ສະພາຕໍ່າ ສະຫະລັດ ຜ່ານຮ່າງກົດໝາຍຮັບຮອງເອົາ ວໍຊິງຕັນ ດີຊີ ເປັນລັດທີ່ 51 ຂອງສະຫະລັດ
ສຳນັກຂ່າວ ອາທີ ແລະ ຊີເອັນເອັນ ລາຍງານວັນທີ 23 ເມສານີ້ວ່າ ສະພາຕໍ່າຂອງສະຫະລັດ ໄດ້ລົງຄະແນນສຽງຮັບຮອງເອົາຮ່າງກົດໝາຍຮັບຮອງເອົາ ວໍຊິງຕັນ ດີຊີ ເປັນລັດທີ 51 ຂອງສະຫະລັດ ຊຶ່ງຮ່າງກົດໝາຍສະບັບດັ່ງກ່າວຍັງຈະຖືກສົ່ງຂຶ້ນຫາສະພາສູງຕື່ມອີກ.
ຜ່ານການປ່ອນບັດຢູ່ໃນສະພາຕໍ່າ ຜົນສະແດງອອກມາກໍຄື ມີ 216 ສຽງເຫັນດີ ແລະ 208 ສຽງຄັດຄ້ານ. ຄັ້ງນີ້ເປັນຄັ້ງທີສອງໃນຮອງສອງປີທີ່ຜ່ານມາ ທີ່ສະພາຕໍ່າສະຫະລັດໄດ້ຜ່ານຮ່າງກົດໝາຍທີ່ຄ້ານຄືກັບຮ່າງກົດໝາຍສະບັບນີ້.
ເຖິງຢ່າງໃດກໍຕາມ, ເມື່ອຂຶ້ນເຖິງສະພາສູງ ຮ່າງກົດໝາຍດັ່ງກ່າວ ຈະປະເຊີນກັບການສູ້ຢັນກັນຢ່າງຮ້າຍແຮງ ຊຶ່ງຍາກທີ່ຈະມີສຽງພຽງພໍທີ່ຈະຜ່ານຮ່າງກົດເໝາຍສະບັບນີ້ີໄດ້ ຊຶ່ງຕ້ອງການ 60 ສຽງຈຶ່ງຈະຊະນະຢູ່ໃນສະພາສູງ.
ຊຶ່ງໃນຫຼາຍທົດສະວັດທີ່ຜ່ານມາ ວໍຊິງຕັນດີຊີ ເປັນນະຄອນໜຶ່ງທີ່ມີຊາວສີຜິວ ດຳລັງຊີວິດຢູ່ຢ່າງຫຼວງຫຼາຍ, ແຕ່ໃນປັດຈຸບັນຍັງເຫຼືອພຽງ 50% ເທົ່ານັ້ນ.
ຊຶ່ງ ພັກ ຣີພັບຣີກັນ ຄັດຄ້ານທີ່ຈະປ່ຽນແປງ ວໍຊິງຕັນດີຊີ ເປັນລັດທີ 51 ຂອງສະຫະລັດ, ສ່ວນໜຶ່ງແມ່ນຍ້ອນພັກ ປະຊາທີປັດເສລີມີສະມາຊິກສະພາສູງເພີ່ມອີກ 2 ຄົນ ແລະ ສະພາຕໍ່າອີກ 1 ຄົນ ຊຶ່ງພັກ ຣີພັບຣີກັນ ຢ້ານປະລາໄຊ ຈຶ່ງອອກແຮງຄັດຄ້ານຢ່າງດຸເດືອດ.
