ເສດຖະກິດ ອາຟຣິກາ ເຂົ້າສູ່ຂັ້ນວິກິດຄັ້ງທຳອິດໃນຮອບ 25 ປີ
ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ສະຫະພັນ ອາຟຣິກາ (AU) ໄດ້ເນັ້ນໜັກເຖິງຄວາມຈຳເປັນໃນການແກ້ໄຂບັນດາສິ່ງທ້າທາຍ ຂອງການເຊື່ອມໂຍງ ອາຟຣິກາ ເພື່ອສົ່ງ ເສີມການຟື້ນຟູເສດຖະກິດຂອງທະວີບ ໃນສະພາບການໂຣກລະບາດໂຄວິດ-19 ທີ່ສົ່ງຜົນກະທົບຕໍ່ເສດຖະກິດທົ່ວທະວີບ ແລະ ຕົກເຂົ້າສູ່ຂັ້ນວິກິດຄັ້ງທຳອິດໃນຮອບ 25 ປີ.
ຖະແຫລງການສະບັບໜຶ່ງຂອງ AU ໃຫ້ຮູ້ວ່າ: ໃນໄລຍະ 20 ປີຜ່ານມາ, ເສດຖະກິດ ອາຟຣິກາ ໄດ້ມີຄວາມເຕີບໂຕໄວ, ເສດຖະກິດສະເລ່ຍຢູ່ໃນລະດັບ 4,6%. ຕໍ່ກັບສະພາບແວດລ້ອມເສດຖະກິດ ແລະ ການເງິນສາກົນທີ່ບໍ່ເອື້ອອຳນວຍ. ເຖິງຢ່າງໃດກໍຕາມ, ປັດຈຸບັນ, ໂຣກລະບາດໂຄວິດ-19 ໄດ້ສົ່ງຜົນກະທົບທົ່ວທະວີບຕົກເຂົ້າສູ່ສະພາບການຊຸດໂຊມ, ເຮັດໃຫ້ບັນດາພື້ນຖານເສດຖະກິດ ອາຟຣິກາ ມີຄວາມສ່ຽງຢ່າງງາຍດາຍ ແລະ ຕ້ອງໃຊ້ເວລາໃນການກັບມາພື້ນໂຕຄືນ.
ທ່ານ ມູສຊາ ຟາກິ ມາຮາມັທ ປະທານຄະນະກຳມະການ AU ເນັ້ນໜັກເຖິງຄວາມຈຳເປັນຕ້ອງຊຸກຍູ້ສົ່ງເສີມປະຕິບັດໂດຍໄວ ບັນດາໂຄງການດຳເນີນງານ 2.063 ໂຄງການ ໃນບັນດາຂົງເຂດກະສິກຳ, ພື້ນຖານໂຄງລ່າງ, ພະລັງງານ, ອຸດສາຫະກຳ ແລະ ການບໍລິການ.
