ເມືອງງອຍປ່ອຍປາສູ່ແຫລ່ງນ້ຳທຳມະຊາດ 2 ແສນກວ່າໂຕ
ເມື່ອບໍ່ດົນມານີ້,ເມືອງ ງອຍແຂວງຫລວງພະບາງ, ໄດ້ ຈັດພິທີປ່ອຍປາລົງສູ່ແຫລ່ງນ້ຳທຳມະຊາດຢູ່ເຂດທ່າເຮືອບ້ານໜອງຂຽວເນື່ອງໃນໂອກາດສະເຫລີມສະຫລອງວັນອານຸລັກ ສັດນ້ຳ-ສັດປ່າແຫ່ງຊາດ (13 ກໍລະກົດ), ໂດຍມີທ່ານ ຄຳຂັນ ຈັນທະວີສຸກ ເຈົ້າແຂວງຫລວງ ພະບາງພ້ອມດ້ວຍການນຳ ເມືອງ, ພະແນກການ, ກົມກອງ ແລະ ພາກສ່ວນກ່ຽວຂ້ອງ ເຂົ້າ ຮ່ວມຢ່າງຫລວງຫລາຍ.
+ ທຳລາຍຝູງຕັກກະແຕນໄມ້ປ່ອງຢູ່ 5 ບ້ານໃນເຂດເມືອງງອຍ
+ ຫລາຍທ້ອງຖິ່ນຈັດພິທີປ່ອຍປາລົງສູ່ແຫລ່ງນ້ຳທຳມະຊາດ ໃນໂອກາດວັນອານຸລັກສັດນ້ຳ-ສັດປ່າແຫ່ງຊາດ
+ ບໍ່ແກ້ວປ່ອຍປ່າລ້ານກວ່າໂຕສູ່ແຫລ່ງນ້ຳທຳມະຊາດ
ໃນພິທີທ່ານ ລັດຕະນະໄຊ ຄຳສີດາ ເຈົ້າເມືອງໆ ງອຍໄດ້ ມີຄຳເຫັນວ່າ: ນັບແຕ່ປະເທດ ຊາດໄດ້ຮັບການປົດປ່ອຍເປັນ ຕົ້ນມາ, ພັກ-ລັດຖະບານໄດ້ເອົາ ໃຈໃສ່ປົກປັກຮັກສາ ແລະ ອານຸ ລັກສະພາບແວດລ້ອມເປັນຕົ້ນ: ໄດ້ອອກຂໍ້ກຳນົດ, ກົດລະບຽບ, ກົດໝາຍກ່ຽວກັບການຫ້າມ ລ່າສັດນ້ຳ-ສັດປ່າທີ່ຫວງຫ້າມ ເພື່ອເຮັດໃຫ້ທຳມະຊາດ ມີຄວາມ ອຸດົມສົມ ບູນທາງດ້ານສັດນ້ຳ- ສັດປ່າ, ທັງເປັນສີ່ງທີ່ເຮັດໃຫ້ ຄົນຮຸ່ນໃໝ່ໄດ້ສຶກສາ ແລະ ສືບ ທອດຕໍ່ໄປ, ທ່ານເຈົ້າເມືອງ ດັ່ງກ່າວ ໃຫ້ຮູ້ວ່າ: ໃນໄລຍະຜ່ານ ມາປະຊາຊົນບັນດາເຜົ່າຊາວ ເມືອງງອຍ ເຄີຍມີມູນເຊື້ອໃນ ການປ່ອຍສັດ ແລະ ໄດ້ປະຕິບັດ ສືບ ທອດກັນມາຈົນເຖີງປັດຈຸ ບັນ ໂດຍສະເພາະແມ່ນຈັດການ ປ່ອຍທຸກປີເນື່ອງໃນໂອກາດວັນອານຸລັກສັດນ້ຳ-ສັດປ່າແຫ່ງ ຊາດ. ສຳລັບປາທີ່ນຳມາປ່ອຍ ຄັ້ງນີ້ປະກອບມີປາໄນ, ປາປາກ ແລະ ປາອີນເດຍ, ໂດຍປ່ອຍ ລົງສູ່ເຂດອ່າງໂຕ່ງຮັບນໍ້າຂອງ ເຂື່ອນໄຟຟ້ານ້ຳອູ 2 ມີຫລາຍ ກວ່າ 2 ແສນໂຕ, ໂດຍໄດ້ຮັບ ການສະໜັບສະໜູນຈາກບໍລິ ສັດຊີໂນໄຮໂດຼ, ໂຄງການກໍ່ສ້າງ ເຂື່ອນໄຟຟ້ານໍ້າອູ 2 ແລະ ນັບ ແຕ່ປີ 1998 ເປັນຕົ້ນມາພາກ ສ່ວນກ່ຽວຂ້ອງຂອງເມືອງງອຍ ໄດ້ເອົາໃຈໃສ່ ລົງກວດກາການ ລັກລອບລ່າສັດ ແລະ ຊື້ຂາຍ ສັດທີ່ຜິດກົດ ໝາຍຢ່າງເປັນ ປະຈຳອັນໄດ້ເຮັດໃຫ້ການປົກ ປັກຮັກສາສັດປ່າຫວງຫ້າມ ມີປະສິດທິຜົນ, ສ່ວນສັດທີ່ກວດ ກາພົບເຫັນຖ້າຫາກຍັງມີຊີວິດ ກໍໄດ້ປ່ອຍກັບ ຄືນສູ່ທຳມະຊາດ ໃນນັ້ນໄດ້ປ່ອຍ ລີ່ນ 28 ໂຕ, ປູລູ 56 ໂຕ, ໝີ 2 ໂຕ, ຟານ 2 ໂຕ ແລະ ເໝັ້ນ 2 ໂຕ. ສ່ວນ ຊີ້ນສ່ວນຂອງສັດປ່າທີ່ປະຊາ ຊົນນຳມາວາງຂາຍກໍໄດ້ກວດກາ ແລະ ຍືດໄປທຳລາຍຖີ້ມ ຕາມລະບຽບກົດໝາຍ.
