7 ວິທີຊ່ວຍໃຫ້ນອນງ່າຍ ຫລັບສະບາຍຫລາຍຂຶ້ນ
August 30, 2021 - 9:49 AM
- ອາການນອນບໍ່ຫລັບ ຫລື(Insomnia) ມີດັ່ງນີ້ :
- ນອນຫລັບຍາກ : ເຖິງວ່າຈະສາມາດຫລັບໄດ້ ແຕ່ຈະຕ້ອງໃຊ້ໄລຍະເວລາດົນ ບາງຄົນກໍເຄິ່ງຊົ່ວໂມງ ຫລື ດົນເປັນ ຊົ່ວໂມງ.
- ນອນຫລັບບໍ່ທົນ : ມັກຈະຫລັບບໍ່ຍາກ, ແຕ່ນອນໄດ້ບໍ່ດົນ ເຊັ່ນ : ຕື່ນຕອນກາງເດິກຕະຫລອດ.
- ຕື່ນໄວກ່ວາປົກກະຕິ : ຕື່ນໄວກ່ວາທີ່ຄວນ ແລ້ວນອນຫລັບຕໍ່ບໍ່ໄດ້.
- ຕື່ນແລ້ວບໍ່ສົດຊື່ນ : ຮູ້ສຶກວ່າຮ່າງກາຍນອນຫລັບບໍ່ພຽງພໍ, ມີອາການເຈັບຫົວຫລັງຈາກຕື່ນນອນທຸກເທື່ອ.
- ເຄັດລັບແກ້ບັນຫານອນບໍ່ຫລັບ ເໝາະສົມກັບຄົນນອນຍາກ : ຫລັງຈາກກວດເບິ່ງວ່າຕົນເອງມີອາການນອນບໍ່ຫລັບແລ້ວ ເຊັ່ນ : ນອນຫລັບຍາກ, ຕື່ນກາງເດິກຕະຫລອດ, ຕື່ນໄວກ່ວາປົກກະຕິ, ຕື່ນຂຶ້ນມາແລ້ວບໍ່ສົດຊື່ນ ສະແດງວ່າທ່ານອາດ ຈະເຂົ້າຂ່າຍມີບັນຫາການນອນບໍ່ຫລັບ ຫລື Insomnia ເຊິ່ງທ່ານສາມາດແກ້ອາການນອນບໍ່ຫລັບໄດ້ດ້ວຍຄຳແນະນຳ ງ່າຍໆຕໍ່ໄປນີ້ :
- ອອກກຳລັງກາຍ ຫລັບສະບາຍໝົດຄືນ : ມາເລີ່ມຕົ້ນໂດຍການອອກກຳລັງກາຍກັນເລີຍ ເພາະນອກຈາກຈະເຮັດໃຫ້ ທ່ານມີສຸຂະພາບທີ່ດີແລ້ວ ຍັງເປັນອີກວິທີທີ່ເຮັດໃຫ້ນອນຫລັບງ່າຍຂຶ້ນນຳອີກ ເຊິ່ງທ່ານຄວນຕັ້ງເປົ້າຢ່າງໜ້ອຍ 2 – 3 ເທື່ອຕໍ່ອາທິດ ໂດຍວິທີການອອກກຳລັງກາຍເບົາໆ ເຊັ່ນ : ແລ່ນ, ຍ່າງ, ເຕັ້ນແອໂຣບິກ, ລອຍນ້ຳ ຫລື ຂີ່ລົດຖີບ ຫລັງຈາກນັ້ນຮ່າງກາຍຈະຫລັ່ງຮໍໂມນຄວາມສຸກອອກມາ (Endorphin) ຈະຊ່ວຍເຮັດໃຫ້ທ່ານຫລັບສະໜິດໝົດ ຄືນ ຫລື ຈະລອງເຮັດທ່າໂຢຄະ ເພື່ອຍືດໂຕໃຫ້ຮ່າງກາຍໄດ້ຜ່ອນຄາຍ ກໍເປັນອີກໜຶ່ງວິທີທີ່ໜ້າສົນໃຈຄືກັນ. (ແນະ ນຳໃຫ້ອອກກຳລັງກາຍໄລຍະເວລາ 15:00 – 17:00 ໂມງ ປະມານ 20 – 30 ນາທີ ຈະຊ່ວຍເຮັດໃຫ້ນອນຫລັບ ສະບາຍຫລາຍຂຶ້ນ, ແຕ່ບໍ່ຄວນອອກກຳລັງກາຍຕອນເດິກ ຫລື ໃກ້ເວລາຈະເຂົ້ານອນ ເນື່ອງຈາກອຸນຫະພູມໃນຮ່າງ ກາຍຈະສູງຂຶ້ນ ອາດເຮັດໃຫ້ທ່ານນອນບໍ່ຫລັບ ຫລື ນອນຫລັບຍາກກ່ວາເກົ່າໄດ້.
- ຝຶກນັ່ງສະມາທິ ເຮັດໃຫ້ຈິດໃຈສະຫງົບ : ສຳລັບການນັ່ງສະມາທິຖືເປັນວິທີເຮັດໃຫ້ນອນຫລັບງ່າຍທີ່ສຸດ ທ່ານສາ ມາດເຮັດໄດ້ດ້ວຍຕົນເອງ ພຽງໃຊ້ເວລາພຽງແຕ່ 5 – 10 ນາທີຕໍ່ເທື່ອເທົ່ານັ້ນ ໂດຍໃຫ້ທ່ານຫາຍໃຈເຂົ້າອອກຢ່າງ ຊ້າໆ ແລ້ວຍົກກະບັງລົມຂຶ້ນ ເພື່ອໃຫ້ອົກຊີແຊນເຂົ້າສູ່ປອດ ຫລັງຈາກນັ້ນກໍຄ່ອຍໆຖອນຫາຍໃຈ ເຮັດແບບນີ້ວົນໄປ ເລື້ອຍໆ ຈະຊ່ວຍແກ້ອາການນອນບໍ່ຫລັບ ຍິ່ງຖ້າໃຜທີ່ກຳລັງປ່ວຍມີບັນຫາອາການນອນບໍ່ຫລັບ ກໍຄວນລອງຝຶກນັ່ງ ສະມາທິກ່ອນນອນທຸກໆຄືນ ຮັບຮອງວ່າວິທີນີ້ຈະຊ່ວຍແກ້ອາການນອນບໍ່ຫລັບໄດ້.
- ດື່ມນ້ຳພືດໃນຕະກູນໝາກເບີຣີ ຊ່ວຍໃຫ້ຜ່ອນຄາຍ : ທ່ານຮູ້ຫລືບໍ່ວ່າ ນ້ຳໝາກໄມ້ໃນຕະກູນໝາກເບີຣີ ນອກຈາກຈະ ແຊບແລ້ວຍັງຊ່ວຍແກ້ອາການນອນບໍ່ຫລັບນຳອີກ ບໍ່ວ່າຈະແມ່ນໝາກເຊີຣີ, ຣາສເບີຣີ, ແຄນເບີຣີ, ບລູເບີຣີ ຫລື ສະຕໍເບີຣີ ກໍມີສ່ວນຊ່ວຍເຮັດໃຫ້ທ່ານນອນຫລັບຝັນດີ ໂດຍສະເພາະຢ່າງຍິ່ງແມ່ນນ້ຳເຊີຣີທີ່ອຸດົມໄປດ້ວຍສານ ເມ ລາໂທນິນ ຈະສາມາດຄວບຄຸມການນອນຫລັບຂອງທ່ານໃຫ້ດີຂຶ້ນໄດ້. ດັ່ງນັ້ນ ຖ້າຢາກແກ້ອາການນອນບໍ່ຫລັບ ຫລື ບໍ່ຢາກຕື່ນມາກາງເດິກ ກໍລອງຫານ້ຳໝາກໄມ້ໃນຕະກູນໝາກເບີຣີດື່ມກ່ອນນອນ. (ຄວນດື່ມນ້ຳຕະກູນເບີຣີມື້ລະ 1 – 2 ຈອກ ປະມານ 30 ນາທີກ່ອນນອນ ແນະນຳໃຫ້ດື່ມແບບຄັ້ນສົດ ບໍ່ໃສ່ນ້ຳຕານ ຫລື ນ້ຳເຊື່ອມ ເພາະລົດຊາດ ໝາກໄມ້ຕະກູນເບີຣີເຂັ້ມຂຸ້ນຢູ່ແລ້ວ ຈະໄດ້ດີຕໍ່ສຸຂະພາບຂອງທ່ານນຳ.
- ກິ່ນຫອມຂອງສະໝຸນໄພກໍຊ່ວຍທ່ານໄດ້ : ຫລາຍທ່ານເຊື່ອວ່າ ກິ່ນອະໂຣມາ ຈະຊ່ວຍຫລຸດຄວາມເຄັ່ງຄຽດ ແລະ ເຮັດໃຫ້ນອນຫລັບສະໜິດໄດ້ງ່າຍຂຶ້ນ ຍິ່ງຖ້າເປັນກິ່ນຫອມທີ່ເຮັດມາຈາກສະໝຸນໄພ ຫລື ດອກໄມ້ຕ່າງໆ ກໍຈະຍີ່ງດີ ຫລາຍ ເຊັ່ນ : ກິ່ນໝາກກ້ຽງ, ກິ່ນໝາກນາວ, ກິ່ນລາເວັນເດີ, ກິ່ນດອກມະລິ ຫລື ກິ່ນໝາກຂີ້ຫູດ ຖືເປັນໂຕຊ່ວຍແກ້ ອາການນອນບໍ່ຫລັບໄດ້ດີ ເພາະຈະມີສັບພະຄຸນຊ່ວຍບຳລຸງລະບົບປະສາດໃຫ້ຜ່ອນຄາຍ, ຫົວໃຈເຕັ້ນຊ້າລົງ ຈົນ ເຮັດໃຫ້ທ່ານນອນຫລັບເລິກໃນທີ່ສຸດ. (ລອງເອົານ້ຳມັນຫອມກິ່ນສະໝຸນໄພ ຫລື ດອກໄມ້ໃສ່ໃນຖົງຜ້ານ້ອຍໆ ແລ້ວ ເອົາໄປວາງໄວ້ເທິງຫົວຕຽງ ຫລື ຂ້າງໆຫົວ ຫລັງຈາກນັ້ນກິ່ນຫອມອ່ອນໆກໍຈະລະເຫີຍອອກມາຂະນະທີ່ທ່ານກຳ ລັງນອນຫລັບຢູ່.
- ເລືອກບ່ອນນອນຢາງພາລາ ຫລັບສະໜິດທຸກຄືນ : ຫາກທ່ານມີອາການນອນບໍ່ຫລັບເປັນປະຈຳ ສາເຫດນັ້ນກໍອາດ ຈະມາຈາກບ່ອນນອນຂອງທ່ານກໍເປັນໄດ້ ໂດຍປົກກະຕິເຮົາຕ້ອງໃຊ້ເວລາກັບການນອນປະມານ 1 ໃນ 3 ຂອງແຕ່ ລະມື້. ສະນັ້ນ, ການເລືອກບ່ອນນອນຢາງພາລາອາດຈະຊ່ວຍຕອບໂຈດການນອນເພື່ອສຸຂະພາບໃຫ້ແກ່ທ່ານໄດ້ ເນື່ອງຈາກຈະມີຄຸນສົມບັດພິເສດໃນການຫົດຢືດ ພ້ອມຮອງຮັບຮ່າງກາຍຂອງທ່ານໄດ້ຢ່າງສະເພາະໂຕ ຈຶ່ງເຮັດໃຫ້ ທ່ານໝົດບັນຫາເລື່ອງນອນແລ້ວປວດຫລັງປວດແອວ ທັງຍັງຊ່ວຍເຮັດໃຫ້ທ່ານນອນຫລັບສະບາຍໝົດຄືນນຳອີກ ປຽບດັ່ງເປັນການລົງທຶນເພື່ອສຸຂະພາບການນອນທີ່ດີໃນໄລຍະຍາວນັ້ນເອງ. (ກ່ອນເລືອກຊື້ບ່ອນນອນທຸກເທື່ອ ແນະນຳໃຫ້ທົດລອງນອນກ່ອນ ເພື່ອເລືອກໃຫ້ເໝາະສົມກັບຮູບຮ່າງຂອງຕົນເອງ ແລະ ຄວາມສະບາຍທີ່ສຸດ).
- ປັບທ່ານອນຖືກວິທີ ຊ່ວຍແກ້ບັນຫານອນບໍ່ຫລັບ : ໃຫ້ທ່ານລອງປັບປ່ຽນທ່ານອນແບບຖືກວິທີ ຫາກທ່ານຍັງຮູ້ສຶກ ນອນບໍ່ຫລັບ ບໍ່ວ່າຈະພິກໂຕໄປທາງໃດກໍຕາມ ອາດຈະເປັນຍ້ອນວ່າທ່ານເລືອກນອນຜິດທ່າກໍເປັນໄດ້ ສະນັ້ນ ມາ ລອງເບິ່ງ 5 ທ່ານອນແກ້ປວດຫລັງປວດແອວກັນດີກ່ວາ ຈະມີທ່ານອນໃຫ້ທ່ານເລືອກຕາມໃຈມັກ ທັງຍັງດີຕໍ່ຮ່າງ ກາຍຂອງທ່ານນຳ ຫລື ຖ້າຈະໃຫ້ແນະນຳທ່ານອນທີ່ສະບາຍທີ່ສຸດ ຄວນເປັນ ທ່ານອນຫງາຍ ດີກ່ວາ, ແຕ່ບໍ່ແມ່ນ ພຽງແຕ່ທ່ານອນຫງາຍຢ່າງດຽວ ທ່ານອາດຈະຕ້ອງໝູນໝອນໄວ້ກ້ອງຫົວເຂົ່າ ຈົນກະໂພກຍົກຂຶ້ນໜ້ອຍໜຶ່ງ ເພື່ອ ຊ່ວຍຫລຸດອາການເກັງຂອງກ້າມຊີ້ນ ຫລັງຈາກນັ້ນ ທ່ານກໍຈະຮູ້ສຶກຜ່ອນຄາຍ ແລະ ນອນຫລັບງ່າຍຂຶ້ນກ່ວາເກົ່າ.
- ຟັງ ASMR ຊ່ວຍໃຫ້ຫລັບສະບາຍ : ມາຮອດວິທີສຸດທ້າຍ ຖ້າທ່ານຍັງຮູ້ສຶກນອນບໍ່ຫລັບຢູ່ ກໍລອງຟັງສຽງເພງໃນ ຮູບແບ ASMR ຈະເປັນວິທີເຮັດໃຫ້ນອນຫລັບແບບລ້າສຸດທີ່ຜ່ານການອັດສຽງແບບ 3D ປຽບດັ່ງຂອງແທ້ ຈຶ່ງ ເຮັດໃຫ້ທ່ານເພີດເພີນໄປກັບການນອນຫລັບຫລາຍຂຶ້ນ ເຊິ່ງສຽງຂອງ ASMR ຈະມີໃຫ້ທ່ານເລືອກຟັງຫລາກ ຫລາຍ ບໍ່ວ່າຈະແມ່ນສຽງຂອງທຳມະຊາດ, ສຽງນວດ, ສຽງສະຜົມ, ສຽງຫາຍໃຈ, ສຽງສົນທະນາ ຫລື ແມ່ນແຕ່ ສຽງຫຍ້ຳ ກໍສາມາດຫາຟັງໄດ້ງ່າຍໃນ Youtube ຍິ່ງລອງຟັງເປັນປະຈຳ ຈະຊ່ວຍກ່ອມປະສາດໃຫ້ງ່ວງນອນໄດ້ ດີຍິ່ງຂຶ້ນ.
