ຊາວສິງກະໂປ ແຫ່ກັນໄປສັກວັກຊິນ ຊີໂນແວັກ ຫຼັງທາງການເປີດໄຟຂຽວໃຫ້ຄລີນິກເອກະຊົນສັກໄດ້

ຜູ້ອາຍຸສູງ ແລະ ຊາວຈີນທີ່ອາໄສຢູ່ໃນສິງກະໂປ ເຂົ້າຕໍ່ຄິວຍາວຢຽດເພື່ອສັກວັກຊີນ ຊີໂນແວັກ ຈາກຈີນ ມີຄວາມເຊື່ອໝັ້ນວ່າ ວັກຊີນຊະນິດເຊື້ອຕາຍທີ່ມີການໃຊ້ກັນມາຢ່າງຍາວນານ, ຂະນະທີ່ປະຊາຊົນໃນປະເທດສັກວັກຊິນ mRNA ໄປແລ້ວກວ່າເຄິ່ງ.

ສຳນັກຂ່າວ ຊີຈີທີເອັນ ລາຍງານເມື່ອວັນທີ 23 ມິຖຸນານີ້ວ່າ: ປະຊາຊົນສິງກະໂປຈຳນວນຫຼາຍ ໄດ້ຈອງຄິວເຂົ້າສັກວັກຊີນ ຊີໂນແວັກ ທີ່ຄລີນິກເອກະຊົນ ທີ່ໄດ້ຮັບອະນຸບາດໂດຍກະຊວງສາທາລະສະສຸກສິງກະໂປໃຫ້ສາມາດສັກວັກຊິນ ຊີໂນແວັກ ແກ່ປະຊາຊົນໄດ້ ຊຶ່ງຜູ້ທີ່ເຂົ້າຕໍ່ຄິວສັກວັກຊີນບາງສ່ວນໄດ້ໃຫ້ສຳພາດກັບສຳນັກຂ່າວວ່າ ມີຄວາມໝັ້ນໃຈໃນການສັກວັກຊີນ ຊີໂນແວັກ ຊຶ່ງເປັນວັກຊີນຊະນິດເຊື້ອຕາຍທີ່ມີການໃຊ້ມາຢ່າງຍາວນານຫຼາຍກວ່າວັກຊີນຈາກສະຫະລັດທີ່ໃຊ້ເທັກໂນໂລຊີ mRNA ຊຶ່ງຖືກເບິ່ງວ່າມີຜົນຂ້າງຄຽງຫຼາຍກວ່າ ໂດຍຜູ້ທີ່ເຂົ້າຮັບການສັກວັກຊິນ ຊີໂນແວັກ ສ່ວນໃຫຍ່ເປັນຜູ້ອາຍຸສູງ ແລະ ຊາວຈີນທີ່ອາໄສຢູ່ໃນສິງກະໂປ.