ຍັງພົບເຫັນຮ້ານເກມລັກເປີດໃຫ້ບໍລິການ

ເຈົ້າໜ້າທີ່ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງສີສັດຕະນາກ ນະຄອນຫຼວງວຽງຈັນ ໃຫ້ຮູ້ວ່າ: ວັນທີ 3 ມີຖຸນາ 2021 ຜ່ານມາ ໄດ້ລົງກວດກາຈຸດເປົ້າໝາຍທີ່ໄດ້ຮັບການແຈ້ງເຕືອນເລື່ອງການລັກອລອບເປີດໃຫ້ບໍລິການ ເບື້ອງຕົ້ນພົບ 2 ຮ້ານ ບ້ານດອນກອຍ ເມືອງສີສັດຕະນາກ.
ດັ່ງນັ້ນ ເຈົ້າໜ້າທີ່ ຈຶ່ງໄດ້ໃຫ້ຢຸດເຊົາກິດຈະການພ້ອມທັງໄດ້ທຳຄວາມເຂົ້າໃຈຕໍ່ຜູ້ປະກອບການ ພ້ອມທັງສຶກສາອົບຮົມກ່າວເຕືອນ ເພື່ອຮັບປະກັນບໍ່ໃຫ້ລັກເປີດບໍລິການອີກ ໂດຍສະເພາະແມ່ນໃນໄລຍະເພີ່ມທະວີວຽກງານປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດຂອງພະຍາດໂຄວິດ-19 ບໍ່ໃຫ້ແພ່ລາມອອກເປັນວົງກວ້າງ.
ຖ້າພົບເຫັນການເຄື່ອນ ໄຫວທີ່ຜິດຕໍ່ກົດໝາຍອັນນຳໄປສູ່ຄວາມບໍ່ສະຫງົບ ໃຫ້ຮີບຮ້ອນລາຍງານເຈົ້າໜ້າທີ່ຢູ່ໃກ້ທ່ານ ແລະ ສາມາດລາຍງານມາທາງເບີວອດແອັບ 02028899774