ມາເລເຊຍຈະບໍ່ຈ່າຍເງິນເດືອນຄະນະລັດຖະບານ 3 ເດືອນ ເອົາໄປສົມທົບກອງທຶນຕໍ່ສູ້ໂຄວິດ-19
ນາຍົກລັດຖະມົນຕີ ມູຢິດດິນ ຢັດຊິນ ຂອງມາເລເຊຍ ເປີດເຜີຍໃນວັນທີ 31 ພຶດສະພາຜ່ານມາວ່າ: ຄະນະລັດຖະບານທັງໝົດ ລວມທັງຮອງລັດຖະມົນຕີທຸກຄົນຈະບໍ່ໄດ້ຮັບເງິນເດືອນ 3 ເດືອນ ເພື່ອເອົາໄປສົມທົບຊ່ວຍຕໍ່ສູ້ວິກິດໂຄວິດ-19 ໃນປະເທດ. ຂະນະທີ່ມາເລເຊຍເດີນໜ້າລັອກດາວ ແລະ ຊັດດາວເສດຖະກິດຫລາຍເຊກເຕີ ເພື່ອສະກັດໄວຣັສບໍ່ໃຫ້ແຜ່ລະບາດຫລາຍຂຶ້ນ.
ຜູ້ນຳມາເລເຊຍເປີດເຜີຍວ່າ: ເງິນເດືອນເຫລົ່ານີ້ຈະຖືກສົ່ງຕໍ່ໄປຫາໂຄງການຊ່ວຍເຫລືອ Pemerkasa Plus ມູນຄ່າ 4 ໝື່ນລ້ານຣິງກິດ ເຊິ່ງມີເປົ້າໝາຍເພື່ອບັນເທົາຜົນກະທົບຈາກການລັອກດາວທົ່ວປະເທດ ເຊິ່ງຈະເລີ່ມຕົ້ນໃນວັນທີ 1 ມິຖຸນານີ້.
ໂດຍກອງທຶນຊ່ວຍເຫລືອທັງໝົດ 4 ໝື່ນລ້ານຣິງກິດນີ້ ມີພຽງ 5 ພັນລ້ານຣິງກິດທີ່ມາຈາກການສະໜັບສະໜູນທາງການເງິນໂດຍກົງ.
ການປະກາດຄັ້ງນີ້ມີຂຶ້ນຫລັງຄະນະລັດຖະບານຂອງທ່ານ ມູຢິດດິນ ຖືກວິຈານ ແລະ ຕັ້ງຄຳຖາມຫລາຍຂຶ້ນເລື້ອຍໆ ກ່ຽວກັບການຮັບມືພະຍາດລະບາດ ໂດຍສະເພາະໃນໄລຍະ 2 ອາທິດຫລັງສຸດທີ່ເກີດການແຜ່ລະບາດຂອງໂຄວິດ-19 ຮອບໃໝ່ຢ່າງວ່ອງໄວ.
ໂດຍປັດຈຸບັນກໍລະນີຜູ້ຕິດເຊື້ອແຕ່ລະວັນເພີ່ມຂຶ້ນຫລາຍກວ່າໄລຍະຜ່ານມາ ຫລັງມື້ພັກຮາຣີຣາຢໍ ອີດິລຟິຕຣີຂອງມາເລເຊຍ ໂດຍຊ່ວງໜຶ່ງເຄີຍເພີ່ມເກືອບ 1 ໝື່ນຄົນ ກ່ອນຈະຫລຸດລົງມາຕໍ່າກວ່າ 7.000 ຄົນໃນວັນທີ 31 ພຶດສະພາ 2021.
ອ້າງອີງ:
