ການລະບາດຂອງໂຄວິດ-19 ເຮັດໃຫ້ຄ່າຄອງຊີບໃນຫລາຍເມືອງໃຫຍ່ຂອງໂລກຫລຸດລົງ

ການສຳຫລວດຄ່າຄອງຊີບປະຈຳປີລ່າສຸດພົບວ່າ : ເມືອງທີ່ມີຄ່າຄອງຊີບແພງທີ່ສຸດ 3 ອັນດັບທຳອິດຂອງໂລກໃນປັດຈຸບັນ ຄື : ຮົງກົງ, ຊູຣິກ (ສະວິສ) ແລະ ປາຣີ (ຝຣັ່ງ). ຂະນະທີ່ ສິງກະໂປ ແລະ ໂອຊາກາ ຂອງຍີ່ປຸ່ນ ເຊິ່ງຄອງອັບດັບ 1 ເທົ່າກັບຮົງກົງເມື່ອປີກາຍນີ້ ຕົກອັນດັບໄປ.

ການສຳຫລວດປະຈຳປີຂອງ ອີໂກໂນມີສ ອິນເທວລິເຈັນ ຢູນິດ (Economist Intelligence Unit—EIU) ເຊິ່ງເປັນໜ່ວຍວິເຄາະຂໍ້ມູນທາງເສດຖະກິດຂອງວາລະສານ ດິ ອິໂກໂນມິສ ລະບຸວ່າ : ຄ່າຄອງຊີບໃນສິງກະໂປຕໍ່າລົງ ເນື່ອງຈາກຊາວຕ່າງຊາດຍ້າຍອອກໄປຈຳນວນຫລາຍ ຫລັງຈາກການລະບາດໃຫຍ່ຂອງໂຄວິດ – 19. ແຕ່ເມືອງຫລາຍແຫ່ງຂອງຈີນ ມີອັນດັບສູງຂຶ້ນ ຍ້ອນຄວາມເຄັ່ງຄຽດອັນມາຈາກສົງຄາມດ້ານເຕັກໂນໂລຊີລະຫ່ວາງສະຫະລັດອາເມລິກາ ແລະ ຈີນ ເຮັດໃຫ້ຄ່າຄອງຊີບສູງຂຶ້ນ.

ເມືອງຫລາຍແຫ່ງໃນທະວີບອາເມລິກາ, ອາຟຣິກາ ແລະ ເອີຣົບຕາເວັນອອກ ມີຄ່າຄອງຊີບຕໍ່າລົງຕັ້ງແຕ່ປີກາຍ. ຂະນະທີ່ເມືອງໃນເອີຣົບຕາເວັນຕົກມີຄ່າຄອງຊີບທີ່ສູງຂຶ້ນ ໂດຍເມືອງໃນເອີຣົບຕາເວັນຕົກຕິດຢູ່ໃນ 10 ອັນດັບທຳອິດຂອງເມືອງທີ່ມີຄ່າຄອງຊີບສູງທີ່ສຸດໃນໂລກ 4 ເມືອງ ໂດຍ ຊູຣິກ ແລະ ປາຣີ ມີອັບດັບຄ່າຄອງຊີບສູງສຸດເທົ່າກັນ. ສ່ວນເຈນີວາ ແລະ ໂກເປັນເຮເກັນ ຢູ່ອັນດັບທີ 7 ແລະ 9 ຕາມລຳດັບ.

ທີ່ເປັນແບບນີ້ສ່ວນໜຶ່ງເປັນຍ້ອນສະກຸນເງິນໃນເອີຣົບອ່າວມີຄວາມແຂງແກ່ນໃນດັດຊະນີທີ່ມີການປຽບທຽບກັບຄ່າຄອງຊີບໃນນະຄອນຫລວງນິວຢອກ. ເມືອງທີ່ມີຄ່າຄອງຊີບເພີ່ມຂຶ້ນຫລາຍທີ່ສຸດແມ່ນນະຄອນຫລວງເຄຫະຣານຂອງອິຣ່ານ ເຊິ່ງເພີ່ມຂຶ້ນ 27 ອັນດັບ ເນື່ອງມາຈາການຂວຳ້ບາດຂອງສະຫະລັດອາເມລິກາ ເຊິ່ງສົ່ງຜົນກະທົບຕໍ່ປະລິມານສິນຄ້າໃນປະເທດ.

ລາຍການຂອງ EIU ເປັນການສຳຫລວດຊາວຕ່າງຊາດທີ່ເຮັດວຽກໃນຕ່າງປະເທດ ໂດຍໃຊ້ຂໍ້ມູນທີ່ບໍລິສັດຂ້າມຊາດຫລາຍແຫ່ງໃຊ້ໃນການຊ່ວຍຄຳນວນຄ່າໃຊ້ຈ່າຍໃນການເດີນທາງໄປເຮັດວຽກ ແລະ ການໃຫ້ຄ່າຕອບແທນແກ້ຜູ້ທີ່ຖືກສົ່ງໄປເຮັດວຽກໃນຕ່າງປະເທດ.