ອິນເດຍ ຈະສັກວັກຊີນຕ້ານໂຄວິດ-19 ໃຫ້ຜູ້ທີມີອາຍຸແຕ່ 2-18 ປີ.
August 20, 2021 - 4:32 PM
ອີງຕາມແຫລ່ງຂ່າວ ຊິນຫົວ ຂອງຈີນ ໄດ້ລາຍງານຂ່າວໃຫ້ຮູ້ວ່າ: ທ່ານ ປຣິຢາ ອັບຣາຮໍາ ຜູ້ອຳນວຍການ ສະຖາບັນ ພະຍາດ ວິທະຍາ ແຫ່ງຊາດ ປູເນ ສັງກັດສະພາ ວິໄຈ ທາງການແພດອິນເດຍ ( ICMR ) ເປີດເຜີຍວ່າ: ອິນເດຍ ມີແນວໂນ້ມ ຈະສັກວັກຊິນ ປ້ອງກັນໂຄວິດ-19 ທີ່ຜະລິດເອງ ໃຫ້ປະຊາກອນໃນປະເທດ ໂດຍສະເພາະແມ່ນຜູ້ທີ່ມີອາຍຸແຕ່ 2-18 ປີ, ເຊິ່ງຈະເລີ່ມສັກພາຍໃນເດືອນກັນຍານີ້.
ມາດຕະການດັ່ງກ່າວໄດ້ເກີດຂຶ້ນ ຂະນະທີ່ ອິນເດຍ ພວມທົດລອງ ວັກຊິນ ໂຄວາຊິນ ( Covaxin ) ໄລຍະທີ 2 ແລະ 3 ສໍາລັບປະຊາກອນກຸ່ມອາຍຸ 2-18 ປີ ແລະ ທ່ານ ປຣິຢາ ອັບຣາຮໍາ ຍັງໄດ້ໃຫ້ສໍາພາດກັບສື່ມວນຊົນ ອິນເດຍ ໄຊເອນສ ( India Science ) ຄາດວ່າຈະຮູ້ຜົນການທົດລອງໃນໄວໆນີ້.
