Pfizer ກຽມຂໍອະນຸຍາດໃຫ້ວັກຊີນຕ້ານໂຄວິດ-19 ຄວບຄຸມເດັກອາຍຸ 2-11 ປີ ເປັນກໍລະນີສຸກເສີນ
ວັນທີ 4 ພຶດສະພາ 2021, ອັລເບິດ ເບີລາ CEO ຂອງຜູ້ຜະລິດ ແລະ ພັດທະນາວັກຊີນຕ້ານໂຄວິດ-19 ທີ່ຈັບມືກັບພັນທະມິດ ຜະລິດວັກຊີນ Pfizer-BioNTech ກຽມຍື່ນເລື່ອງຂໍອະນຸຍາດໃຊ້ວັກຊີນຕ້ານໂຄວິດ-19 ສຳລັບເດັກອາຍຸ 2-11 ປີ ເປັນກໍລະນີສຸກເສີນ (EUA) ຕໍ່ອົງການອາຫານ ແລະ ຢາ ຫລື ອຢ ອາເມລິກາ (FDA) ໃນເດືອນກັນຍາປີນີ້ ຖືເປັນຄວາມພະຍາຍາມຂອງທີມຜູ້ຜະລິດ ແລະ ພັດທະນາທີ່ຕ້ອງການໃຊ້ວັກຊີນຕ້ານໂຄວິດ-19 ໃຫ້ຄວບຄຸມທຸກຊ່ວງອາຍຸຫລາຍຂຶ້ນ.
ອີກທັງ Pfizer ຍັງກຽມຍື່ນເລື່ອງຂໍອະນຸຍາດໃຊ້ວັກຊີນຕ້ານໂຄວິດ-19 ສຳລັບບຸກຄົນອາຍຸ 16-85 ປີ ເຕັມຮູບແບບໃນເດືອນພຶດສະພານີ້ ຫລັງຈາກໄດ້ຮັບອະນຸຍາດໃຫ້ໃຊ້ເປັນກໍລະນີສຸກເສີນໄດ້ນັບແຕ່ທ້າຍປີ 2020 ຜ່ານມາ. ຂະນະທີ່ວັກຊີນຕ້ານໂຄວິດ-19 ທີ່ຄວບຄຸມເດັກອາຍຸ 6 ເດືອນເຖິງ 2 ປີ ກຳລັງຢູ່ໃນຊ່ວງສຶກສາ ແລະ ທົດລອງປະສິດທິພາບ ແລະ ຄວາມປອດໄພ ຄາດວ່າຈະຍື່ນເລື່ອງຂໍອະນຸຍາດໃຊ້ເປັນກໍລະນີສຸກເສີນໃນໄຕມາດທີ 4 ຂອງປີ 2021 ນີ້.
ໂດຍ ເບີລາ ຍັງກ່າວອີກວ່າ: ຂໍ້ມູນໃໝ່ທີ່ຈະໃຊ້ໃນການຍື່ນຂໍອະນຸຍາດການນຳໃຊ້ລະບຸວ່າ: ວັກຊີນຕ້ານໂຄວິດ-19 ຂອງ Pfizer-BioNTech ສາມາດຂະຫຍາຍອາຍຸການນຳໃຊ້ຜ່ານການຈັດເກັບພາຍໃນອຸນຫະພູມຕູ້ເຢັນໄດ້ດົນຂຶ້ນ. ປັດຈຸບັນ ວັກຊີນຈາກ Pfizer-BioNTech ຕ້ອງເກັບໃນອຸນຫະພູມທີ່ເຢັນ -80 ເຖິງ -60 ອົງກສາ ຫລື ຈັດເກັບໃນອຸນຫະພູມ -25 ເຖິງ -15 ອົງສາໄດ້ດພົນ 2 ອາທິດ ຈະເພີ່ມເປັນສາມາດຈັດເກັບພາຍໃນອຸນຫະພູມຕູ້ເຢັນ (2-8 ອົງສາ) ໄດ້ດົນເຖິງ 4 ອາທິດ ຫລຸດຄວາມສັບຊ້ອນໃນການຈັດເກັບ ແລະ ກະຈາຍວັກຊີນ.
ຫລ້າສຸດ ທາງການອາເມລິກາອະນຸມັດນຳໃຊ້ວັກຊີນ 3 ຊະນິດຈາກ Pfizer-BioNTech, Moderna ແລະ Johnson & Johnson ເປັນປະເທດທີ່ສັກວັກຊີນໃຫ້ພົນລະເມືອງຫລາຍທີ່ສຸດໃນທາງປະລິມານ ເປັນອັນດັບ 2 ຮອງຈາກຈີນ ສັກໄປແລ້ວ 247,7 ລ້ານໂດສ ພົນລະເມືອງປະມານ 147,8 ລ້ານຄົນ ຫລື ປະມານ 44,5% ຂອງປະຊາກອນທົ່ວປະເທດ ເຂົ້າຮັບວັກຊີນຕ້ານໂຄວິດ-19 ແລ້ວຢ່າງໜ້ອຍ 1 ໂດສ ໂດຍມີ 32% ຂອງປະຊາກອນເຂົ້າຮັບວັກຊີນຄົບໂດສແລ້ວ.
ອ້າງອີງ:
- https://edition.cnn.com/2021/05/04/health/pfizer-vaccine-approval-kids-eua-timeline/index.html
- https://coronavirus.jhu.edu/map.html
- https://covid.cdc.gov/covid-data-tracker/#vaccinations
https://www.nytimes.com/2021/05/04/health/pfizer-vaccine-children-approval.html
