ເກີດເຫດເຮືອໂດຍສານຂວໍ້າຢູ່ໄນຈີເຣຍ ພົບຜູ້ເສຍຊີວິດແລ້ວຢ່າງໜ້ອຍ 50 ຄົນ

ເກີດເຫດເຮືອໂດຍສານຂວໍ້າໃນລັດເຄບບີ ທາງຕາເວັນຕົກສຽງເໜືອຂອງໄນຈີເຣຍ ໃນວັນທີ 26 ພຶດສະພາຜ່ານມາ ຕາມເວລາທ້ອງຖິ່ນ ທີມກູ້ໄພພົບຜູ້ເສຍຊີວິດແລ້ວຢ່າງໜ້ອຍ 50 ຄົນ, ຊ່ວຍເຫລືອໄດ້ປະມານ 20 ຄົນຈາກຜູ້ໂດຍສານທັງໝົດ 150 ກວ່າຄົນ. ນອກນັ້ນຍັງສູນຫາຍອີກຈຳນວນຫລາຍ.

ທາງການທ້ອງຖິ່ນເປີດເຜີຍວ່າ: ຄວາມຫວັງຈະພົບຜູ້ລອດຊີວິດອາດເປັນສູນ ສາເຫດຂອງເຮືອຂວໍ້າອາດມາຈາກບັນທຸກຜູ້ໂດຍສານຫລາຍຈົນເກີນໄປ. ທາງການຄາດວ່າອາດຈະພົບຜູ້ເສຍຊີວິດເພີ່ມສູງຂຶ້ນອີກ ເຊິ່ງສ່ວນຫລາຍເປັນພໍ່ຄ້າແມ່ຄ້າທີ່ກຳລັງມຸ້ງໜ້າຈາກເມືອງມິນນາ ລັດໄນເຈີ ໄປຕະຫລາດໃນລັດຂ້າງຄຽງ ຄືລັດເຄບບີ.

ອຸປະຕິເຫດທາງນໍ້າເກີດຂຶ້ນເລື້ອຍໆໃນເຂດແມ່ນໍ້າໄນເຈີນີ້ ສ່ວນຫລາຍເກີດຈາກການບັນທຸກຜູ້ໂດຍສານເກີນຈຳນວນ ຫລື ຕຳກັບຕໍໄມ້ໃຕ້ນໍ້າ ໂດຍການຂີ່ເຮືອຕອນກາງຄືນ, ບໍ່ໃສ່ເສື້ອຊູຊີບ ແລະ ບັນທຸກຜູ້ໂດຍສານຫລາຍເກີນໄປ ລ້ວນແລ້ວແຕ່ມີຄວາມຜິດທາງອາຍາໃນລະບົບກົດໝາຍຂອງໄນຈີເຣຍ, ຫາກຜູ້ໃຫ້ບໍລິການເຮືອໂດຍສານຈຳນວນບໍ່ໜ້ອຍຕ່າງເມີນເສີຍຕໍ່ກົດຂໍ້ບັງຄັບເຫລົ່ານັ້ນ ຈົນເກີດເປັນໂສກນາດຕະກຳໃນທ້າຍທີ່ສຸດ.

ອ້າງອີງ:

https://edition.cnn.com/…/nigeria-boat-sinks…/index.html

https://punchng.com/48-bodies-recovered-as-search…/

https://www.yahoo.com/…/nigeria-more-130-missing-boat…