ວັກຊິນ ປ້ອງກັນ ໂຄວິດ-19 ຂອງຊີໂນແວັກ ໄບໂອເທັກປ້ອງກັນ ການເສຍຊີວິດ ສູງເຖິງ 98%
ຕາມຈາກ ຈາກາຕາ, ວັນທີ12ພຶດສະພາ, ອິນໂດເນເຊຍ ເປີດເຜີຍວ່າ: ວັກຊິນ ປ້ອງກັນ ໂຄວິດ-19 ຂອງຊີໂນແວັກ ໄບໂອເທັກ ບໍລິສັດ ການຢາ ຂອງຈີນ ມີປະສິດທິພາບ ປ້ອງກັນ ການເສຍຊີວິດ ສູງເຖິງ 98% ແລະ ປ້ອງກັນ ການເຂົ້າປິ່ນປົວ ໃນໂຮງໝໍ 96% ໃນກຸ່ມເຈົ້າໜ້າ ການແພດ ຂອງອິນໂດເນເຊຍ ຫລັງຈາກ ຜົນການສຶກສາ ດັ່ງກ່າວ ອ້າງອີງຂໍ້ມູນ ຈາກເຈົ້າໜ້າທີ່ ການແພດ ອິນໂດເນເຊຍ 120.000ຄົນ ໃນນະຄອນຫລວງ ຈາກາຕາ ທີ່ໄດ້ຮັບ ວັກຊິນ ຂອງຊີໂນແວັກ ຫລື ໂຄໂຣນາແວັກ ໃນໄລຍະເດືອນ ມັງກອນ-ມີນາທີ່ຜ່ານມາ.ອິນໂດເນເຊຍ ສັກວັກຊິນ ໃຫ້ແກ່ ປະຊາຊົນເກືອບ 9 ລ້ານຄົນ ແລະ ຕັ້ງເປົ້າ ສັກວັກຊິນ ໃຫ້ໄດ້ 181 ລ້ານຄົນ ພາຍໃນ ເດືອນມັງກອນ ປີໜ້າ ຈາກປະຊາກອນ ທັງໝົດ 270 ລ້ານຄົນ.ປັດຈຸບັນ ອິນໂດເນເຊຍ ມີຜູ້ຕິດເຊື້ອ ໂຄວິດ-19 ທັງໝົດ 1,7 ລ້ານຄົນ ແລະ ເສຍຊີວິດ 45.000 ກວ່າຄົນ ຫລາຍທີ່ສຸດ ໃນອາຊຽນ./.
