ອະດີດ Creative Director ຂອງ Apple ຊີ້ຍຸກສະໄໝຂອງ Steve Jobs ຈົບລົງແລ້ວ
Hugh Dubberly ອະດີດ Creative Director ຂອງ Apple ອອກມາສະແດງຄວາມຄິດເຫັນວ່າ: ອະດີດບໍລິສັດຂອງເຂົາກ້າວຂ້າມຜ່ານຍຸກສະໄໝຂອງ Steve Jobs ອະດີດຜູ້ບໍລິຫານໄປຮຽບຮ້ອຍແລ້ວ ໂດຍມີການປ່ຽນແປງໂຄງສ້າງບໍລິຫານຈັດການພາຍໃນໃຫມ່ ແລະ ມີໂອກາດທີ່ສູນເສຍຕໍາແໜ່ງຜູ້ນໍາດ້ານເຕັກໂນໂລຊີໃນຕະຫຼາດໂທສະສັບມືຖືໃຫ້ກັບ Samsung ຄູ່ແຂ່ງສໍາຄັນຂອງພວກເຂົາ.
ທັງນີ້ Dubberly ເຊິ່ງຜູ້ທີ່ເຄີຍເຮັດວຽກໃຫ້ທັງ Apple ແລະ ຮັບໜ້າທີ່ເປັນທີ່ປຶກສາດ້ານການອອກແບບໃຫ້ກັບ Samsung ໄດ້ເປີດເຜີຍບົດວິເຄາະຂອງເຂົາກັບ Wall Street Journal ຫາກວ່າ Apple ຈະເອົາຊະນະ Samsung ໃຫ້ໄດ້ນັ້ນ ລະບົບສະແກນລາຍນິ້ວມືເທິງໜ້າຈໍແທນປຸ່ມໂຮມທີ່ຄາດວ່າຈະປາກົດໃນ iPhone 8 ພຽງຢ່າງດຽວບໍ່ພຽງພໍ ແຕ່ຕ້ອງແຕກຕ່າງ ແລະ ດີກວ່າໃນເລື່ອງການອອກແບບພ້ອມ ເຊິ່ງໃນປີນີ້ ການມາຂອງ Galaxy S8 ທີ່ມາພ້ອມຮູບແບບໃຫມ່ໄຮ້ຂອບຈໍ ຄືຈຸດສິ້ນສຸດຄວາມເຊື່ອທີ່ວ່າ ການອອກແບບຂອງ iPhone ນັ້ນງາມກວ່າໂທລະສັບມືຖື Samsung ເຊິ່ງມີມາດົນລົງໄດ້ຢ່າງເປັນເອກະສັນ.
Dubberly ເບິ່ງວ່າຮູບແບບຈະເຂົ້າມາເປັນປັດໄຈສໍາຄັນຫຼາຍສໍາລັບຜູ້ບໍລິໂພກທີ່ຈະຊື້ສິນຄ້າໄອທີ ໂດຍສະເພາະອິດທິພົນເລື່ອງຄວາມສວຍງາມ ແລະ ລົດສະນິຍົມຈະມີສ່ວນໃນການຕັດສິນໃຈຫຼາຍກວ່າໃນອະດີດ.
Charles L. Mauro ຜູ້ບໍລິຫານຂອງ MauroNewMedia ບໍລິສັດວິໄຈດ້ານ product design ທີ່ເປັນທັງທີ່ປຶກສາໃຫ້ທັງ Apple ແລະ Samsung ເຄີຍອອກມາເວົ້າເຖິງຜົນສໍາຫລວດຄັ້ງໃຫມ່ທີ່ເຂົາພົບວ່າ ອົງປະກອບດ້ານສິລະປະ ແລະ ຄວາມສວຍງາມຂອງສິນຄ້າມີຜົນຕໍ່ຄວາມຮູ້ສກທີ່ດຶງດູດໃຈຜູ້ບໍລິໂພກຫຼາຍກວ່າ ເມື່ອທຽບໃສ່ຜົນສໍາຫລວດໃນອະດີດ. ຂໍ້ມູນພວກນີ້ສໍາຄັນຫຼາຍ ໃນການກໍານົດຍອດຂາຍໂທລະສັບມືຖືໃນລຸ້ນໃຫມ່ໄດ້.
