WHO ປ່ຽນການເອີ້ນສາຍພັນໂຄວິດ ຍົກເລີກໃສ່ຊື່ປະເທດທີ່ພົບຄັ້ງທຳອິດ ປ່ຽນເປັນຕົວອັກສອນເກຼັກແທນ
ອົງການອະນາໄມໂລກສະເໜີໃຫ້ປ່ຽນວິທີການເອີ້ນສາຍພັນໂຄວິດ-19 ໃໝ່, ຮຽກຮ້ອງງົດເອີ້ນຕາມແຫລ່ງທີ່ກວດພົບເປັນຄັ້ງທຳອິດ.
ວັນທີ 31 ພຶດສະພາ 2021, ອົງການອະນາໄມໂລກ (WHO) ອອກຖະແຫລງການວ່າ: ຈະມີການປ່ຽນຊື່ເອີ້ນສາຍພັນຂອງໂຄວິດ-19 ທີ່ເກີດການກາຍພັນ ຫລັງຈາກກ່ອນໜ້ານີ້ເອີ້ນແທນດ້ວຍຊື່ປະເທດທີ່ພົບເປັນຄັ້ງທຳອິດ ມາເປັນການໃຊ້ຕົວອັກສອນເກຼັກ ໂດຍລຽງຕາມລຳດັບທີ່ກວດພົບ.
ສາຍພັນທີ່ໜ້າກັງວົນ 4 ຊະນິດທຳອິດ ຈະມີການເອີ້ນຊື່ດັ່ງນີ້:
- ສາຍພັນອັງກິດ (1.1.7) ເອີ້ນວ່າ ອັລຟາ
- ສາຍພັນອາຟຣິກາໃຕ້ (1.351) ເອີ້ນວ່າ ເບຕາ
- ສາຍພັນບຣາຊິນ (1) ເອີ້ນວ່າ ແກມມາ
- ສາຍພັນອິນເດຍ (1.617.2) ເອີ້ນວ່າ ເດວຕາ
ນອກຈາກນີ້ ຍັງມີສາຍພັນທີ່ໃຫ້ຄວາມສົນໃຈອີກ 6 ສາຍພັນ ໂດຍຈະເອີ້ນວ່າ: ເອບໄຊລອນ, ເຊຕາ, ເອຕາ, ເທຕາ, ໄອໂອຕາ ແລະ ແຄບປາ ແທນຊື່ເກົ່າທີ່ມີການລະບຸປະເທດ.
ສຳລັບສາເຫດຂອງການປ່ຽນແປງໃນຄັ້ງນີ້ ເກີດຈາກການທີ່ຊື່ທາງວິທະຍາສາດນັ້ນເອີ້ນຍາກເກີນໄປ ເຮັດໃຫ້ຄົນຫັນມາເອີ້ນຕາມຖິ່ນທີ່ພົບຄັ້ງທຳອິດແທນ ເຊິ່ງອາດເກີດການເລືອກປະຕິບັດຕໍ່ປະເທດນັ້ນໆໄດ້.
ດ້ວຍເຫດນີ້, WHO ຈຶ່ງຂໍໃຫ້ທາງການຂອງແຕ່ລະປະເທດ ແລະ ສື່ມວນຊົນ ຫັນມາໃຊ້ຊື່ເອີ້ນແບບໃໝ່ແທນ, ແຕ່ຈະຍັງຮັກສາຊື່ທາງວິທະຍາສາດໄວ້ຄືເກົ່າສຳລັບໃຊ້ວຽກໂດຍນັກວິທະຍາສາດໃນການວິໄຈ.
ນີ້ບໍ່ແມ່ນຄັ້ງທຳອິດທີ່ WHO ຕັ້ງຊື່ພະຍາດ ຫລື ເຊື້ອໄວຣັສຂຶ້ນມາໃໝ່ ເພື່ອຫລີກລ່ຽງການໃຊ້ຊື່ທາງພູມສາດ ກ່ອນທີ່ໂລກຈະຮູ້ຈັກຄຳວ່າ: “ໂຄວິດ-19” ເຄີຍມີການໃຊ້ຄຳວ່າ: “ໄວຣັສອູ່ຮັ່ນ” ກັນຢ່າງແຜ່ຫລາຍ ກ່ອນຈະເກີດການປ່ຽນແປງໃນພາຍຫລັງ.
ອ້າງອີງ:
https://www.who.int/…/act…/tracking-SARS-CoV-2-variants/
https://www.france24.com/…/20210531-who-switches-to…
https://www.theguardian.com/…/covid-19-variants-to-be…
