WHO ມີຄວາມເປັນຫ່ວງໂຄວິດສາຍພັນ “ເດວຕາ”ມາແຮງ ຂະຫຍາຍໄປທົ່ວໂລກ

ອົງການອະນາໄມໂລກສະແດງຄວາມເປັນຫ່ວງການລະບາດຂອງໂຄວິດສາຍພັນ “ເດວຕາ” ທີ່ກຳລັງກະຈາຍໄປທົ່ວໂລກ ຂະນະທີ່ທະວີບ ອາຟຣິກາ ເປັນພື້ນທີ່ທີ່ໜ້າກັງສົນທີ່ສຸດ.

ໂຄວິດ-19 ກາຍພັນ “ເດວຕາ” ທີ່ພົບເຫັນຄັ້ງທໍາອິດໃນ ອິນເດຍ ກຳລັງກາຍເປັນສາຍພັນທີ່ສ້າງຄວາມກັງວົນໃຫ້ແກ່ທົ່ວໂລກ ຫຼັງພົບການລະບາດເປັນວົງກວ້າງແພ່ກະຈາຍໄດ້ຢ່າງໄວວາ ແລະ ຄົນເຈັບມີອາການຮຸນແຮງຂຶ້ນ ໂດຍ ອົງການອະນາໄມໂລກຍັງໄດ້ຖະແຫຼງໃຫ້ທົ່ວໂລກໃຫ້ຄວາມສຳຄັນກັບການລະບາດຂອງເຊື້ອສາຍພັນນີ້ ຫຼັງຈາກທີ່ມີລາຍງານພົບການຕິດເຊື້ອເພີ່ມຂຶ້ນໃນຫຼາຍປະເທດຈົນກາຍເປັນສາຍພັນຫຼັກທີ່ພົບໃນເວລານີ້.