Merck ຍື່ນ ອຢ ອາເມລິກາ ຂໍອະນຸມັດໃຊ້ຢາ ‘ໂມລນູພິຣາເວຍ’ ປິ່ນປົວໂຄວິດ-19 ເປັນກໍລະນີສຸກເສີນແລ້ວ
ຢາໂມລນູພິຣາເວຍເຂົ້າສູ່ຂະບວນການພິຈາລະນາຂອງອາເມລິກາ ເພື່ອນຳໃຊ້ສຸກເສີນແລ້ວ.
ວັນທີ 11 ຕຸລາ 2021, ສຳນັກຂ່າວຣອຍເຕີ (Reuters) ລາຍງານວ່າ: Merck ບໍລິສັດການຢາລາຍໃຫຍ່ ໄດ້ຍື່ນເອກະສານຕໍ່ຄະນະກຳມະການອາຫານ ແລະ ຢາອາເມລິກາ (Food and Drug Administration ຫລື FDA) ເພື່ອຂໍອະນຸມັດນຳໃຊ້ຢາໂມລນູພິຣາເວຍ (Molnupiravir) ທີ່ຊ່ວຍປິ່ນປົວອາການຂອງພະຍາດໂຄວິດ-19 ເປັນກໍລະນີສຸກເສີນແລ້ວ.
ຜົນການທົດລອງໃນໄລຍະທີ 3 ຂອງຢາຊະນິດນີ້ທີ່ເປີດເຜີຍອອກມາໃນອາທິດກ່ອນລະບຸວ່າ: ສາມາດຫລຸດໂອກາດທີ່ຜູ້ຕິດເຊື້ອອາການເບົາ-ປານກາງຈະຕ້ອງເຂົ້າຮັບການປິ່ນປົວໃນໂຮງໝໍ ແລະ ເສຍຊີວິດໄດ້ເຖິງ 50% ຈາກການອອກລິດຕໍ່ໄວຣັສໂຄວິດ-19 ໂດຍການເຂົ້າໄປເຮັດໃຫ້ລະຫັດພັນທຸກຳຂອງເຊື້ອໄວຣັສຜິດປົກກະຕິ ຈົນບໍ່ສາມາດເພີ່ມຈຳນວນໄດ້.
ໂດຍການຍື່ນຂໍຂຶ້ນທະບຽນໃນຄັ້ງນີ້ ເປັນໄປຕາມທີ່ບໍລິສັດກ່າວໄວ້ເມື່ອຕົ້ນເດືອນວ່າ: ຈະຍື່ນຕໍ່ FDA ພາຍໃນໄລຍະເວລາ 2 ອາທິດ.
ອ້າງອີງ:
https://www.reuters.com/…/merck-applies-us-emergency…/
https://www.cnbc.com/…/covid-pill-merck-asks-fda-to…
