AIIB ປະກາດສະມາຊິກໃໝ່ 13 ປະເທດ

    ທະນາຄານເພື່ອການລົງທຶນໂຄງສ້າງພື້ນຖານແຫ່ງອາຊີ (AIIB) ພາຍໃຕ້ການສະໜັບສະໜູນຂອງລັດຖະບານຈີນເຫັນພ້ອມໃຫ້ອີກ 13 ປະເທດເຂົ້າຮ່ວມເປັນສະມາຊິກ ສົ່ງຜົນໃຫ້ທະນາຄານມີສະມາຊິກເພີ່ມເປັນ 70 ປະເທດແລ້ວ.

ສະມາຊິກໃໝ່ຂອງ AIIB ປະກອບມີການາດາ, ເວເນຊູເອລາ, ອັບການິດສະຖານ, ອຽກລັງ, ຮົງກາລີ, ແບນຊິກ, ເປຣູ, ເອທິໂອປີ ແລະ ສາທາລະນະລັດຊູດັງ ໂດຍບັນດາປະເທດເຫລົ່ານີ້ຈະເປັນສະມາຊິກຂອງທະນາຄານຢ່າງເປັນທາງຫານ ພາຍຫລັງມີການຝາກເງິນຈຳນວນທຳອິດ ແລະ ດຳເນີນການຕາມຂະບວນການພາຍໃນປະເທດສຳເລັດ.

ທ່ານ ຈິນ ລີສິວ ປະທານ AIIB ກ່າວວ່າ: ທ່ານຮູ້ສຶກພາກພູມໃຈທີ່ປັດຈຸບັນນີ້ທະນາຄານມີປະເທດສະມາຊິກທີ່ມາຈາກເກືອບທຸກທະວີບ ແລະ ຄາດຫວັງວ່າຈະມີຜູ້ຕ້ອງການສະໝັກເຂົ້າຮ່ວມເປັນສະມາຊິກເພີ່ມຂຶ້ນໃນອະນາຄົດ ເພື່ອມຸ່ງໜ້າສູ່ເປົ້າໝາຍການເປັນສະຖາບັນການເງິນສາກົນ. ທັງນີ້ ມີການຕັ້ງຂໍ້ສັງເກດວ່າ: AIIB ສ້າງຕັ້ງຂຶ້ນມາເພື່ອເປັນຄູ່ແຂ່ງກັບທະນາຄານໂລກ ແລະ ທະນາຄານພັດທະນາອາຊີ (ADB) ເຊິ່ງມີສຳນັກງານໃຫຍ່ຕັ້ງຢູ່ນະຄອນຫລວງມະນິລາຂອງຟີລິບປິນ. ຂະນະທີ່ອາເມລິກາ ແລະ ຍີ່ປຸ່ນ ປະກາດວ່າ: ຈະບໍ່ເຂົ້າຮ່ວມເປັນສະມາຊິກຂອງ AIIB ແນ່ນອນ.