ກະຊວງກະສິກຳ ແລະ ປ່າໄມ້ເຜີຍແຜ່ຜົນສຳເລັດຂອງກອງປະຊຸມສະໄໝສະມັນເທື່ອທີ 2 ຂອງສະພາແຫ່ງຊາດຊຸດທີ່ VIII

ວັນທີ 21 ມີນານີ້, ກະຊວງກະສິກຳ ແລະ ປ່າໄມ້,ໄດ້ຈັດກອງປະຊຸມເຜີຍແຜ່ຜົນສຳເລັດຂອງກອງປະຊຸມສະໄໝສະມັນເທື່ອທີ 2 ຂອງສະພາແຫ່ງຊາດຊຸດທີ່ VIII ແລະ ສະພາປະຊາຊົນນະຄອນຫຼວງວຽງຈັນ ຊຸດທີ I ,ຂື້ນທີ່ກະຊວງຂອງຕົນ,ໂດຍການເຂົ້າຮ່ວມຂອງທ່ານ ນາງ ພອນເພັດ ບຸບບຜາ ຮອງປະທານກຳມາທິການວັດທະນະທຳ-ສັງຄົມ, ສະມາຊຶກສະພາແຫ່ງຊາດຊຸດທີ VIII ,ທ່ານ ບຸນຂວາງ ຄຳບຸນເຮືອງ ຮອງລັດຖະມົນຕີກະຊວງ ກະສິກຳ ແລະ ປ່າໄມ້, ສະມາຊິກສະພາແຫ່ງຊາດຊຸທີ VIII, ແລະ ພັກນັກງານກະຊວງ ດັ່ງກ່າວເຂົ້າຮ່ວມເປັນຈຳນວນຫຼາຍ.

ຮອງປະທານກຳມາທິການວັດທະນະທຳ-ສັງຄົມສະພາແຫ່ງຊາດກ່າວວ່າ: ດັ່ງທີ່ພວກເຮົາຮູ້ນຳກັນແລ້ວວ່າກອງປະຊຸມສະໄໝສະມັນເທື່ອທີ 2 ຂອງສະພາແຫ່ງຊາດຊຸດທີ VIII ໄດ້ຈັດຂື້ນແຕ່ກາງເດືອນຕຸລາ ຫາ ເດືອນພະຈິກ 2016 ທີ່ຜ່ານມາ ແລະ ໄດ້ຕົກລົງ 10 ບັນຫາຄື: ໄດ້ຕົກລົງຮັບຮອງເອົາບົດລາຍງານຂອງຄະນະປະຈຳສະພາແຫ່ງຊາດກ່ຽວກັບການສະເໝີທົດແທນເອົາສະມາຊຶກສາະພາແຫ່ງຊາດຢູ່ເຂດເລືອກຕັ້ງທີ 13 ທີ່ເສຍຊີວິດ, ບົດລາຍງານຂອງລັດຖະບານກ່ຽວກັບການດັດແກ້ຕົວເລກມະຫາພາກ,ແຜນພັດທະນາເສດຖະກິດສັງຄົມ 4 ປີ (. 2017 – 2020 ) ກໍຄືການດັດແກ້ຕົວເລກມະຫາພາກແຜນງົບປະມານແຫ່ງລັດ, ບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມສົກປີ 2015 – 2016  ແລະ ທິດທາງຂອງປີ 2017 , ຮັບຮອງເອົາແຜນປະຕິບັດງົບປະມານແຫ່ງລັດສົກປີ 2015 – 2016  ແລະ ທິດທາງປີ 2017 ,ຮັບຮອງເອົາບົດລາຍງານຂອງອົງການກວດກາລັດຖະບານກ່ຽວກັບການແກ້ໄຂຜົນຂອງການກວດສອບໃນສົກປີ 2013 – 2014 ,ຊຶ່ງໄດ້ປະຕິບັດຕາມມະຕິຕົກລົງຂອງສະພາແຫ່ງຊາດ ແລະ ຮັບຮອງເອົາບົດລາຍງານ ແລະ ຜົນຂອການກວດສອບສົກປີ 2015 – 2016  ແລະ ແຜນການເຄື່ອນໄຫວປີ 2017,ພ້ອມນັ້ນກອປງະຊຸມຄັ້ງນີ້ກໍໄດ້ຮັບຮອງເອົາບົດລາຍງານຂອງອົງການໄອຍາການສູງສຸດ ( ສານປະຊາຊົນສູງສຸດ ) ກ່ຽວກັບການເຄື່ອນໄຫວວຽກງານຂອງອົງການດັ່ງກ່າວໃນໄລຍະ 5 ປີຜ່ານມາ ແລະ ຮັບຮອງເອົາແຜນການ 5 ປີຕໍ່ໜ້າ, ພ້ອມນັ້ນສະພາແຫ່ງຊາດຍັງໄດ້ເນັ້ນໃຫ້ອົງການດັ່ງກ່າວສືບຕໍ່ສຶກສາອົບຮົມການເມືອງແນວຄິດໃຫ້ແກ່ພະນັກງານອົງການຕົນໃຫ້ດີ, ພ້ອມທັງຍົກສູງການປະຕິບັດວິຊາສະເພາະ,ດ້ວຍການສ້າງຄວາມເຂັ້ມແຂງໃຫ້ອົງການ ແລະ ພະນັກງານ,ປັບປຸງແບບແຜນວິທີເຮັດວຽກ ແລະ ແກ້ໄຂບັນດາຈຸດອ່ອນ ແລະ ຂໍ້ຄົງຄ້າງຕ່າງໆໃນໄລຍະຜ່ານມາ,ໂດຍສະເພາະແມ່ນວຽກງານທີ່ຕິດພັນການຄຳຕັດສິນຂອງສານ ທີ່ເຮັດໃຫ້ມີການແກ່ຍາວເວລາຈົນເຮັດໃຫ້ມີຫາງສຽງຈົມວ່າຈາກປະຊາຊົນ, ພ້ອມນັ້ນກອງປະຊຸມກໍໄດ້ຮັບຮອງເອົາບົດລາຍຂອງຂອງຄນະນະປະຈຳສະພາກ່ຽວກັບແຜນການເຄື່ອນໄວ 6 ເດືອນທ້າຍປີ ກໍຄືທິດທາງແຜນການວຽກງານຂອງສະພາແຫ່ງຊາດໃນປີ 2017 ,ໄດ້ຮັບຮອງເອົາບົດລາຍງານຂອງຄະນະປະຈຳປສະພາແຫ່ງຊາດກ່ຽວກັບການຕິດຕາມ ກວກກາການອອກນິຕິກຳລຸ່ມກົດໝາຍຂອງລັດຖະບານກໍຄືຂອງຂະແໜງການ,ຊຶ່າງສັງເກດເຫັນວ່າໃນບັນດາກົດໝາຍຈຳນວນ 119 ທີ່ອອກໄປແລ້ວນັ້ນ, ຊຶ່ງຈາກການສັງລວມແມ່ນມີຫຼາຍກວ່າ 500 ມາກຕາທີ່ຈະຕ້ອງໄດ້ອອກນິຕິກຳລຸ່ມກົດໝາຍຕື່ມ, ຂະນະທີ່ນິຕິກຳທີ່ມີຢູ່ໃນປັດຈຸບັນມີພຽງ 200 ກວ່າມາຕາເທົ່ານັ້ນ, ຊຶ່ງມັນໄດ້ຮຽກຮ້ອງໃຫ້ບັນດາຂະແໜງການເອົາໃຈໃສ່ແກ້ໄຂໃຫ້ໄດ້ໃນສົກປີ 2017 ນີ້, ໄດ້ຮັບຮອງເອົາບົດລາຍງານຂອງຄະນະປະຈຳສະພາກ່ຽວກັບການຕິດຕາມກວດກາການນຳໃຊ້ສານເຄມີເກີນມາດຕະຖານອັນໄດ້ສົ່ງຜົນກະທົບໃຫ້ແກ່ສິ່ງແວດລ້ອມ ແລະ ສັງຄົມ,ໂດຍໃຫ້ຂະແໜງການກ່ຽວຂ້ອງເອົາໃຈໃສ່ຕິດຕາມກວດກາການນຳໃຊ້ສານເຄມີດັ່ງກ່າວ, ໂດຍສະເພາະແມ່ນສ່ວນປູກກ້ວຍ ແລະ ບໍລິສັດທີ່ບໍ່ເອົາໃຈໃສ່ຕໍ່ສິ່ງແວດລ້ອມໃຫ້ຢຸດຕິການເຄື່ອງໄຫວເຮັດທຸລະກິດ, ແລະ ກອງປະຊຸມຄັ້ງນີ້ຍັງໄດ້ຮັບຮອງເອົາ 14 ກົດໝາຍ,ໃນນັ້ນມີກົດໝາຍປັບປຸງ 12 ກົດໝາຍ ແລະ ສັ້າງຂື້ນໃໝ່ 2 ກົດມາຍຄື: ກົດໝາຍຄຸ້ມຄອງເຄມີ ແລະ ກົດໝາຍການສື່ສານເຕັກໂນໂລຊີ ແລະ ຂໍ້ມູນຂ່າວສານ ແລະ ທັງໝົດນັ້ນກໍແມ່ນຜົນສຳເລັດໂດຍຫຍໍ້ຂອງກອງປະຊຸມສະໄໝສະມັນເທື່ອທີ 2 ຂອງສະພາແຫ່ງຊາດຊຸດທີ່ VIII.

ໂອກາດດຽວກັນນີ້, ຕ່າງໜ້ງຂອງກະຊວງກະສິກຳກໍໄດ້ລາຍງານການເຄື່ອນໄຫວວຽກງານຂອງຂະແໜງການຕົນໃນໄລຍະແຜນມາ,ພອມທັງທິດທາງແຜນການໃນຕໍ່ໜ້າທີ່ນອນຢູ່ໃນສາມເສົາຄ້ຳຄື: ວຽກງານກະສິກຳ, ວຽການປ່າໄມ້ ແລະ ວຽກງານພັດທະນາຊົນນະບົດ ແລະ ລືບລ້າງຄວາມທຸກຍາກ.