ອິນເດຍ ຈະເປີດຕ້ອນຮັບນັກທ່ອງທ່ຽວຕ່າງປະເທດໃນກາງເດືອນນີ້
October 10, 2021 - 11:45 AM
ອິນເດຍ ຈະກັບມາເປີດປະເທດ ຕ້ອນຮັບ ນັກທ່ອງທ່ຽວຕ່າງປະເທດ ຕັ້ງແຕ່ ວັນທີ15ຕຸລານີ້ ຫລັງຈາກໃຊ້ນະໂຍບາຍ ປິດປະເທດ ຫລາຍກວ່າ 1ປີ ເນື່ອງຈາກ ຜະເຊີນກັບ ການລະບາດ ໂຄວິດ-19ຢ່າງຮຸນແຮງ ໃນໄລຍະຜ່ານມາ ດ້ວຍການອອກໃບ ຮັບຮອງ ປະກອບ ເອກະສານ ເດີນທາງ (ວີຊ່າ) ໃຫ້ແກ່ ຊາວຕ່າງປະເທດ ທີ່ເດີນທາງດ້ວຍເຮືອບິນ ແບບເໝົາລຳ ຕັ້ງແຕ່ວັນທີ 15ເປັນຕົ້ນໄປ ລວມທັງຖ້ຽວບິນອື່ນໆ ຕັ້ງແຕ່ວັນທີ15ພະຈິກ ແຕ່ເນັ້ນໃຫ້ ນັກທ່ອງທ່ຽວ ຕ່າງປະເທດ ສາຍການບິນ ແລະ ຜູ້ທີ່ມີສ່ວນກ່ຽວຂ້ອງ ຈະຕ້ອງປະຕິບັດ ຕາມຫລັກການ ປ້ອງກັນໂຄວິດ-19 ເມື່ອເດີນທາງ ມາຮອດ ສະໜາມບິນສາກົນ ອິນເດຍ ຢ່າງເຂັ້ມງວດ.ຂະນະນີ້ ອິນເດຍ ມີຜູ້ຕິດເຊື້ອລາຍໃໝ່ ວັນລະ 20.000ຄົນ ແລະ ມີຜູ້ເສຍຊີວິດວັນລະ 200-300ຄົນ ຫລຸດລົງ ຈາກໄລຍະລະບາດ ຮຸນແຮງ ທີ່ມີຜູ້ຕິດເຊື້ອ ລາຍໃໝ່ ວັນລະ 400.000ຄົນ ແລະ ເສຍຊີວິດ ວັນລະ 4.000ຄົນ ໃນເດືອນເມສາ ແລະ ພຶດສະພາ ຜ່ານມາ ໂດຍມີຍອດຜູ້ຕິດເຊື້ອ ສະສົມເກືອບ 34ລ້ານຄົນ ແລະ ເສຍຊີວິດ 450.000ກວ່າຄົນ./.
