ໄບເດັນ ປະກາດງົບ 49,5 ລ້ານໂດລາ ຊ່ວຍເຫລືອເຫຍື່ອອາຊີທີ່ຖືກທຳຮ້າຍ
ລັດຖະບານອາເມລິກາປະກາດມາດຕະການຫລ້າສຸດ ເພື່ອຮັບມືຄວາມຮຸນແຮງທີ່ເກີດຂຶ້ນຈາກກະແສຄວາມກຽດຊັງຊາວອາຊີຢູ່ອາເມລິກາ ໂດຍຈະໃຊ້ງົບປະມານຈຳນວນ 49,5 ລ້ານໂດລາສະຫະລັດ ຈາກກອງທຶນບັນເທົາໂຄວິດ-19 ມາຊ່ວຍເຫລືອຊາວອາຊີທີ່ຖືກທຳຮ້າຍ.
ທຳນຽບຂາວອອກຖະແຫລງການວ່າ: ກະຊວງຍຸຕິທຳກຳລັງເຮັດວຽກໜັກກໍລະນີອາຊະຍາກຳທີ່ເກີດຈາກຄວາມກຽດຊັງຊາວອາເມລິກາເຊື້ອສາຍອາຊີທີ່ເພີ່ມຂຶ້ນຢ່າງຕໍ່ເນື່ອງ ແລະ ກະຊວງຍຸຕິທຳກຳລັງວາງແຜນຊຸກຍູ້ກົດໝາຍອາຊະຍາກຳຈາກຄວາມກຽດຊັງນຳອີກ.
ຂະນະດຽວກັນ, ທ່ານ ໂຈ ໄບເດັນ ປະທານາທິບໍດີອາເມລິກາ ໄດ້ກ່າວວ່າ: “ພວກເຮົາບໍ່ສາມາດງຽບຕໍ່ຄວາມຮຸນແຮງທີ່ເກີດຂຶ້ນຕໍ່ຊາວອາເມລິກາເຊື້ອສາຍອາຊີທີ່ເພີ່ມຂຶ້ນໄດ້, ການໂຈມຕີເຫລົ່ານີ້ຜິດ ບໍ່ມີຄວາມເປັນອາເມລິກາ ແລະ ຕ້ອງຢຸດ”.
