ກັກກຸ່ມແກ້ງເດັກຄະນອງ ແຂ່ງລົດຢູ່ບຶງທາດຫລວງ ແລະ ທາງຕັດໃໝ່ໜອງບຶກ

ພັທ ບົວໄລ ໄຊຍະລາດ ຮອງຫົວໜ້າກອງພັນປ້ອງກັນເຄື່ອນທີ່ໄວ ປກສ ນວ ໃຫ້ຮູ້ວ່າ: ໃນວັນທີ 21 ມິຖຸນາ 2021 ກອງພັນປ້ອງກັນເຄື່ຶອນທີ່ໄວ ຫຼື ກອງພັນ 08 ປກສ ນວ ໄດ້ກັກຕົວກຸ່ມໄວລຸ້ນ ຈຳນວນ 20 ຄົນ, ຍິງ 1 ຄົນ ທີ່ກຳລັງຕັ້ງກຸ່ມແກ້ງຂັບຂີ່ລົດແຂ່ງກັນ ຢູ່ເຂດເສດຖະກິດບຶງທາດຫຼວງ ເມືອງໄຊເຊດຖາ ແລະ ຖະໜົນຕັດໃໝ່ໜອງບຶກ ພ້ອມລົດຈັກດັດແປງສະພາບເຕັກນິກ 15 ຄັນ ໄດ້ນຳມາກອງພັນປ້ອງກັນເຄື່ອນທີ່ໄວ ເພື່ອສອບປະຫວັດການເຄື່ອນໄຫວ.
ຈາກນັ້ນ ກໍໄດ້ເຮັດບົດບັນທຶກ ມອບໃຫ້ຜູ້ປົກຄອງຮັບເອົາເມືອ ເພື່ອລໍຖ້າສຶກສາອົບຮົມພາຍຫຼັງ.
ຖ້າພົບເຫັນເຫດການທີ່ບໍ່ເໝາະສົມ ໃຫ້ແຈ້ງເຈົ້າໜ້າທີ່, ອໍານາດການປົກຄອງ ຫຼື ແຈ້ງທາງເບີວອດແອັບ 02028899774