ເສດຖີ ອາເມຊອນ ເປັນຄົນຮັ່ງທີ່ສຸດໃນໂລກ 4 ປີຕິດຕໍ່ກັນ
ວາລະສານ Forbes ປະກາດລາຍຊື່ຄົນທີ່ຮັ່ງມີທີ່ສຸດໃນໂລກ ເມື່ອວັນທີ 6 ເມສານີ້ ໃຫ້ຮູ້ວ່າ ເສດຖີເງິນຕື້ Jeff Bezos ທັງເປັນຜູ້ສ້າງຕັ້ງ ແລະ ທັງເປັນປະທານບໍລິຫານກຸ່ມບໍລິສັດການຄ້າ ເຄື່ອງ ອີເລັກໂຕຣນິກ ອາເມຊອນ ຍັງສືບຕໍ່ຄອງອັນດັບໜຶ່ງຂອງຄົນຮັ່ງມີທີ່ສຸດໃນໂລກເປັນປີທີ 4 ຕິດຕໍ່ກັນ.
ຖັດຈາກ ເສດຖີ ກຸ່ມບໍລິສັດ ອາເມຊອນ ກໍແມ່ນເສດຖີເງິນພັນຕື້ Elon Musk. ຈາກທີ 31 ໃນປີກາຍ, Elon Musk ຜູ້ສ້າງຕັ້ງກຸ່ມບໍລິສັດເທັກໂນໂລຊີ ອາວະກາດ SpaceX ທັງເປັນປະທານຜູ້ບໍລິຫານບໍລິສັດລົດໄຟຟ້າ Tesla ນີ້ ໄດ້ຂຶ້ນມາຄອງອັນດັບ 2 ຂອງຄົນຮັ່ງທີ່ສຸດໃນໂລກ, ໂດຍມີມູນຄ່າຊັບສິນປະມານ 169,8 ຕື້ໂດລາ.
ອັນດັບຖັດລົງມາຕາມລຳດັບໄດ້ແກ່ເສດຖີ ໃນກຸ່ມບໍລິສັດທຸລະກິດເຄື່ອງເບັດຕະເລັດ LVMH Bernard Arnault, ຜູ້ກໍ່ຕັ້ງ Microsoft Bill Gates ແລະ ບໍລິສັດສື່ສັງຄົມອອນລາຍ Facebook Mark Zuckerberg.
ສ່ວນ ນັກລົງທຶນທຸລະກິດ Warren Buffett ໄດ້ຂະຫຍັງຂຶ້ນມາຢູ່ອັນດັບ 5 ຂອງຄົນຮັ່ງມີທີ່ສຸດໃນໂລກ ຫຼັງຮອບ 2 ທົດສະວັດທີ່ຜ່ານມາ.
Forbes ໄດ້ຈັດອັນດັບນັກເສດຖີຫຼາຍກວ່າ 2.755 ຄົນໃນທົ່ວໂລກ, ໃນນັ້ນມີປະມານ 493 ຄົນ ແມ່ນເສດຖີໜ້າໃໝ່ໃນປີ 2021. ຄາດປະມານມູນຄ່າຊັບສິນທັງໝົດຂອງພວກເຂົາໃນປີນີ້ສູງເຖິງ 13.1 ຕື້ໂດລາ,ຈາກປີກາຍ 8 ພັນຕື້ໂດລາ.
