ນຳສະເໜີລົດ ອີຊູຊຸມິວ-ເອັກ ບລູພາວເວີລົດ
ອີຊູຊຸ ເດີນໜ້າບຸກຕະຫຼາດພາຫະນະຢ່າງຕໍ່ເນື່ອງຫຼ້າສຸດ ກໍໄດ້ນຳນະວັດ ຕະກຳລົດຍົນອະເນກປະສົງສຸດຫຼູຫຼາຮຸ່ນໃໝ່ “ເດິນິວ ອີຊູຊຸມິວ-ເອັກ ບລູພາວ ເວີ” ເຂົ້າສູ່ຕະຫຼາດລົດໃນລາວ, ເພື່ອຕອບສະໜອງຄວາມຕ້ອງການທີ່ຄ່ອງຕົວ ທັນສະໄໝ, ປອດໄພ ແລະ ປະຢັດ, ຊຶ່ງພິທີນຳສະເໜີລົດດັ່ງກ່າວ, ໄດ້ຈັດຂຶ້ນໃນວັນທີ 14 ກໍລະກົດນີ້, ທີ່ສູນການຄ້າວຽງຈັນເຊັນເຕີ, ໂດຍການເຂົ້າຮ່ວມຂອງທ່ານນາງ ປະນັດດາ ເຈນນະວາ ສິນ ກຳມະການຮອງຜູ້ຈັດການບໍລິສັດ ຕຣີເພັດອີຊູຊຸເຊວສ ຈຳກັດ, ມີທ່ານ ຮິຊາໂອະ ອິໂຕະ (Hisao Ito) ຜູ້ຈັດການທົ່ວໄປ ຫ້ອງການຜູ້ ຕາງໜ້າ ປະຈຳນະຄອນຫຼວງວຽງຈັນ ບໍລິສັດຕຣີເພັດອີຊູຊຸເຊວສ ຈຳກັດ, ມີທ່ານປະທານບໍລິສັດອີຊູຊຸລາວ ວີເອັສເອ ຈຳກັດ, ທ່ານປະທານ ແລະ ອຳ ນວຍການບໍລິສັດອີຊູຊຸລາວ ບໍລິການ ຈຳກັດຜູ້ດຽວ, ພ້ອມດ້ວຍພາກສ່ວນ ກ່ຽວຂ້ອງເຂົ້າຮ່ວມ.
ຫ້ອງການຜູ້ຕາງໜ້າ ບໍລິສັດຕຣີເພັດອີຊູຊຸເຊວສ ຈຳກັດ ປະຈຳນະຄອນຫຼວງວຽງຈັນ ກ່າວວ່າ: ການສ້າງຕະຫຼາດລົດກະບະ “ອີຊູຊຸດີແມັກ” ແລະ ລົດອະເນກປະສົງ “ອີຊູຊຸມິວ-ເອັກ” ເພື່ອສະໜອງຕະ ຫຼາດສຳຄັນໃນລາວ ຖືເປັນບາດກ້າວໜຶ່ງຂອງ ຕຣີເພັດອີຊູຊຸເຊວສ ແລະ ຍີ່ຫໍ້ອີຊູຊຸໃນຕະຫຼາດອາຊຽນ, ຊຶ່ງຕະຫຼອດໄລຍະເວລາ 1 ປີຜ່ານມາ, ກໍຊຸກຍູ້ ລົດຍີ່ຫໍ້ “ອີຊູຊຸ” ສູ່ຕະຫຼາດທີ່ກຳລັງເຕີບໂຕຄືດັ່ງ ສປປ ລາວ ແລະ ເຫັນວ່າມີ ຍອດຂາຍດີຂຶ້ນເຖິງ 47,5% ດັ່ງນັ້ນ ເພື່ອຕອບສະໜອງຄວາມຕ້ອງການ ຂອງຜູ້ໃຊ້ລົດອີຊູຊຸ, ຈຶ່ງໄດ້ການພັດທະນາລົດ “ອີຊູຊຸມິວ-ເອັກ ບລູພາວເວີ” ລົດອະເນກປະສົງສຸດຫຼູຫຼາຮຸ່ນໃໝ່ລ່າສຸດ, ຊຶ່ງເປັນໜຶ່ງໃນລົດຍອດນິຍົມຂອງ ອີຊູຊຸ ທີ່ກຳລັງບຸກຕະຫຼາດໃນທົ່ວໂລກ. ຄຽງຄູ່ກັບລົດກະບະ “ອີຊູຊຸດີແມັກ”, ຊຶ່ງ “ອີຊູຊຸມິວ-ເອັກ ບລູພາວເວີ”, ຍັງໄດ້ສ້າງສີສັນໃຫ້ກັບວົງການລົດຍົນລາວອີກຄັ້ງ, ພາຍໃຕ້ຄໍາຂວັນ: “ອີຊູຊຸມິວ-ເອັກ ບລູພາວເວີ ຄືຄຳຕອບ…ຂອງທຸກຢ່າງ”.
+60 ປີ ບໍລິສັດ ຕຣີເພັດ ອີຊູຊຸ ເຊວສ໌ ຈຳກັດເຕີບໃຫຍ່ເຂັ້ມແຂງ
+ຕຣີເພັດອີຊູຊຸ ເຊວສ໌ ກຽມຄວາມພ້ອມບຸກຕະຫຼາດໃນ ສປປ ລາວ
ລົດອະເນກປະສົງໂສມໃໝ່ “ອີຊູຊຸມິວ-ເອັກ ບລູພາວເວີ” ມາ ພ້ອມກັບການອອກແບບທີ່ງົດງາມ, ມີຄວາມແຂງແກ່ນທີ່ຊົງພະລັງແບບສະ ປອດຫຼູຫຼາ, ສະຫງ່າງາມ ແລະ ພຽບພ້ອມໄປດ້ວຍຟັງຊັນທີ່ຫລາກຫລາຍ, ຊຶ່ງສາມາດຕອບສະໜອງການໃຊ້ງານທີ່ທັນສະໄໝ, ພ້ອມຫ້ອງໂດຍ ສານທີ່ຫຼູຫຼາສະດວກສະບາຍປະສົມປະສານກັບການອອກແບບພາຍນອກທີ່ ໂດດເດັ່ນດ້ວຍເຕັກໂນໂລຊີແຫ່ງພະລັງເຄື່ອງຈັກກາຊວນ “ອີຊູຊຸ ດີດີໄອ ບລູພາວເວີ” ທີ່ໃຫ້ພະລັງແຮງແຕ່ປະຢັດນ້ຳມັນ, ຊຶ່ງມີຄວາມປອດ ໄພສູງສຸດຕາມແບບສະບັບຂອງອີຊູຊຸ, ທີ່ໄດ້ຮັບການຍອມຮັບຈາກຜູ້ໃຊ້ລົດໃນ ທົ່ວໂລກແລ້ວວ່າສາມາດຕອບສະໜອງການໃຊ້ຊີວິດຂອງຜູ້ໃຊ້ລົດຍຸກໃໝ່ໄດ້ສູງ ສຸດ ແລະ ຮອບດ້ານ.
