ສະຖານະການໂຄວິດ-19 ກໍາປູເຈຍ ມີທ່າອ່ຽງຫລຸດລົງ

ອີງຕາມການລາຍງານຂ່າວຂອງ cambodianees ໄດ້ລາຍງານວ່າ: ທ່ານ ຮຸນເຊັນ ນາຍົກລັດຖະມົນຕີ ຂອງ ກຳປູເຈຍ ໄດ້ເປີດເຜີຍວ່າ: ຂະນະນີ້ຕົວເລກຜູ້ຕິດເຊື້ອໂຄວິດ-19 ຫລຸດລົງ ເມື່ອທຽບກັບຊ່ວງການລະບາດສູງສຸດທ້າຍເດືອນ ມິຖຸນາ ທີ່ຜ່ານມາ ໂດຍສະເພາະການຕິດເຊື້ອໃນໂຮງງານຕ່າງໆ ມີອັດຕາຫລຸດລົງ ເນື່ອງຈາກລັດຖະບານລະດົມສັກວັກຊີນຕ້ານໂຄວິດ-19 ໃຫ້ກັບປະຊາຊົນຢ່າງຕໍ່ເນື່ອງ ຈົນເຖີງຕອນນີ້ມີຊາວກຳປູເຈຍໄດ້ຮັບສັກວັກຊີນໄປແລ້ວປະມານ 6,74 ລ້ານຄົນ ຄິດເປັນ 67,4% ຂອງຈຳນວນກຸ່ມເປົ້າໝາຍປະຊາກອນໄວຜູ້ໃຫ່ຍ 10 ລ້ານຄົນໃນປະເທດ.

ລາຍງານຈຳນວນຜູ້ຕິດເຊື້ອໂຄວິດ-19 ວັນທີ 29 ກໍລະກົດ 2021 ນີ້ ກໍາປູເຈຍ ມີຜູ້ຕິດເຊື້ອໃໝ່ເພີ່ມ 765 ຄົນ, ປົວດີ 694 ຄົນ, ເສຍຊີວິດ 11 ຄົນ.

ນັບຕັ້ງແຕ່ມີການແພ່ລະບາດພະຍາດໂຄວິດ- ກໍາປູເຈຍ ມີຜູ້ຕິດເຊື້ສະສົມ 75.917 ຄົນ, ປົວດີສະສົມ68.386 ຄົນ ແລະ ເສຍຊີວິດສະສົມ 1.350 ຄົນ.