ຈີນເປີດໄຟຂຽວ ໃຊ້ຊີໂນແວັກ ກັບເດັກ ອາຍຸແຕ່ 3-17 ປີແລ້ວ0
ຂ່າວຕ່າງປະເທດເມື່ອວັນທີ 5 ມິຖຸນານີ້ ລາຍງານວ່າ ທາງການຈີນອະນຸມັດໃຊ້ວັກຊິນ ຊີໂນແວັກ ເປັນກໍລະນີສຸກເສີນໃນກຸ່ມເດັກອາຍຸແຕ່ 3 ປີຫາ 17 ປີ ເປັນຄັ້ງທໍາອິດ ຫລັງຈາກກ່ອນໜ້ານີ້ໄດ້ເປີດຂະບວນການສັກວັກຊີນຕ້ານໂຄວິດ-19 ໃຫ້ແກ່ຜູ້ທີ່ມີອາຍຸ 18 ປີຂຶ້ນໄປເທົ່ານັ້ນ.
ຊຶ່ງມີຄວາມຄືບໜ້າໄປກວ່ານັ້ນ ເມື່ອທາງການຈີນອະນຸມັດໃຫ້ໃຊ້ວັກຊີນຕ້ານໂຄວິດ-19 ຂອງຊີໂນແວັກເປັນກໍລະນີສຸກເສີນກັບເດັກອາຍຸແຕ່ 3-17 ປີເປັນຄັ້ງທຳອິດຫລັງຈາກຜົນການທົດລອງທາງ ຄລີນິກຈາກຄັ້ງທີ 1 ແລະ ຄັ້ງທີ 2 ສະແດງໃຫ້ເຫັນວ່າວັກຊີນສາມາດກະຕຸ້ນການສ້າງພູມຄຸ້ມກັນໃນຜູ້ຮ່ວມການທົດລອງອາຍຸລະຫວ່າງ 3-17 ປີໄດ້ເປັນຢ່າງດີ ແລະມີຜົນຂ້າງຄຽງ ທີ່ບໍ່ເພິ່ງປາດຖະໜາເກີດຂຶ້ນພຽງເລັກນ້ອຍ.
ຂະນະດຽວກັນ ຊີໂນແວັກກໍຢູ່ໃນລະຫວ່າງການທົດລອງການສັກວັກຊີນເສີມເຂັມທີ 3 ໃນຄັ້ງທີ 2 ເພື່ອເບິ່ງປະສິດທິພາບຂອງການສັກວັກຊິນເພີ່ມ ຊຶ່ງເບື້ອງຕົ້ນພົບວ່າ ຜູ້ຮ່ວມທົດລອງມີພູມຄຸ້ມກັນເພີ່ມຂຶ້ນເຖິງ 10 ເທົ່າໃນເວລາ 1 ອາທິດ ແລະ ເພີ່ມຂຶ້ນມາ 20 ເທົ່າໃນເວລາ 1 ເດືອນ.
ຢ່າງໃດກໍຕາມທາງບໍລິສັດຍັງຄົງຕ້ອງມີການສັງເກດການການສ້າງພູມຄຸ້ມກັນໃນໄລຍະຍາວກ່ອນທີ່ຈະສະຫລຸບຜົນ ແລະ ໃຫ້ຄຳແນະນຳໄດ້ວ່າ ຈຳເປັນຕ້ອງສັກວັກຊີນເຂັມທີ 3 ອີກ ຫຼື ບໍ່?
