ໂຄວິດຮອບໃໝ່ກະທົບຫລາຍປະເທດໃນອາຊຽນ

ຂະນະທີ່ສະຖານະການການລະບາດຂອງພະຍາດໂຄວິດ-19 ໃນກຸ່ມປະເທດຕາເວັນຕົກກຳລັງຫລຸດລົງ, ພາກພື້ນອາຊີຕາເວັນອອກສຽງໃຕ້ ໂດຍສະເພາະໄທ, ມາເລເຊຍ ແລະ ກຳປູເຈຍ ກຳລັງຜະເຊີນການລະບາດຮອບໃໝ່ ທີ່ມີທ່າອ່ຽງເພີ່ມສູງຂຶ້ນໃນໄລຍະ 1 ເດືອນເຄິ່ງຜ່ານມາ.

ຕົວເລກຜູ້ຕິດເຊື້ອໃໝ່ຂອງມາເລເຊຍເພີ່ມຂຶ້ນກວ່າ 3 ເທົ່າ ພາຍໃນເວລາ 2 ເດືອນ, ຂະນະທີ່ກຳປູເຈຍ ເຊິ່ງຄວບຄຸມຈຳນວນຜູ້ຕິດເຊື້ອໄດ້ຕໍ່າກວ່າຫລັກຮ້ອຍມາໂດຍຕະຫລອດ ພັດມາເພີ່ມສູງຂຶ້ນໃນເວລາໄລ່ລຽງກັນ ໂດຍມີຜູ້ຕິດເຊື້ອສູງສຸດຕໍ່ວັນເຖິງ 938 ຄົນເມື່ອວັນທີ 4 ພຶດສະພາຜ່ານມາ.

ສ່ວນຫວຽດນາມ ຕ້ອງລັອກດາວໂຮງໝໍຫລາຍແຫ່ງ, ຫລ້າສຸດໃນວັນທີ 15 ພຶດສະພາ ສ້າງສະຖິຕິຜູ້ຕິດເຊື້ອຕໍ່ວັນເຖິງ 296 ຄົນ ສູງສຸດນັບແຕ່ເລີ່ມມີການລະບາດເປັນຕົ້ນມາ.

ສ່ວນອິນໂດເນເຊຍອາດຈະຕ້ອງກຽມຮັບມືຈຳນວນຜູ້ຕິດເຊື້ອເພີ່ມຂຶ້ນໃນອາທິດໜ້າ ຫລັງຈາກປະຊາຊົນຫລາຍແສນຄົນເດີນທາງກັບໄປຢາມບ້ານເກີດ ເນື່ອງໃນວັນກຸດອີດິີລຟິຕຣີ ເປັນການສະຫລອງການສິ້ນສຸດການຖືສິນອົດໃນເດືອນລໍມາດອນ.

ຕາມລາຍງານຂອງ The Economist ລະບຸວ່າ: ສາເຫດທີ່ເຮັດໃຫ້ເກີດການລະບາດຂຶ້ນ ອາດມາຈາກການເດີນທາງໃນຊ່ວງເທດສະການ ລວມທັງການເຂົ້າມາຂອງເຊື້ອໄວຣັສກາຍພັນ ທີ່ສົ່ງຜົນໃຫ້ເກີດການຕິດເຊື້ອໄດ້ງ່າຍຂຶ້ນ.

ອ້າງອີງ:

https://www.economist.com/…/a-worrying-new-wave-of…

https://github.com/CSSEGISandData/COVID-19