ຮອຍຫ່ຽວອ້ອມດວງຕາ ບົ່ງບອກອາຍຸຂອງແມ່ຍິງ
August 23, 2021 - 11:32 AM
- ສາເຫດຈາກການລົບເຄື່ອງສຳອາງບໍລິເວນອ້ອມດວງຕາເປັນປະຈຳ ສົ່ງຜົນລະຄາຍເຄືອງ : ເພາະຜິວໜັງບໍລິເວນອ້ອມ ດວງຕາເປັນພາກສ່ວນທີ່ອ່ອນບາງທີ່ສຸດເທິງໃບໜ້າ, ເປັນພາກສ່ວນທີ່ເກີດບັນຫາໄດ້ງ່າຍ ທັງຮອຍຫ່ຽວອ້ອມດວງຕາ, ຮອຍຕີນກາ, ກ້ອງຕາດຳຄ້ຳ, ຖົງກ້ອງຕາຢ່ອນຍານ ສາເຫດສ່ວນໜຶ່ງເກີດຈາກການລຶບເຄື່ອງສຳອາງບໍລິເວນອ້ອມ ດວງຕາເປັນປະຈຳ ຈົນສົ່ງຜົນໃຫ້ລະຄາຍເຄືອງ.
- ການເກີດຮອຍຫ່ຽວອ້ອມດວງຕາ : ອາຍຸ ປັດໄຈທີ່ບໍ່ສາມາດຫລີກເວັ້ນໄດ້ ຍ້ອນເມື່ອອາຍຸຫລາຍຂຶ້ນ ຄໍລາເຈັນໃນຊັ້ນຜິວ ຈະຫລຸດລົງ ເຮັດໃຫ້ຜິວບໍ່ເຄັ່ງ ແລະ ເກີດຮອຍຫ່ຽວຍານໃນທີ່ສຸດ. ການເຊັດເຄື່ອງສຳອາງ ແລະ ການສີຕາ ສຳລັບຄົນທີ່ ແຕ່ງໜ້າ ແລະ ຕ້ອງພະເຊີນກັບການເຊັດເຄື່ອງສຳອາງທຸກມື້ອາດຈະເຜີສີຕາແຮງໆ ເຮັດໃຫ້ຜິວອ້ອມດວງຕາຖືກທຳ ຮ້າຍແບບບໍ່ຮູ້ໂຕ.
- ແສງແດດ, ລົມ, ມົນລະພິດ : ຖືເປັນສິ່ງທີ່ກະຕຸ້ນໃຫ້ເກີດການສ້າງເມັດສີເມລານີນ ທີ່ນອກຈາກຈະເປັນສາເຫດຂອງ ການເກີດຮອຍຫ່ຽວຍານແລ້ວ ຍັງກໍ່ໃຫ້ເກີດບັນຫາຝ້າ, ເມັນ ຕາມມາ.
- ການສະແດງອາລົມເທິງໃບໜ້າ : ຍ້ອນຕ້ອງສະແດງອາລົມຢູ່ທຸກມື້ ທັງການຍິ້ມ, ຫຍໍ້ຄິ້ວ, ຫົວ ທີ່ຖືກເປັນສາເຫດໜຶ່ງທີ່ ເຮັດໃຫ້ເກີດຮອຍຫ່ຽວ.
- ພັກຜ່ອນບໍ່ພຽງພໍ : ທີ່ມາຈາກການນອນເດິກ ທີ່ບໍ່ວ່າຈະເປັນການເຮັດວຽກ, ການຫລິ້ນໂທລະສັບ ຫລື ງານລ້ຽງສັງສັນ ສົ່ງຜົນໃຫ້ຜິວຂາດນ້ຳ ແລະ ຄວາມຊຸ່ມຊື່ນ ຖືເປັນໜຶ່ງສາເຫດທີ່ເຮັດໃຫ້ເກີດຮອຍຫ່ຽວອ້ອມດວງຕາ.
- ຫລາຍຄົນອາດແກ້ບັນຫາໂດຍການເພິ່ງວິທະຍາການທາງການແພດ ບໍ່ວ່າຈະເປັນການສີດໂບທັອກ, ຕື່ມຟິລເລີ ເຊິ່ງ ການໃຊ້ວິທີການເຫລົ່ານີ້ຈະຕ້ອງສຶກສາໃຫ້ດີ ທັງໃນເລື່ອງຂໍ້ມູນການຮັບບໍລິການ ແລະ ຂໍ້ມູນເລື່ອງຄ່າໃຊ້ຈ່າຍ ເພື່ອເບິ່ງ ຜົນຕອບແທນວ່າກຸ້ມຄ່າກັບຄ່າໃຊ້ຈ່າຍຫລືບໍ່ ເຊິ່ງກໍຂຶ້ນຢູ່ກັບຄວາມພໍໃຈຂອງແຕ່ລະບຸກຄົນ.
- ວິທີການເລືອກສ່ວນປະສົມໃນຄຣີມບຳລຸງຜິວອ້ອມດວງຕາໃຫ້ເຫັນຜົນ :
- ວິຕາມິນ C : ຊ່ວຍໃນເລື່ອງຂອງການແກ້ບັນ ຫາຄວາມດຳຄ້ຳກ້ອງຕາໃຫ້ສົດໃສຂຶ້ນ ແລະ ຍັງຊ່ວຍຫລຸດ ຮອຍຫ່ຽວອ້ອມດວງຕາໄດ້ນຳ.
- ໂພລິເປບໄທ : ຊ່ວຍເຮັດໃຫ້ຜິວອ້ອມດວງຕາອີ່ມນ້ຳ, ສົດໃສ, ຍົກກະຊັບ ທັງຍັງຊ່ວຍໃຫ້ສີຜິວເບິ່ງສະໝ່ຳສະເໝີ ກ້ຽງນຽນຂຶ້ນ.
- ກາເຟອີນ : ຊ່ວຍສົ່ງເສີມລະບົບເມຕາບໍລຶຊຶມອ້ອມດວງຕາ ກະຕຸ້ນການໄຫລວຽນຂອງເລືອດ ຊ່ວຍຫລຸດຂອບຕາ ບວມນ້ຳ ແລະ ຫລຸດຄວາມດຳຄ້ຳກ້ອງຕາ.
- ເອັດລັອກ ເບລັນ : ສານທີ່ຢູ່ໃນກຸ່ມສານຕໍ່ຕ້ານອະນຸມູນອິດສະລະ ທີ່ຈະເຮັດໜ້າທີ່ຈັດການຄວາມເສື່ອມຊະລາໄດ້ ຢ່າງວ່ອງໄວ ແລະ ກົງຈຸດ.
