ແຂວງຈຳປາສັກ ມີແຮງງານກັບມາແຕ່ປະເທດເພືອນບ້ານກັກໂຕຢູ່ສູນ 3.158 ຄົນ.

ໃນວັນທີ 11 ສິງຫາ 2021 ນີ້ ທ່ານ ດຣ ວຽງສີ ສຸພັກດີ ຫົວໜ້າພະແນກສາທາລະນະສຸກ ແຂວງຈຳປາສັກ ໃຫ້ຮູ້ວ່າ: ໃນວັນທີ 10 ສິງຫາ 2021 ຜ່ານມາ ມີແຮງງານລາວກັບມາແຕ່ປະເທດເພືອນບ້ານຜ່ານດ່ານວັງເຕົ່າ ຈຳນວນ 233 ຄົນ, ໃນນັ້ນມີຄົນແຂວງຈຳປາສັກ 123 ຍິງ 63 ຄົນ, ສະລະວັນ 92 ຄົນ ຍິງ 38 ຄົນ, ເຊກອງ 3 ຄົນ ຍິງ 2 ຄົນ , ສະຫວັນນະເຂດ 10 ຄົນຍິງທັງໝົດ, ບໍລິຄຳໄຊ 3 ຄົນ ຍິງ 2 ຄົນ ແລະ ແຂວງວຽງຈັນ 1 ຄົນຍິງ.

ຜົນກວດຜູ້ຕິດເຊື້ອພາຍໃນແຂວງໃນວັນທີ 11 ສິງຫານີ້ ກວດພົບຜູ້ຕິດເຊື້ອໃໝ່ 80 ຄົນ, ເປັນແຮງງານນຳເຂົ້າ 78 ຄົນ ແລະ ເປັນພະນັກງານປະຈໍາຢູ່ດ່ານພັກເຊົ່າຢູ່ດ່ານ 2 ຄົນ.

ຮອດວັນທີ 11 ສິງຫາ 2021 ນີ້ ແຂວງຈຳປາສັກມີຜູ້ຕິດເຊື້ອສະສົມ 2.490 ຄົນ ຍິງ 1.179 ຄົນ, ປົວດີສະສົມ 1.320 ຄົນ ຍິງ 620 ຄົນ, ເສຍຊີວິດສະສົມ 2 ຄົນ ແລະ ກຳລັງປິ່ນປົວ 1.168 ຄົນ ຍິງ 559 ຄົນ ໃນນີ້ມີຜູ້ປ່ວຍອາການຮຸນແຮງ 3 ຄົນ.

ຂະນະນີ້ຢູ່ນະຄອນປາກເຊ ໄດ້ກຳນົດ ບ້ານຄຸ້ມພູຄູນ ເປັນບ້ານແດງ ແລະ ກຳນົດບ້ານ ພັດທະນາຫລັກ , ບ້ານຫ້ວຍເຢືອງຄຳ, ບ້ານໂຊກອຳນວຍ, ບ້ານຈັດສັນ ເປັນບ້ານເຫລືອງ ຮຽກຮ້ອງໃຫ້ຜູ້ທີ່ມີຄວາມສຳພັດໃກ້ຊິດ ຫລື ກຸ່ມສ່ຽງໃຫ້ຮີບຮ້ອນໄປກວດຫາເຊື້ອຕາມຈຸດທີ່ທາງແຂວງກຳນົດໄວ້ຄື: ໂຮງໝໍນະຄອນປາກເຊ ແລະ ສະໜາມກິລາຫລັກ 2.

ທ່ານຍັງໃຫ້ຮູ້ຕື່ມວ່າ: ປັດຈຸບັນນີ້ຍັງມີແຮງງານກັກໂຕຢູ່ 15 ສູນ ພາຍໃນແຂວງ ຈຳປາສັກ ຈຳນວນ 3.158 ຄົນ, ຍິງ 1.520 ຄົນ.