ສປປ ເກົາຫລີສະເໜີ ບຸກຄົນທີ່ຊົງພະລັງອຳນາດ ທີ່ສຸດຄົນທີສອງຮອງຈາກ ຄີມຈອງອຶນ

ສຳນັກຂ່າວ ຢອນຮັບ ຂອງເກົາໃຕ້ ລາຍງານເມື່ອວັນທີ 1 ມິຖຸນານີ້ວ່າ ສປປ ເກົາຫລີ ມີການປ່ຽນແປງ ບຸກຄົນທີສອງທີ່ຊົງພະລັງອຳນາດທີ່ສຸດ ຖັດຈາກ ປະທານ ຄີມຈອງອຶນ ລົງມາ ຊຶ່ງອັນນີ້ມັນແມ່ນຄວາມພະຍາຍາມບູລະນະກົງຈັກການເມືອງພາຍໃນປະເທດ ຂອງທ່ານ ຄີມຈອງອຶນ.
ອີງຕາມຂ່າວສຳນັກຂ່າວ ຢອນຮັບ ໃຫ້ຮູ້ວ່າ ຜູ້ທີ່ໄດ້ຮັບການສະຖາປະນາໃຫ້ເປັນ ເລຂາທິການຄົນທີໜຶ່ງ ນັ້ນສາມາດຕາງໜ້າໃຫ້ປະທານ ຄີມຈອງອຶນ ໃນການເຕົ້າໂຮມກອງປະຊຸມຕ່າງໆ.
ສະເພາະທ່ານ ຄີມຈອງອຶນ ຖືກຂະໜານນາມວ່າ ເປັນເລຂາທິການທີໜຶ່ງ ມາຕັ້ງແຕ່ສະໄໝ 2012-2016 ແລະ ບົດບາດເລຂາທິການທີໜຶ່ງໃໝ່ ຈະຕົກເປັນຂອງໜຶ່ງໃນຈຳນວນ 7 ຄົນລະດັບສູງຂອງພັກ WPK
ຜູ້ທີ່ເໝາະສົມທີ່ສຸດ ອາດຈະຕົກເປັນທ່ານ ໂຢຈອງວອນ ຊຶ່ງເປັນໜຶ່ງໃນ ຈຳນວນສະມາຊິກກົມການເມືອງຂອງເກົາຫຼີເໜືອ ຊຶ່ງເປັນຜູ້ຊ່ວຍວຽກທີ່ໃກ້ສິດທີ່ສຸດກັບ ທ່ານ ຄີມຈອງອຶນ.
ທ່ານ ຄີມຈອງອຶນ ນັບມື້ມີສາຍພົວພັນສິໜິດແໜ້ນກັບສະມາຊິກພັກ WPK ໂດຍສະເພາະແມ່ນບັນດາເລຂາຄະນະພັກຮາກຖານຂັ້ນຕ່າງໆ. ທ່ານ ຄີມຈອງອຶນ ກຳອຳນາດທັງໝົດໃນລະບົບການເມືອງຂອງສປປ ເກົາຫລີ ນັບແຕ່ມື້ຂຶ້ນກຳອຳນາດໃນປີ 2011 ເປັນຕົ້ນມາ.