ຫວຽດນາມ ລັອກດາວ ນະຄອນໂຮຈິມິນ ຄົນແຫ່ກັນກັກຕຸນສະບຽງອາຫານ.

ສຳນັກຂ່າວ ແຊນເນລນິວເອເຊຍ ລາຍງານວ່າ ທາງການຫວຽດນາມຕັດສິນໃຈໃຊ້ ມາດຕະການລັອກດາວໃນນະຄອນໂຮ່ຈິມິນ ຫຼັງຈາກການລະບາດໂຄວິດຮອບຫລ້າສຸດ ເຮັດໃຫ້ມີຜູ້ຕິດເຊື້ອແລ້ວຫລາຍກວ່າ 8.000 ຄົນ ຈົນກາຍເປັນສູນກາງການລະບາດ. ລັດຖະບານຫ້າມປະຊາຊົນໃນນະຄອນໂຮຈິມິນກວ່າ 9 ບ້ານຄົນອອກຈາກບ້ານເຮືອນເປັນເວລາ 2 ອາທິດ ໂດຍຈະເລີ່ມຕັ້ງແຕ່ວັນສຸກທີ 9 ກໍລະກົດນີ້ ເພື່ອຄວບຄຸມການລະບາດໂຄວິດຮອບໃໝ່.

ຫວຽດນາມກຳລັງພະຍາຍາມຮັບມືກັບການລະບາດໂຄວິດຄັ້ງຮຸນແຮງທີ່ສຸດ ໂດຍກ່ອນການລະບາດໃນຮອບນີ້ຈະເລີ່ມຂຶ້ນ, ໃນເດືອນເມສາ ຫວຽດນາມມີຜູ້ຕິດເຊື້ອທົ່ວປະເທດບໍ່ຮອດ 3.000 ຄົນ, ແຕ່ຕອນນີ້ ມີຜູ້ຕິດເຊື້ອໃນນະຄອນໂຮຈິມິນແລ້ວຫລາຍກວ່າ 8.000 ຄົນ ເຮັດໃຫ້ນະຄອນແຫ່ງນີ້ກາຍເປັນສູນກາງການລະບາດໃນປະເທດ.

ທັງນີ້, ພາຍໃຕ້ມາດຕະການລັອກດາວ ປະຊາຊົນ ໂຮ່ຈິມິນໄດ້ຮັບຄຳສັ່ງໃຫ້ຢູ່ແຕ່ບ້ານເຮືອນ ແລະ ອອກໄປໄດ້ໃນກໍລະນີຊື້ອາຫານ ຫຼື ຊື້ຢາ ເທົ່ານັ້ນ ຂະນະນີ້ມີຢ່າງໜ້ອຍ 10 ເມືອງ ທົ່ວປະເທດ ໄດ້ຕັດການເດີນທາງ ທາງອາກາດກັບນະຄອນໂຮຈິມິນ ແລະ ຍັງມີລາຍງານວ່າ ປະຊາຊົນແຕກຕື່ນຄຳສັ່ງລ໋ອກດາວ ຈຶ່ງແຫ່ກັນໄປຊື້ສະບຽງອາຫານມາກັກຕຸນໄວ້.