ຫຼາຍກວ່າ 100 ບໍລິສັດ ສົ່ງຈົດໝາຍຄັດຄ້ານຕ້ານການຈຳກັດການເລືອກຕັ້ງໃນສະຫະລັດ
ສຳນັກຂ່າວຕ່າງປະເທດ ເມື່ອວັນທີ 15 ເມສານີ້ ໃຫ້ຮູ້ວ່າ ມີຫຼາຍກວ່າ 100 ບໍລິສັດ ສົ່ງຈົດໝາຍຄັດຄ້ານຕ້ານຮ່າງກົດໝາຍວ່າດ້ວຍການຈຳກັດການເລືອກຕັ້ງຂອງສະຫະລັດ, ຊຶ່ງລວມມີ Apple, Amazon, Ford ແລະ Starbucks ໄດ້ລົງນາມໃນບົດຖະແຫຼງການຮ່ວມ ເພື່ອຄັດຄ້ານຕ້ານຮ່າງກົດໝາຍວ່າດ້ວຍຈຳກັດການເລືອກຕັ້ງ ຊຶ່ງມີບາງລັດກຳລັງພິຈາລະນາຢູ່.
ບັນດານັກເຄື່ອນໄຫວກ່າວວ່າ ຂໍ້ຈຳກັດດັ່ງກ່າວ ກຳລັງຖືກຍົກຂຶ້ນ ແລະ ຖືກຮັບຮອງເອົາຢູ່ໃນ ຮ່າງກົດໝາຍການເລືອກຕັ້ງໃນລັດ ຈໍເຈຍ ແລະ ຍັງຈະຖືກນຳໃຊ້ອິກຕໍ່ໄປໃນຫຼາຍລັດເຊັ່ນ: ລັດເທັກຊັດ, ລັດ ອາຣີໂຊນາ ຊຶ່ງໄດ້ເລັ່ງເປົ້າໄປໃສ່ ຄົນຜິວສີ ແລະ ບັນດາຊົນເຜົ່າສ່ວນນ້ອຍ ຊຶ່ງທ່າທີດັ່ງກ່າວແມ່ນເພື່ອສະກັດກັ້ນສິດການເລືອກຕັ້ງຂອງພົນລະເມືອທີ່ຈະປ່ອນບັດໃຫ້ກັບພັກຣີພັບຣີກັນ.
ກຸ່ມບໍລີສັດ ໂຄກາ-ໂຄລາ ແລະ ບໍລິສັດການບິນ Delta Air Lines ເຖິງແມ່ນຈະບໍ່ໄດ້ລົງນາມຖະແຫລງການຮ່ວມກໍຕາມ ແຕ່ກໍໄດ້ມີການຖະແຫຼງການສະເພາະຂອງພວກຕົນ, ຊຶ່ງຖືວ່າການເລືອກຕັ້ງໃນລັດ ຈໍເຈຍນັ້ນ ເປັນທີ່ຍອມຮັບບໍ່ໄດ້.
