອນ ນັ້ນເອງ.

• ອາຫານຕ້ອງຫ້າມ ເມື່ອມີອາການປວດປະຈຳເດືອນ :

1. ຊີ້ນສັດຕິດໄຂມັນ : ໄຂມັນ ເປັນສາເຫດໜຶ່ງທີ່ກໍ່ໃຫ້ເກີດອາການປວດປະຈຳເດືອນ, ການກິນອາຫານຈຳພວກຊີ້ນ ສັດຕິດໄຂມັນ ອາດເຮັດໃຫ້ອາການເຈັບທ້ອງນ້ອຍຂອງທ່ານຮຸນແຮງຂຶ້ນກ່ວາເກົ່າໄດ້. ນອກຈາກນີ້, ອາຫານທີ່ມີ ກົດໄຂມັນອິ່ມໂຕສູງ ເຊັ່ນ : ເນີຍ ຫລື ກະທິ ກໍກະຕຸ້ນໃຫ້ອາການປວດປະຈຳເດືອນຮຸນແຮງໄດ້ເຊັ່ນກັນ ໄລຍະກ່ອນ ຫລື ໄລຍະເປັນປະຈຳເດືອນ ຈຶ່ງຄວນງົດກິນອາຫານປະເພດນີ້ໄປກ່ອນ.
2. ກາເຟ ແລະ ເຄື່ອງດື່ມກາເຟອີນຕ່າງໆ : ກາເຟອີນທີ່ພົບໄດ້ຫລາຍໃນຊາ, ກາເຟ ຫລື ນ້ຳອັດລົມ ເປັນສານທີ່ກະຕຸ້ນ ໃຫ້ເກີດອາການປວດປະຈຳເດືອນຫລາຍຂຶ້ນ ແລະ ຍັງເຮັດໃຫ້ເກີດອາການຊຶມເສົ້າໄດ້ ເຮັດໃຫ້ອາລົມປັ່ນປ່ວນ ຫລາຍຂຶ້ນ, ຮູ້ສຶກຫງຸດຫງິດໃຈຮ້າຍງ່າຍ, ກະວົນກະວາຍໃຈ. ດັ່ງນັ້ນ, ໄລຍະທີ່ເປັນປະຈຳເດືອນຈຶ່ງຄວນງົດເຄື່ອງ ດື່ມກາເຟອີນທຸກຊະນິດ ຫລື ຫາກຈຳເປັນກໍຄວນດື່ມໃຫ້ໜ້ອຍທີ່ສຸດ ຫລື ເຈືອຈາງໃຫ້ຫລາຍທີ່ສຸດ.
3. ກະແລັມ ແລະ ຂອງຫວານ : ເຖິງວ່າໄລຍະເປັນປະຈຳເດືອນ ທ່ານອາດຈະຮູ້ສຶກຢາກຂອງຫວານຫລາຍ, ແຕ່ນ້ຳ ຕານກໍຈະເຮັດໃຫ້ອາການເຈັບທ້ອງນ້ອຍຮຸນແຮງຂຶ້ນກ່ວາເກົ່າໄດ້ ຍິ່ງເປັນກະແລັມຍິ່ງຮຸນແຮງ ເພາະນອກຈາກ ຈະມີນ້ຳຕານແລ້ວ ກະແລັມຍັງເຕັມໄປດ້ວຍໄຂມັນຈາກນົມນຳອີກ, ແຕ່ຫາກຮູ້ສຶກຢາກກິນຂອງຫວານແຮງແທ້ໆ ໃຫ້ເລືອກກິນຂອງຫວານຈາກໝາກໄມ້ແທນຈະດີກ່ວາ.
4. ອາຫານແປຮູບ : ອາຫານກະປ໋ອງ, ຊີ້ນສັດແປຮູບ ແລະ ລາຍການອື່ນໆທີ່ເຮັດດ້ວຍສານເຄມີ ແລະ ສານກັນບູດ ເພາະອາດເຮັດໃຫ້ຍື່ງທ້ອງ ແລະ ການກັບເກັບນ້ຳບໍ່ດີ ລວມເຖິງລະດັບໂຊດຽມສູງນັ້ນບໍ່ດີຕໍ່ສຸຂະພາບທຸກໄລຍະ ຂອງເດືອນ ບໍ່ພຽງແຕ່ເວລາທີ່ເປັນປະຈຳເດືອນເທົ່ານັ້ນ.
5. ເຄື່ອງດື່ມອານກໍຮໍທັງຫລາຍ : ເມື່ອທ່ານເປັນປະຈຳເດືອນ ເຈັບທ້ອງນ້ອຍ ໃຫ້ຫລຸດ ຫລື ງົດການບໍລິໂພກເຄື່ອງ ດື່ມອານກໍຮໍທຸກຊະນິດ ເພາະການສູນເສຍເລືອດໃນເວລານີ້ຈະຊ່ວຍຫລຸດຄວາມດັນເລືອດຂອງທ່ານ ເຮັດໃຫ້ທ່ານ ສ່ຽງຕໍ່ຜົນຂ້າງຄຽງຂອງອານກໍຮໍຫລາຍຂຶ້ນ. ນອກຈາກນີ້, ຍັງເຮັດໃຫ້ຄວາມອິດເມື່ອຍອ່ອນເພຍຮຸນແຮງຂຶ້ນນຳ ລວມເຖິງອານກໍຮໍຍັງເຮັດໃຫ້ທ່ານຂາດນ້ຳໄດ້ ເຊິ່ງອາດເຮັດໃຫ້ອາການເຈັບຫົວຮຸນແຮງ ແລະ ເຮັດໃຫ້ຍື່ງທ້ອງ ໄດ້ ແລະ ສາມາດນຳໄປສູ່ບັນຫາທາງເດີນອາຫານ ເຊັ່ນ : ເຈັບທ້ອງ, ຖອກທ້ອງ ແລະ ປຸ້ນທ້ອງປວດຮາກ.
6. ອາຫານເຜັດໆເຄັມໆ : ຫາກທ່ານຕ້ອງຕໍ່ສູ້ກັບຄວາມອິດເມື່ອຍອ່ອນເພຍ ມີເລືອດອອກຮຸນແຮງ ແລະ ມີອາການ ຂາປັ້ນໃນເວລາເປັນປະຈຳເດືອນ ເພື່ອຫລຸດຜ່ອນອາການລົງ ຄົນເປັນປະຈຳເດືອນຫ້າມກິນອາຫານເຄັມໆເຜັດໆ ເພາະອາດເພີ່ມແກ໊ສ ແລະ ເຮັດໃຫ້ຍື່ງທ້ອງ ສົ່ງຜົນໃຫ້ເຈັບທ້ອງປວດປະຈຳເດືອນຫລາຍຂຶ້ນ.
7. ພືດໃນຕະກູນຖົ່ວ : ໜຶ່ງໃນອາຫານທີ່ເມື່ອເປັນປະຈຳເດືອນຫ້າມກິນນັ້ນກໍແມ່ນຖົ່ວດຳ, ຖົ່ວແດງ ແລະ ພືດຕະກູນ ຖົ່ວທັງໝົດ ເພາະຈະເຮັດໃຫ້ຍື່ງທ້ອງ ແລະ ຮູ້ສຶກບໍ່ສະບາຍໂຕ ຫາກຢາກຫລຸດຄວາມຮຸນແຮງຂອງອາການປວດ ປະຈຳເດືອນກໍໃຫ້ກິນໃນປະລິມານໜ້ອຍລົງ.

• ອາຫານຕ້ອງກິນເມື່ອເປັນປະຈຳເດືອນ :

1. ນ້ຳເຕົ້າຫູ້ : ໃນນ້ຳເຕົ້າຫູ້ ມີຮໍໂມນເພດຍິງ ທີ່ສາມາດຫລຸດຜ່ອນອາການເຈັບທ້ອງນ້ອຍປວດປະຈຳເດືອນໄດ້ ແລະ ຊ່ວຍຫລຸດການເກີດອາການປວດປະຈຳເດືອນໄດ້ເປັນຢ່າງດີ ຫາກຢາກໃຫ້ເກີດຜົນດີທີ່ສຸດ ຄວນກິນກ່ອນປະຈຳ ເດືອນຈະມາ ປະມານ 1 ອາທິດ.
2. ຜັກ – ໝາກໄມ້ : ຜັກ ແລະ ໝາກໄມ້ທີ່ມີກາກໄຍສູງ ມີສ່ວນຊ່ວຍຫລຸດອາການເຈັບທ້ອງປວດປະຈຳເດືອນໄດ້ ເພາະນອກຈາກກາກໄຍໃນຜັກ – ໝາກໄມ້ຈະເຮັດໜ້າທີ່ຈອບຈັບຮໍໂມນເອສໂຕຣເຈນສ່ວນເກີນ ແລະ ກຳຈັດຖິ້ມ ໄປ ເຮັດໃຫ້ມົດລູກບໍ່ຫົດໂຕຫລາຍເກີນໄປແລ້ວ ຜັກ ແລະ ໝາກໄມ້ທີ່ມີແມັກນີຊຽມ ແລະ ວິຕາມິນ C ຫລາຍ ຍັງ ຊ່ວຍຫລຸດຜ່ອນອາການປວດເກັງ-ປວດປັ້ນທ້ອງນ້ອຍໄດ້ດີນຳ ຫລື ອາດກິນສະໝຸນໄພ ເຊັ່ນ : ຕັງກຸຍ ທີ່ມີສັບພະ ຄຸນໃນການຊ່ວຍຂະຫຍາຍຫລອດເລືອດ ເຮັດໃຫ້ຫລອດເລືອດຫລຸດການບີບໂຕ ແລະ ຫລຸດອາການຫົດເກັງຂອງ ກ້າມຊີ້ນມົດລູກໄດ້ເຊັ່ນກັນ.
3. ຖົ່ວເຫລືອງ ແລະ ໝາກນັດ : ມີສານທີ່ກະຕຸ້ນຮໍໂມນທີ່ໃຫ້ປະຈຳເດືອນມາເປັນປົກກະຕິ ແລະ ເໝາະສົມສຳລັບກິນ ໄລຍະກ່ອນເປັນປະຈຳເດືອນ ຈະຊ່ວຍຫລຸດອາການປວດປະຈຳເດືອນໄດ້ ສຳລັບຜູ້ທີ່ປະຈຳເດືອນມາໜ້ອຍ ຫລື ຜູ້ທີ່ມີອາການເຈັບທ້ອງຈາກປະຈຳເດືອນມາໜ້ອຍກໍສາມາດກິນເພື່ອກະຕຸ້ນໃຫ້ປະຈຳເດືອນມາຫລາຍຂຶ້ນໄດ້.
4. ປາທະເລນ້ຳເລິກ ເຊັ່ນ : ປາທູ, ປາແຊວມັອນ, ປາແມັກເຄີເຣວ ເປັນຕົ້ນ ເປັນປາທີ່ອຸດົມໄປດ້ວຍກົດ EPA ແລະ DHA ທີ່ມີຄຸນສົມບັດໃນການຊ່ວຍຫລຸດອາການປວດເກັງໃນຜົ້ງທ້ອງໄດ້ເປັນຢ່າງດີ ທັງຍັງອຸດົມໄປດ້ວຍສານອາ ຫານທີ່ມີປະໂຫຍດຕໍ່ຮ່າງກາຍຫລາຍ ແລະ ຍັງຊ່ວຍບຳລຸງຫົວໃຈໃຫ້ແຂງແຮງໄດ້.
5. ນ້ຳຂີງອຸ່ນໆ : ເປັນພືດສະໝຸນໄພທີ່ຊ່ວຍຫລຸດຜ່ອນອາການປວດ ແລະ ອາການຕ່າງໆທີ່ເຮັດໃຫ້ທ່ານຮູ້ສຶກບໍ່ ຄ່ອຍດີໃນໄລຍະເປັນປະຈຳເດືອນ ທັງຍັງຊ່ວຍຫລຸດອາການວິນຫົວປຸ້ນທ້ອງປວດຮາກໄດ້ນຳອີກ.
6. ທັນຍາພືດ : ເຂົ້າເໝົ້າ, ເຂົ້າເບລ, ເຂົ້າກ່ຳ, ທັນຍາພືດອຸດົມໄປດ້ວຍການຊຽມ ແລະ ວິຕາມິນ A ແລະ B ທັງຍັງ ເປັນແຫ່ລງຂອງທາດເຫລັກ ເຊິ່ງການບໍລິໂພກທາດເຫລັກທີ່ພົບໃນທັນຍາພືດເຫລົ່ານີ້ມີຄວາມກ່ຽວຂ້ອງກັບຄວາມ ສ່ຽງທີ່ຫລຸດລົງຂອງອາການປວດປະຈຳເດືອນ.
7. ໝາກໂມ, ໝາກເດື່ອ ແລະ ໝາກພຳ : ນ້ຳຕານທຳມະຊາດທີ່ພົບໃນໝາກໄມ້ເຫລົ່ານີ້ ຊ່ວຍຕອບສະໜອງຄວາມ ຢາກຂອງຫວານໄດ້ ທັງຍັງອຸດົມໄປດ້ວຍວິຕາມິນທີ່ຊ່ວຍຫລຸດອາການບວມ ແລະ ຍື່ງທ້ອງ. ນອກຈາກນີ້, ໝາກ ໂມຍັງມີປະລິມານນ້ຳຫລາຍ ແລະ ຊ່ວຍໃຫ້ຮ່າງກາຍຂອງທ່ານຊຸ່ມຊື່ນ ບໍ່ຂາດນ້ຳນຳອີກ.
8. ຊາຄາໂມມາຍ : ຄວນດື່ມໃນໄລຍະເປັນປະຈຳເດືອນ ເພື່ອຜ່ອນຄາຍ ແລະ ສາມາດຄາຍປາຍປະສາດ ແລະ ມົດລູກ ຊ່ວຍຫລຸດຄວາມຮຸນແຮງຂອງອາການຂາປັ້ນ, ຫລຸດຄວາມເຄັ່ງຄຽດ ແລະ ຄວາມວິຕົກກັງວົນ ແລະ ຍັງຊ່ວຍໃຫ້ ນອນຫລັບໄດ້ດີຂຶ້ນ.

• ເຖິງວ່າອາການປວດປະຈຳເດືອນເກືອບຈະເປັນສິ່ງທີ່ມາຄູ່ກັບແມ່ຍິງໃນໄວຈະເລີນພັນທຸກຄົນ, ແຕ່ໄລຍະທີ່ເປັນປະ ຈຳເດືອນກໍຍັງເປັນໄລຍະເວລາທີ່ທັງອຶດອັດ ແລະ ທໍລະມານຮ່າງກາຍ ແລະ ຈິດໃຈສຳລັບແມ່ຍິງບໍ່ໜ້ອຍເລີຍ ນອກຈາກໃຊ້ອາຫານເປັນໂຕຊ່ວຍແລ້ວ ການໃຊ້ຢາແກ້ປວດເພື່ອລະງັບອາການປວດທ້ອງນ້ອຍ ກໍຖືເປັນເລື່ອງທີ່ ແມ່ຍິງມັກເຮັດກັນ.