ຊົມເຊີຍແຮງງານລາວເຂົ້າມາຢ່າງຖືກຕ້ອງ ແຕ່ກໍຕ້ອງສະແດງຈິດໃຈຊາດໃຫ້ພໍເມື່ອກັບຄືນມາປະເທດ

ໂດຍ: ລູກເມືອງພວນ

ຂະນະນີ້, ລັດຖະບານລາວກຳລັງອ້າແຂນຕ້ອນຮັບເອົາແຮງງານລາວຢູ່ຕ່າງປະເທດໃກ້ຄຽງທີ່ມີປະສົງກັບຄືນປະເທດ ອັນເນື່ອງຈາກວ່າປະເທດເພື່ອນບ້ານມີການລະບາດເຊື້ອໂຄວິດ-19 ຢ່າງໜັກໜ່ວງ.

ກ່ອນອື່ນກໍຂໍສະແດງຄວາມຊົມເຊີຍ ມາຍັງພີ່ນ້ອງແຮງງານລາວສ່ວນໃຫ່ຍທີ່ໄດ້ໃຫ້ການຮ່ວມໄມ້ຮ່ວມມືກັບລັດຖະບານລາວໃນການປ້ອງກັນ ແລະ ສະກັດກັ້ນ ແລະ ຕ້າຍການລະບາດຂອງເຊື້ອພະຍາດໂຄວິດ-19 ໄດ້ເປັນຢ່າງດີ.

ຂະນະນີ້, ໃນແຕ່ລະວັນ ລັດຖະບານລາວຕ້ອງຮັບເອົາແຮງງານທີ່ກັບມາຈາກປະເທດເພື່ອນບ້ານໃກ້ຄຽງວັນໜຶ່ງຫຼາຍຮ້ອຍຄົນ ແລະ ພີ່ນ້ອງແຮງງານລາວເຫຼົ່ານີ້ ຕາມການເປີດເຜີຍຂອງກະຊວງສາທາລະສະສຸກລາວ ໃຫ້ຮູ້ວ່າ ມີປະມານ 10-20% ແມ່ນເປັນຜູ້ຕິດເຊື້ອ. ດັ່ງນັ້ນ, ຈຶ່ງເຮັດໃຫ້ຕົວເລກຜູ້ຕິດເຊື້ອນຳເຂົ້າໃນລາວພຸ່ງສູງຂຶ້ນໃນແຕ່ລະວັນ. ຈົນເຖິງຂະນະນີ້ມິຝີຜູ້ຕິດເຊື້ອສະສົມທັງໝົດ ເກືອບແຕະ 9 ພັນຄົນແລ້ວ, ໃນນັ້ນຕິດເຊື້ອນຳເຂົ້າກວມປະມານ 90%.

ເນື່ອງຈາກສະຖານະການຄືແນວນັ້ນ, ທາງລັດຖະບານລາວຈຶ່ງຈຳເປັນຕ້ອງໄດ້ກັກຕົວໄວ້ເພື່ຶອຕິດຕາມເປັນເວລາ 14 ວັນ ຫຼື ຫຼາຍກວ່ານັ້ນ. ທັງນີ້ກໍເພື່ອຄວາມປອດໄພໃຫ້ພີ່ນ້ອງຊາວລາວທຸກຖ້ວນໜ້າ. ເມື່ອຈຳນວນແຮງງານລາວກັບມາຢ່າງຫຼວງຫຼາຍຄືແນວນັ້ນ, ເປັນທີ່ແນ່ນອນວ່າ, ໃນເງື່ອນໄຂປະເທດຊາດຍັງທຸກຍາກ, ຂາດເຂີນຫຼາຍດ້ານ ແລະ ຈຳເປັນຕ້ອງໄດ້ຂໍຄວາມຊ່ວຍເຫຼືອຈາກຕ່າງຊາດ ແລະ ອົງການຈັດຄັ້ງມາກົນ, ຈຶ່ງເຮັດໃຫ້ການຮັບຕ້ອນພີ່ນ້ອງແຮງງານລາວຫຼາຍພັນຄົນນຫ້ນ ມີອັນຂາດຕົກຍົກຜ່ອງຫຼາຍຢ່າງ ນັບຕັ່ງແຕ່ບ່ອນພັກພາອາໄສ, ບຸກຄະລາກອນ, ອຸປະກອນທາງການແພດ, ສະຖານທີ່ກັກກັນບໍ່ພຽງພໍ. ເຖິງຢ່າງໃດກຊດີ ລັດຖະບານລາວກໍໄດ້ເຮັດໝົດຄວາມສາມາດຂອງຕົນ ເພື່ອຮັບຕ້ອນພີ່ນ້ອງໃຫ້ດີທີ່ສຸດ ແຕ່ປານນັ້ນຍັງມີແຮງງານລາວຈຳນວນໜື່ງບໍ່ພໍໃຈຕໍ່ລັດຖະບານລາວ ໂດຍໄລ້ສົດສະຖານທີ່ກັກກັນ ວິພາກວິຈານລັດຖະບານ ວ່າບໍ່ເອົາໃຈໃສ່ເບິ່ງແຍງພວກຕົນ ຢ່າງບໍ່ເຫັນອົກເຫັນໃຈເລີຍ. ການເບິ່ງແຍງດູແລນັ້ນ ມັນບໍ່ແມ່ນສະເພາະແຕ່ພີ່ນ້ອງແຮງງານລາວທີ່ກັບມາແຕ່ປະເທດໃກ້ຄຽງເທົ່ານັ້ນ ແຕ່ຫາກເບິ່ງແຍງ ດູແລປະຊາຊົນລາວທັງປະເທດທີ່ກຳລັງປະເຊີນອຸປະສັກຫຼາຍຢ່າງຢູ່ໃນຂະນະນີ້. ການກະທຳດັ່ງກ່າວຂອງແຮງງານລາວຈຳນວນນັ້ນ ມັນເປັນການວິພາກວິຈານ ຫຼືເປັນການຕ້ານລັດຖະບານລາວໂດຍກົງ,
ຊຶ່ງບໍ່ໜ້າຈະເກີດຂຶ້ນເລີຍ ການວິຈານລັດຖະບານ ແລະ ປະເທດຊາດທີ່ສັກກະລະບູຊາ ແລະ ຫວງແຫນຂອງຕົນນັ້ນ ເປັນພຶດຕິກຳທີ່ບໍ່ສາມາດຍອມຮັບໄດ້. ບຸກຄົນເຫຼົ່ານັ້ນ ອາດຈະຕິດແສດແນວຄິດມາແຕ່ໃສກໍບໍ່ຈັກ.

ເມື່ອແຮງງານລາວເຂົ້າມາຢ່າງຖືກຕ້ອງແມ່ນດີແລ້ວ ແລະ ເປັນຄວາມຮັກຊາດ ດັ່ງທີ່ທ່ານ ນາຍົກລັດຖະມົນຕີລາວກ່າວໄວ້. ເຖີງຢ່າງໃດກໍຕາມຮຽກຮ້ອງໃຫ້ພີ່ນ້ອງແຮງງານລາວເມື່ອກັບມາຢ່າໄດ້ໃຫ້ເສຍທາດ, ເສຍມາລະຍາດ, ຂາດພະຄຸນນະທຳຕໍ່ປະເທດຊາດຂອງຕົນ ແລະ ພີ່ນ້ອງຊາວລາວທຸກຄົນທີ່ກຳລັງປະເຊີນບັນຫາຢູ່ໃນຂະນະນີ້. ຕ້ອງສະແດງໃຫ້ເຫັນຄວາມເປັນລາວ, ຈິດໃຈຊາດ, ສະຕິຊາດ ແລະ ຄວາມຮັກຊາດ, ຮັກບ້ານເກີດເມືອງນອນຂອງຕົນ, ນັ້ນຈຶ່ງແມ່ນຄົນລາວແທ້ ຫາກບໍ່ແມ່ນງົວລືມຕີນ.