ອິສລາເອລ ຈະສັກວັກຊີນຕ້ານໂຄວິດ-19 ເຂັມທີ 3 ໃຫ້ກັບຜູ້ທີ່ມີພູມຕ້ານທານຕໍ່າ

ສຳນັກຂ່າວ ຣອຍເຕີ ລາຍງານວັນທີ 11 ກໍລະກົດ 2021 ວ່າ:  ອິສລາເອລ ປະກາດວ່າ ຈະສັກວັກຊີນ ໄຟເຊີ ຕ້ານໂຄວິດ-19 ເຂັມທີ 3 ໃຫ້ຜູ້ທີ່ມີພູມຕ້ານທານຕໍ່າ ແຕ່ບໍ່ທັນມີແຜນວ່າຈະສັກໃຫ້ທົ່ວສັງຄົມ.

ລັດຖະມົນຕີກະຊວງສາທາລະນະສຸກ ອິສລາເອລ ທ່ານ Nitzan Horowitz ໃຫ້ຮູ້ວ່າ: ຜູ້ທີ່ມີພູມຕ້ານທານຕໍ່າ ທີ່ສັກສັກຊີນ ໄຟເຊີ 2 ເຂັມແລ້ວ ອາດຈະຕ້ອງສັກເພີ່ມເຕີມເຂັມທີ 3, ຊຶ່ງການຕັດສິນໃຈນີ້ ຈະຖືກຈັດຕັ້ງປະຕິບັດໂດຍທັນທີ.

ສ່ວນວ່າ ຈະສັກເຂັມທີ 3 ໃຫ້ທົ່ວສັງຄົມນັ້ນ, ລັດຖະມົນຕີກະຊວງສາທາລະນະສຸກ Horowitz ກ່າວວ່າ “ລັດຖະບານກຳລັງພິຈາລະນາຢູ່ “.