ໃສ່ຮ້າຍປ້າຍສີ ນາຍົກລັດຖະມົນຕີ ສິງກະໂປ, blogger ຕ້ອງທົດແທນເງິນຕື້
ສຳນັກຂ່າວສານ Guardian ວັນທີ 25 ມີນານີ້ ໃຫ້ຮູ້ວ່າ ສານປະຊາຊົນສູງສຸດຂອງສິງກະໂປ ໄດ້ຮຽກຮ້ອງໃຫ້ blogger ຕ້ອງໄດ້ທົດແທນຄ່າເສຍຫາຍຊື່ສຽງໃຫ້ນາຍົກລັດຖະມົນຕີ ລີຊຽນລຸງ ຂອງສິງກະໂປເປັນເງິນ 98.285 ໂດລາ.
Guardian ໃຫ້ຮູ້ເພີ່ມເຕີມວ່າ ຜູ້ນຳຂອງສິງກະໂປ ໄດ້ກ່າວຟ້ອງ Leong Sze Hian ທີ່ປຶກສາດ້ານການເງິນ ພາຍຫຼັງເຂົາຜູ້ນີ້ໄດ້ລົງບົດຂ່າວສະບັບໜຶ່ງໃນໜ້າ ເຟສບຸກວ່າ ທ່ານ ລີຊຽນລຸງ ມີການພົວພັນກັບການສໍ້ລາດບັງຫຼວງ.
ນາຍົກລັດຖະມົນຕີ ລີຊຽນລຸງ ກ່າວຟ້ອງ Leong ວ່າສົ່ງຂໍ້ຄວາມທີ່ບໍ່ມີຕາມຄວາມເປັນຈິງ ວ່າເຂົາມີການຟອກເງິນໃນກອງທຶນ 1MDB ຢຸ່ໃນມາເລເຊຍ ອັນໄດ້ເຮັດໃຫ້ເຂົາເສື່ອມເສຍບົດບາດອິດທິພົນ ຢ່າງຍິ່ງ.
ຫຼັງຈາກນັ້ນ 3 ວັນ Leong ໄດ້ລຶບບົດຄວາມດັ່ງກ່າວອອກຈາກເຟສບຸກໃນເດືອນພະຈິກ 2018 ຕາມຄຳຮຽກຮ້ອງຂອງລັດຖະບານ.
ບົດຄວາມດັ່ງກ່າວຂອງ Leong ໄດ້ປະກົດຂຶ້ນເປັນຄັ້ງທຳອິດໃນສູນຂໍ້ມູນຂ່າວສານຂອງມາເລເຊຍ. ບົດດັ່ງກ່າວຂຽນວ່າ ທ່ານ ຫຼີລີຊຽນລຸງ ເປັນເປົ້າໝາຍກວດສອບການຟອກເງິນກອງທຶນ 1MDB ຢູ່ໃນມາເລເຊຍ.
