ໂລກໃຊ້ວັກຊີນຕ້ານໂຄວິດ-19 ຫລາຍກວ່າ 500 ລ້ານໂດສ
March 27, 2021 - 4:31 PM
ໂດຍອ້າງອີງຈາກແຫຼ່ງຂ່າວຂອງ Worldometers, ມາຮອດເວລາ 5 ໂມງຂອງວັນທີ 26 ມີນານີ້ ທົ່ວໂລກມີຜູ້ຕິດເຊື້ອໂຄວິດ-19 ສະສົມຫຼາຍກວ່າ 126 ລ້ານຄົນ, 101.686.379 ຄົນປົວຫາຍດີ.
ຈົນມາເຖິງຂະນະນີ້ ທົ່ວໂລກໃຊ້ວັກຊີນຕ້ານໂຄວິດ-19 ປະເພດຕ່າງໆ ໄປແລ້ວ 500 ລ້ານໂດສ ຫຼັງບໍ່ທັນເຕັມ 4 ເດືອນນັບແຕ່ເລີ່ມມີການສັກວັກຊີນໃນທົ່ວໂລກ.
ປັດຈຸບັນມີ 140 ປະເທດແລ້ວທີ່ໄດ້ຮັບສັກວັກຊີນ, ສ່ວນຫຼາຍແມ່ນບັນດາປະເທດທີ່ພັດທະນາແລ້ວ, ບັນດາປະເທດເຫຼົ່ານີ້ ພວກເຂົາໄດ້ຄອບຄອງວັກຊີນໄວ້ຫຼາຍຮ້ອຍລ້ານໂດສວັກຊີນ ຢູ່ໃນກຳມື. 39% ຂອງຈຳນວນໂດສວັກຊີນທັງໝົດ ແມ່ນຖືກສັກຢູ່ໃນສະຫະລັດ ແລະ ເອີຣົບ. ເມື່ອສະເລ່ຍແລ້ວ, ແຕ່ລະວັນມີ 12 ລ້ານໂດສວັກຊີນຖືກສັກຢູ່ໃນທົ່ວໂລກ.
