ປ້ານາລີ ສີສຸລິດ ນຳພາມອບໂຄງການນໍ້າລິນ ແລະ ໂຮງຮຽນຢູ່ເມືອງຂວາ ຜົ້ງສາລີ ມູນຄ່າ 1,2 ຕຶື້ກວ່າກີບ

ວັນທີ 13  ມີນາ 2021ນີ້ ປ້ານາລີ ສີສຸລິດ ພ້ອມຄະນະມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ ໄປມອບໂຄງການນ້ໍ້າລິນສະອາດ ພ້ອມອຸປະກອນການຮຽນ ທີີ່ບ້ານ ກົກງິ້ວ, ບ້ານ ກິ້ວກໍ່າ ເຂດແສນຍາງ ເມືອງຂວາ ແຂວງ ຜົ້ງສາລີ .

ໃນໂຮງຮຽນສອງຫລັງນັ້ນມີອຸປະກອນທີ່ປະກອບດ້ວຍ ໂຕະຕັັ່ງ, ກະດານດຳ ແລະ ການມາຄັ້ງນີຍັງໄດ້ນຳເອົາເຄື່ອງອຸປະໂພກ ບໍລິໂພກ ມາມອບອີກດ້ວຍ.

ໂຄງການດັ່ງກ່າວ ໃຊ້ເວລາກໍ່ສ້າງ 6 ເດືອນ ໂດຍໄດ້ຮັບການຊ່ວຍເຫລືອຈາກ ບໍລິສັດ ຫ້າງຮ້ານພາກເອກະຊົນຫລາຍພາກສ່ວນມີມູນຄ່າ 1,2 ຕື້ກວ່າກີບ.

ປ້ານາລີ ສີສຸລິດ ໄດ້ກ່າວວ່າ: ຫວັງຢ່າງຍິ່ງວ່າໂຄງການ ທີ່ສ້າງຂຶ້ນມານີ້ ຈະເປັນພື້ນຖານແກ່ການດຳລົງຊີວິດທີ່ດີຂຶ້ນ, ເຖິງແມ່ນວ່າຈະບໍ່ຍິ່ງໃຫຍ່ ແຕ່ມັນກໍແມ່ນປັດໄຈພື້ນຖານກຳານດຳລົງຊີວິດ ທີ່ຂາດບໍ່ໄດ້, ພວກເຮົາບໍ່ໄດ້ຫວັງຫຍັງຫລາຍນອກຈາກຄວາມປະທັບໃຈ ແລະ ຫວັງໃຫ້ພໍ່ແມ່ພີ່ນ້ອງໄດ້ຊົມໃຊ້ຢ່າງມີປະໂຫຍດສູງສຸດ  “ຄວາມອົບອຸ່ນຈາກປະຊາຊົນມອບໃຫ້ຄືຜ້າພັນຄໍຜືນໜຶ່ງ ທີ່ເຮັດໃຫ້ຮ່າງກາຍແລະຈິດໃຈອົບອຸ່ນໄປຕະຫຼອດກາລະນານ”