ຜູ້ປ່ວຍ ໂຄວິດ-19 ສາມາດປົວຕົນເອງດ້ວຍຢາ Ronapreve ໄດ້
ລັດຖະບານຍີ່ປຸ່ນມີແຜນອະນຸຍາດໃຫ້ຜູ້ປ່ວຍໂຄວິດ-19 ໃນລະດັບຄ່ອຍ ແລະ ປານກາງສາມາດນຳໃຊ້ຢາ Ronapreve ປົວດ້ວຍຕົນເອງຢູ່ເຮືອນໄດ້.
ຢາຊະນິດນີ້ໃຊ້ພາຍໃນ 7 ວັນພາຍຫຼັງຜູ້ປ່ວຍສະແດງອາການ ແລະ ໃຊ້ໃຫ້ພຽງແຕ່ຜູ້ທີ່ເຂົ້າຮັບປິ່ນປົວຢູ່ໂຮງໝໍເທົ່ານັ້ນ. ແຕ່ເນື່ອງຈາກວ່າຜູ້ຕິດເຊື້ອໂຄວິດ-19 ພາຍໃນປະເທດພຸ່ງຂຶ້ນຢ່າງໄວວາ ແລະ ຟັງຕາມຄຳໃຫ້ແນະນຳຂອງຜູ້ຊ່ຽວຊານດ້ານສາທາລະນະສຸກ, ນາຍົກລັດຖະມົນຕີຍີ່ປຸ່ນ ຊູງະ ໂຢຊິຮິເດະ ກ່າວວ່າ ລັດຖະບານຈະອະນຸຍາດຜູ້ປ່ວຍໂຄວິດ-19 ກັກຄົວຢູ່ໃນເຮືອນ ແລະ ນຳໃຊ້ຢາ Ronapreve ປົວເອົາເອງ, ຊຶ່ງຢາຊະນິດນີ້ທ່ານຮຽກວ່າ “ມີລັກສະນະປະຕິວັດ”. ຢາ Ronapreve ຈະຊ່ວຍໃຫ້ອາການບໍ່ໜັກຂຶ້ນ.
ກ່ອນໜ້ານີ້ ຄືວັນທີ 19 ກໍລະກົດ ກະຊວງສາທາລະນະສຸກໄດ້ອະນຸມັດໃຫ້ໃຊ້ຢາ Ronapreve ຢ່າງຮີບດ່ວນກັບຜູ້ປ່ວຍອາຍຸ 12 ປີຂຶ້ນເມື່ອ ໂດຍບໍ່ໄດ້ໃສ່ອົກຊີ ແລະ ບໍ່ມີຄວາມອັນຕະລາຍທີ່ຮ້າຍແຮງ
ລັດຖະບານຍີ່ປຸ່ນໃຫ້ຮູ້ວ່າ ໄດ້ຊື້ຢາ Ronapreve ແຮໄວ້ 200.000 ໂດສ ເນື່ອງຈາກວ່າ ການຕອບສະໜອງຂອງບໍລິສັດ Chugai ມີຂີດຈຳກັດ ແລະ ຈະໄດ້ແຈກຢາຍໃຫ້ກັບ ໂຮງໝໍ 2.000 ແຫ່ງທົ່ວປະເທດ ທີ່ມີການລົງທະບຽນນຳໃຊ້ຢາ Ronapreve.
ແຫຼ່ງຂ່າວ: Japan Time
